Skate Basozelai 2018 comp«Skate txapelketa Basozelaiko jaietan, ekainaren 23an, goizeko hamaiketatik aurrera»

Ekainaren 23an Skate Txapelketa izango da Basaurin, Basozelai auzoan, Sanjoanetako egitarau barruan, seigarren urtez jarraian. Ekitaldia ZirtZartek eta Kultur Basaurik antolatu dute, Basauriko Skate Elkartearekin batera.

Txapelketa 11:00etan hasiko da. Sei kategoria izango dira:
• Sub12: 11:00-12:00
• Sub16: 12:00-13:00
• Nesken kategoria: 13:00-14:00
• Masters: 15:30-16:30
• Opena: 16:30-18:30
• Half Pipe: 18:30-19:30

Sariei dagokienez, parte-hartzaileen artean banatzeko materialaz gain, open eta half pipe kategorietako irabazleek eskudirua ere jasoko dute: guztira 925 € banatuko dira. Ekitaldiaren egunean bertan eman ahalko da izena. Sub12 kategorian, bestalde, nahitaez erabili beharko dira kaskoa eta babesak.

Urban festa 2018 comp Bilingue RGB<<Ekainaren 16an, Basaurin, «Urban Festa»ren zazpigarren edizioa ospatuko da, grafitia ardatz duela eta nobedade berriak eskainita>>

Ekainaren 16an Urban Festa jaialdia ospatuko da Basozelai Gizarte Etxean, ZirtZart Basaurik antolatua –Basauriko Udalaren Gazteria programaren baitan- eta Kultur Basauriren laguntzarekin. Grafiti arte-lanetan aditu andana batzen dituen eskaintza horrek zazpi urte beteko ditu aurtengoan, eta ohiko erakusketaz gain, tailerrak eta zuzeneko musika ere ez dira faltako.

Antolakuntzak, nobedade moduan, arte-lan urbano mota berrien produktuen erakusketa antolatu du egun horretarako. Parte-hartzaileek aukera izango dute ekoizturiko lanak publikoaren aurrean aurkezteko, eta era berean, beste profesionalekin harremanetan jartzeko.

Zazpigarren edizio honek kutsu solidarioa ere badu. NBQ erakunde laguntzaileak hainbat ekimen bultzatu izan ditu egun arte bere produktuen salmentaren bitartez lorturiko dirua proiektu solidarioei bideratuta, minbiziaren aurkako edota animalien babeserako kanpainak, besteak beste. Ekainaren 16an, Urban Festa programaren baitan, enpresak spray edizio berezia aurkeztuko du, eta irabazi guztiak Pare Manel Fundazioak jasoko ditu. Bullying edo eskola-jazarpenaren aurka lan egiten duen irabazi asmorik gabeko elkartea dugu azken hori. Aipatzekoa da, bestalde, edizio berezi horren diseinuan Arrigorriagako Andoni Ortiz gaztearen lana. Ortiz, aitzinetik ibili izan da Urban Festan murgildurik laguntzaile lanetan.

Egunean zehar Profesor G musikaria zuzenean arituko da grafiti erakusketa girotzen, eta gaueko bederatzietatik aurrera Aiaraldeko Soinu Sistema kolektiboak “roots reggae” jaialdia eskainiko du.

Programazioa:
- Grafiti erakusketa: 11:00 – 20:00
    - Zuzeneko eskaintza, Profesor G
- NBQ aurkezpena: 16:00
- Grafiti eta Serigrafia tailerrak: 17:00
- «Batalla de Stylos» txapelketa: 20:00
- «Aiaraldeko Soinu Sistema»: 21:00

*Egitarau osoa doakoa da, eta beraz publikoak ez du inolako sarrerarik ordaindu behar izango. Tailer nahiz zuzeneko emanaldien plaza kopurua mugatua izango da.

Seigarren edizioaren bideo-laburpena: LOTURA

Skate San Miguel comp A3<<Skate txapelket eta zuzeneko musika ekainaren 9an Basauriko San Migelen>>

Ekainaren 9an, larunbat arratsaldean, skate txapelketa egingo da hirugarren urtez jarraian Basauriko San Migelen, Castilnovo plazan. Ekitaldia ZirtZartek eta Kultur Basaurik antolatu dute Basauriko Skate Elkartearekin batera. Kirol horren inguruko jardunaldian zuzeneko musika ere izango da.

Txapelketa arratsaldeko 16:00etan hasiko da eta bi kategoria egongo dira: lehenengoa hamalau urte baino gazteago direnek osatuko dute, eta bigarrena, aldiz, adin hori gainditzen dutenek.

Sariei dagokienez, 14 urtetik beherako parte hartzaileen artean banatuko den materialaz gain, Open kategoriako irabazleek dirua jasotzeko aukera izango dute, denera 425 € (proba guztien artean banatzeko).. Izen-emateak egunean bertan egingo dira eta hamalau urtetik beherako gazteek nahitaez kaskoa eta babesak erabili beharko dituzte.

Txapelketa bukatu ostean, Akabu musika talde galdakoztarraren eskutik eskainitako zuzenekoaz gozatzeko aukera izango du publikoak, plazan bertan. Laukote gazte horrek kaleratu berri duen lehen diskoa osatzen duten abestiak entzuteko aukera paregabea.

Programazioa:
- Sub14 kategoria → 16:00 – 17:30
- Open kategoria → 17:30 – 19:30
- Zuzenekoa, «Akabu» → 20:00 – 20:30

<<Basauriko Gazteguneetan ekainean eskainiko den programa>>

Zirt Zart Basauri Gazteria zerbitzutik hil honetan “MENS SANA IN CORPORE SANO”-ekin erlazionatutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan aurrera eramango dira. Ez da beharrezkoa izena aurretiaz ematea, baina tokien kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa.

Yoga tailerra: Profesional baten eskutik yogako oinarriak ezagutuko ditugu eta sesio bat aurrera eramango dugu.

Smoothie tailerra: smoothie osasuntsu eta goxo bat prestatuko dugu gure fruitu gustukoenekin.

Humus tailerra: Hain zaporetsua den plater hau prestatzen ikasiko dugu eta ondoren elkarrekin askalduko dugu.

Filmania: Hileko gaiarekin erlazionatuta dagoen pelikula batez gozatuko dugu San Migelen.

Billar txapelketa: Gazteek billarrean dituzten gaitasunak erakusteko aukera izango dute lehiaketa honetan Basozelain.

Ping-pong txapelketa: txapelketa honetan gazteek beraien artean lehiatuko dute irabazle bakarra geratu arte.

Igela txapelketa: Jolas dibertigarri honen bitartez, gure punteria banaka eta taldeka landuko dugu.

<<The Owl Project taldeak irabazi du Rockein-en seigarren edizioaren sari nagusia>>

Haxotz izan da tokiko talderik onena; Agian, euskarazko talderik onena eta Kimerak irabazi du Publikoaren saria

The Owl Project-ek, Markina-Xemeingo laukoteak, irabazi du Rockein, talde eta bakarlariei zuzendutako lehiaketa musikalaren seigarren edizioaren, sari nagusia. Kasabian, Primal Scream eta Oasis-etik abiatu eta MGMT edo LCD Soundsystem-en bukatzen diren eragin musikalak dauzka talde bizkaitarrak. Rockein-en sari nagusiko aurreko irabazleak Los Cosméticos (2017), Albert Cavalier (2016), Grand Matter (2015), The Weapons (2014) eta Radiofunkens (2013) izan ziren.

Tokiko talderi onenaren saria Haxotz-ek irabazi du, hardcore zaratasu, melodiko eta politikoa egiten duen laukotea. Agian -tokiko talderik onenaren saileko finalista ere bazen- izan da euskarazko proposamen onena eta Kimerak irabazi du Publikoaren saria, 2.650 lagunek parte hartu duten lehiaketan 303 botu jaso ostean.

Rockein-en finala iragan larunbatean, maiatzaren 12an, izan zen Basauriko Social Antzokian, doan. 250 lagun baino gehiago bertaratu ziren The Owl Project, Moonshakers eta Purple Vellocet -sari nagusiko finalistak- eta Haxotz, Agian eta Todos los fuegos -tokiko talderik onena- zuzenean ikusteko.

Finaleko epai mahaia ondorengo pertsonek osatu zuten: Álvaro Fierro, kritikari musikala, dokumental musikalen zuzendari eta kulturaren alorrean eragin ekonomikoak ikertzen dituen Cultumetría enpresako arduradun; Amets Rodríguez, Mundaka Festival-eko zuzendaria; Jon Hervás, Shake klubaren eta Solifest eta Unisound jaialdien eragile eta Panorama promotorako kide; Amaia Santana, musikan berezitutako kazetaria (MondoSonoro, Rock In Bilbo); Iker Bárbara, MondoSonoro aldizkari musikalaren Euskal Herria eta Errioxako edizioaren koordinatzailea; Joseba Vegas, BI FM-ko zuzendaria; Jon Aguirrezabalaga, ekoizle musikala eta WAS musika taldeko kidea eta Igone Beloki, Basauriko Udaleko Gazteria saileko zinegotziak.

Multiabentura Urdaibain copia<<Multiabentura Urdaibain ekainaren 17an, igandea, ZirtZart Basauriren eskutik>>

Zirt Zart Basauri Gazteria zerbitzuak, Kultur Basaurirekin elkarlanean, multiabenturako irteera antolatu du Urdaibain, 12 eta 35 urte bitarteko gazteentzat.

Irteera honetan, abentura kiroletako oinarriak ikasiko dituzte parte-hartzaileek. Alde batetik, paddle surfean irakatsiko digu begirale espezializatu batek Mundakako hondartzan. Beste aldetik, eskalada jardueran, oreka frogatzeko aukera izango duzue, begirale profesional baten laguntzaz.

Ordutegiei dagokienez, San Migeleko gazteek goizeko 10:30ean hartuko dute autobusa BBK aurreko autobus geltokian San Migelen (bertan egongo dira begiraleak). Itzulera toki berean izango da arratsaldeko 17:30ean. Basauriko gazteek, autobus bera hartuko dute goizeko 10:35ean Basauriko udaletxearen aurreko autobus geltokian (bertan egongo dira begiraleak). Kasu honetan, itzulera arratsaldeko 17:25ean izango da abiatze leku berean.

Jarduera honetarako, janaria eraman beharko dute parte-hartzaileek (tupper-a, ogitartekoa…). Arropa eta oinetako erosoak, bainujantzia, eskuoihala eta eguzkitarako krema eramatea ere aholkatzen dugu.

Plazak mugatuak dira, eta apuntatzeko azken eguna maiatzaren 31 izango da. Kuota: herrian erroldatutakoak 8 €, bestelakoak 12 €.

Uda honetan, 12-15 urte bitarteko gazteei zuzenduta, UDA GAZTE programa eskainiko dugu Basozelai eta San Migeleko gazteguneetan, ekainaren 25etik 29ra, goizeko 11:00etatik 13:00etara. Parte hartu nahi duten gazteek maiatzaren 29tik ekainaren 9ra eman beharko dute izena. Ordaindu beharreko kuota, 10€ (zehaztutako plaza kopurua bete ezean, herrian ez erroldatutakoek parte hartzeko aukera izango dute).

Hona hemen jardueren laburpen laburra:

Mugikorretarako zorro tailerra: mugikorrak apaintzeko zorroak diseinatu eta sortuko ditugu.

Izozki tailerra: geure gustuko izozkiak prestatzen ikasiko dugu.

Ur gymkhana: hainbat ur jolas egingo ditugu, udaz eta eguraldi onaz gozatzeko.

Scape room: taldeka lan egin beharko dugu gelatik denbora mugatuan irteteko.

Argazki gymkana: mapa bati jarraituta, adierazitako tokien argazki originalak atera beharko dituzte.

<<Gitarra eta bateria ikastaroen entzunaldia ekainaren 2an, Ibaigane Kultur Etxean>>

2017/2018ko gitarra eta bateria ikastaroei amaiera emango dien entzunaldia eskainiko da ekainaren 2an (larunbata). Ikastaro horiek Kultur Basauri eta ZirtZart Basauri udal zerbitzuen urte osoko jardueren parte dira, musika-hezkuntzaren alorrekoak, eta musikagintzan diharduten adituek zuzentzen dituzte. Aurtengoan, nobedade moduan, entzunaldia Ibaigane Kultur Etxean izango da.

11:30ean hasiko da emanaldia, eta lantaldea osatzen duten ikasleek zuzenean joko dute. Sarrera doan izango da.

INFORMAZIO GEHIAGO

Basauriko Udala - Zirt Zart Basauri, Gazte Informazio Bulegoa – Kultur Basauri
-Tel. : 944 666 400 – 944 666 430
-Email: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.
-Web: zirtzart.basauri.eus

<<Basauriko Gazteguneetan maiatzean eskainiko den programa>>

Hil honetan Zirt Zart Basauri Gazteria zerbitzutik “EUSKALBAS”i lotutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan egingo dira. Ez da beharrezkoa izena aurretiaz ematea, baina plaza kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

Euskal dantzak: ohiko euskal dantzen pausuak dantzatzen ikasiko dugu.

Euskal Jaia: gazteek Euskal Astea ospatzeko aukera izango dute. Jarduera bereziak eta euskal musika.

Euskal Rap: euskaraz egindako rap-aren munduan murgilduko gara, profesionalek lagunduta.

Filmania: hileko gaiarekin erlazionatutako pelikula batez gozatuko dugu San Migelen.

Irrati tailerra: irrati tailerra egiteko aukera izango dugu, Colombia Euskadi elkartearen eskutik.

Billar txapelketa: Gazteek billarrerako gaitasunak erakusteko aukera izango dute (Basozelaiko billarrean).

Orrialdea 1/6

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu