Hirugarren deialdiaEuskarazko ipuin laburren lehiaketak irailaren 10ean emango dio hasiera hirugarren, eta beraz, azken deialdiari. Interesdunek azaroaren 10era arte izango dute aukera horretan parte hartzeko.

     -Irailaren 10etik azaroaren 10era. «Maitea zuen hankartean azkenik…» esaldia izango da abiapuntua.

     -19 proposamen jaso dira bigarren deialdian (41 lehenengoan), eta Igor Mercado Azcuenaga leioarra izan da garaile. Maddi Zabalo Mateos zeberiarrak irabazi du Elkar Saria.

«Maitea zuen hankartean azkenik». Esaldi horrekin bukatutzat jo zuen Igorrek bere kontakizuna eta horri jarraipena ematea dute erronka azken deialdian parte hartu nahi duten gazteek, gehienez ere, ehun hitzeko kontakizuna idatziaz. Bakar-bakarrik onartuko dira euskaraz aurkeztutako testuak. Basauriko Udalaren Gazteria Zerbitzuaren webgunean (zirtzart.basauri.eus) dago deialdian izena emateko plataforma. Parte hartzeko, bertako eremu guztiak bete beharko dira.

Irailaren 10ean hasiera emango zaio hirugarren deialdiari eta interesdunek azaroaren 10era arte izango dute aukera lehiaketan parte hartzeko. Kontakizun bi sarituko dira: «kontakizunik onena», berrehun euroko sariarekin (200 €); eta «Elkar saria» —alegia, gazteenen arteko testurik onena—, hirurogeita hamabost euroko sariarekin (75 €). Gainera, saritutako kontakizunak Geuria aldizkarian argitaratuko dira.

Bigarren deialdian hemeretzi proposamen jaso ditu antolakuntzak, lehenengoan berriz berrogeita bat. Honakoa da Igor Mercado Azcuenaga garaile gaztearen kontaketa:

Seniderik ez zen agertu hiletan; bai ordea ezagun dezente eta sasilagun andana. Denek zekiten nolako bizimodua zeraman Lolak, gehienak antzera baitzebiltzan, labanaren ahoan dantza eroan, askatasunari gorazarre baina zigarreta, edari narras eta kimiko moztuen errutinatik ezin libratu. Algara-gauetan bidaide izandakoek, komunzuloetako maitaleek eta hiletara bertaraturiko gainontzekoek, bada, deus gutxi egin zuten Lolaren alde. Alferrik zen, hortaz, beilategian ezein hitz ahoskatzea ziniko suertatu gabe. Lukas, alabaina, hilkutxara hurbildu, Lolaren eskua hartu eta zerbait esatera joan zen, trapitxero guzti-guztiek ohikoa duten harrokeriaz. Ukabilkada batek, haatik, hilkutxa barrura bultzatu zuen. Post-mortem izanagatik, Lolaren ezpainetan desira baten betekizuna irakur zitekeen. Maitea zuen hankartean azkenik.

Azken deialdian parte hartu nahi duten interesdunek kontaketa horren azken esaldiari jarraipena eman beharko diote proposamen berria sortuaz. «Maitea zuen hankartean azkenik…»

Bestalde, Maddi Zabalo Mateos gazteak, 12-17 urte bitarteko parte hartzailerik bozkatuena, eskuratu du  “Elkar Saria”.

ARGIBIDE GEHIAGORAKO:

Basauriko Udala – ZirtZart Gazte Bulegoa

  • Telf: 944 666 430
  • Posta elektronikoa: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

 

Aurki informazio gehiago

Leihaketaren oinarriak hemen deskargatu ahal dira.

Lehiaketaren oinarriak

 

Sartu zure datu pertsonalak eta zure kontaketa.

Required *

 

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu