Skate Txapelketa Basozelain, ekainaren 22an, goizeko hamaiketatik aurrera

Basauri Kirolaren Europako Hiria izendatu dute aurten, 2024an. «OPEN BASOZELAI» skate txapelketa adibide garbia da udala, ZirtZart gazte zerbitzuaren bitartez eta Basauriko Skate Erakundearen laguntzaz, jarduera fisikoa eta kirola sustatzeko jarduerak mantentzen eta zabaltzen jarraitzen duela herritarren artean kirol-ohiturak sendotuz biztanleria aktiboagoa, osasuntsuagoa eta inklusiboagoa lortzeko.

Skate Txapelketa Basozelai auzoan, Sanjoanetako egitarau barruan, ospatuko da eta hori 11:00etan hasiko da. Sei kategoria izango dira:

     · Sub12: 11:00
     · Sub18: 12:00
     · Nesken kategoria: 13:00
     · Masters: 16:00
     · Opena: 17:00
     · Half Pipe: 18:30

Sariei dagokienez, parte-hartzaileen artean banatzeko materialaz gain, open eta half pipe kategorietako irabazleek eskudirua ere jasoko dute. Ekitaldiaren egunean bertan eman ahalko da izena. Sub12 kategorian, bestalde, nahitaez erabili beharko dira kaskoa eta babesak.

«Festibas» musika banden hamargarren edizioa urriaren 12an (larunbata) izango da, San Faustoekin bat eginik

«Festibas» banden jaialdia antolatu du ZirtZart Basaurik, Basauriko Udalaren gazteria-programa integralak. Jaialdi honek helburu ditu Basauriko musika taldeak eta Basozelai Gizarte Etxeko entsegu-geletako banda erabiltzaileak.

Urriaren 12an (larunbata) izango da hitzordua Basaurin, San Faustoko jaien ospakizunekin bat eginik. «Festibas»en xedea da zuzenean jotzeko aukera ematea herriko musika taldeei, eta ikusleen aurrean bultzatzea proiektu bakoitza, jai-giroan.

Jaialdian parte hartu nahi duten taldeek ekainaren 5etik uztailaren 10era eman beharko dute izena. Horretarako, antolatzaileek eskatutako agiriak aurkeztu, eta ezarritako gutxieneko baldintzak bete beharko dituzte, besteak beste: taldeko kide bat, gutxienez, Basaurin bizitzea, edota azken hiru ikasturteotan (2021-2024) Basozelai Gizarte Etxeko entsegu-lokaletan aritu izana; eta taldeko kide guztiak 16 urtetik gorakoak izatea.

OINARRIAK · IZENA EMATEKO ORRIA

Ekaina kartela<<Zirt Zart Basauri Gazteria Zerbitzukook hilabete honetan jarduera batzuk antolatu ditugu 12 eta 17 urte bitarteko gazteentzat. Basozelaiko eta San Migeleko gazteguneetan izango dira, hala nola, karaoke inklusiboa, irteera, ping pong lehiaketa eta Uda Gazte campusa>>


*Irteeran eta Uda Gazten parte hartzeko aurretik izena eman beharko da.
Hona hemen egitarauaren laburpentxoa:
Ekainak 1 – Karaoke LGTBIQ+: Musikak ez dio sexu-orientazioari erantzuten, baina abesti asko ereserki bihurtu dira LGTBIQ+ komunitatearentzat, balio batzuk zabaltzen dituztelako (tolerantzia, maitasun librea, autobaieztapena) edo, zuzenean, sexu-diskriminazioaren aurkako aldarria direlako. Horregatik, gonbidatu nahi zaituztegu ereserki horietan oinarritutako karaoke-arratsalde bat gurekin partekatzera. Ordutegia:18:00-20:00.

Ekainak 16 – Coastering irteera, Lekeitio: Eskalatzea, arroilen jaitsiera eta itsasoa, zer gehiago eskatuko diogu abentura jardunaldi bati? Bizkaiko kostaldea ezagutzeko aukera izango dugu. Lekeitioko itsasbazterraren orografiari esker, ikuspegi paregabeez gozatuko dugu. Oinez, igeri eginez zein salto eginez inguratuko dugu itsasertza. Beharrezko kasuetan, rappel egitea, tirolinetan salto egitea eta halako teknikak erabiliko ditugu. EMAN IZENA

Ekainak 22 – Ping pong lehiaketa: Mahai-tenisean trebea al zara? Hurbildu gaztegunera lehiatzera. Ordutegia: 18:00-20:00.

Ekainaren 24tik 28ra – Campus Uda Gazte: Urtero bezala, uda honetan 12-16 urte bitarteko gazteei UDA GAZTE programa eskainiko diegu Basozelaiko gaztegunean, goizez 10:00-13:00 ordutegian. Egun hauetan hainbeste jarduera egingo ditugu gaztegunean eta gaztegunetik kanpo. EMAN IZENA

 

Rockein berrituta itzuli da 12. edizioan, Euskadin eta Nafarroan artisten eta banden agerpena sustatzen jarraitzeko

-Izena emateko epea gaur hasi eta uztailaren 11ra arte egongo da zabalik eta finala azaroaren 16an izango da Basauriko Social Antzokian

-Lehiaketaren tokiko kategoriak estaldura Hego Uribe eskualdera zabaldu du eta kategoria horretako irabazlearen sariari bideoklip baten grabazioa gehitu zaio

-Lova Loisek, 2023ko kategoria nagusiaren irabazleak, prentsaurrekoan aurkeztu ditu sariaren ondoriozko EPa eta bideoklipa


Basauriko Udalak Rockein musika lehiaketa antolatu du hamabigarren urtez jarraian, Euskal Autonomia Erkidegoko eta Nafarroako talde eta bakarlariei zuzenduta.

Izena emateko epea gaur hasi eta uztailaren 11ra arte egongo da zabalik. Jasotako proposamen guztien artean, sektoreko profesionalek osatutako epaimahai batek sei finalista aukeratuko ditu, eta Basauriko Social Antzokian arituko dira azaroaren 16an, larunbatez. Gau horretan bertan erabakiko eta jakinaraziko du epaimahaiak zeintzuk izango diren 2024ko edizioko talde irabazleak.

Hamabigarren edizio hau nobedadeekin dator. Lehiaketaren tokiko kategoriak Hego Uribe eskualde osoko musika proposamenetara zabaltzen du bere estaldura-eremua. Basaurin, Arrigorriagan, Etxebarrin, Galdakaon, Ugaon, Usansolon edo Zaratamon erroldatutako pertsona bat gutxienez duten taldeek edo bakarlariek kategoria horretako saria eskuratu ahal izango dute. Social Antzokiko finalera tokiko 3 talde igaroko dira (sari nagusia irabazteko 3 hautagaiez gain), eta horietako bat, gutxienez, Basaurikoa izango da beti. Tokiko sariaren irabazleak bideoklip baten grabazioa jasoko du sari gisa, aurreko edizioekiko berritasun moduan.

Kategoria nagusiko irabazleak ere bideoklip bat grabatzea jasoko du sari moduan, Bilboko El Tigre estudioetan 5 abestiko EP bat grabatzeaz gain. Lehiaketako lau kategorietako proposamen irabazle guztiek ordaindutako kontzertua emango dute 2025eko MAZ Basauri jaialdian.

Lova Lois iazko irabazleak ´Todo son señales’ EPa eta izen bereko abestiaren bideoklipa aurkeztu ditu gaurko prentsaurrekoan, jasotako sariaren ondorioz ekoiztutakoak biak.

Rockeinek 2013an ekin zion bere ibilbideari, talentu musikal berria detektatzeko eta sustatzeko Basaurin antolatutako aurreko beste lehiaketa batzuen lekukoa hartuz. Aurreko egitasmoetako sariei hilabete batzuetako laguntza profesionala gehitu zien, artistei amateurismotik sektore profesionalerako jauzia esploratzea errazteko. Urteen poderioz, Rockeinen sariak hobetzen joan dira, eta lehiaketak MAZ Basauri musika-zikloarekin duen lotura finkatu da, biak ere Basauriko Udalak sustatuak.

"Rockeinek zortzi urte jarraian daramatza bere parte-hartze errekorra hausten. 2023an 191 artistak eman zuten izena. Nabarmentzeko zifra da, lehiaketa hau Euskal Herrian sortzen ari diren artistentzako erreferentzia dela baieztatzen duena. Azken urteotan, Rockeinetik Sara Zozaya, Silitia edo Lova Lois bezalako izenak atera dira. Azken hau gaur hemen gurekin dago. Oso denbora gutxian, promesa gazte izatetik errealitate izatera igaro dira. Rockeinek bilakaera horri bere ekarpen txikia egin diola pentsatzea gustatzen zaigu.

Hori dela eta, 2024an lehiaketa indartu dugu, tokiko kategoriaren estaldura Hego Uribe osora zabalduz eta tokiko saria hobetuz, bideoklip baten grabaketarekin. Azken hau ekarpen eraginkorragoa dela iruditzen zaigu, gaur egun, musika zabaltzeko moduetara eta bizi dugun garaiari egokitzeko. Basaurik musika-talentu berria babesten jarraitzeko konpromisoarekin sendo jarraitzen du", adierazi du prentsaurrekoan Asier Iragorri Basauriko alkateak.

PARTE HARTZEKO BALDINTZAK
     -Euskal Autonomia Erkidegoan (EAE) edo Nafarroan jaiotako edo bertan bizi den taldekide bat izatea, gutxienez.
     -Tokiko banda onenaren saria eskuratu ahal izateko: Basaurin, Arrigorriagan, Etxebarrin, Galdakaon, Ugao-Miraballesen, Usansolon edo Zaratamon erroldatutako taldekide bat izatea, gutxienez.
     -Eskarabilera saria eskuratu ahal izateko: taldeko kideen %50a gutxienez emakumeak izatea.
     -Taldekideak 16 urtetik gorakoak izatea.
     -Izena emateko unean ez izatea disko bat baino gehiago argitaratuta, kontratu diskografiko bati lotuta dagoen edo ez kontuan hartu gabe.
     -Abestiak originalak izatea.

     -Musika-estilo guztiak onartzen dira
    -Aurretik Rockeinen izena emandako talde guztiek edizio berri honetan parte hartzeko aukera dute, baldin eta aurrez aipatutako baldintzak betetzen badituzte. Dagoeneko irabazle izan diren taldeek ez dute sarituak izan ziren kategoria berean errepikatzeko aukerarik izango.

JOKOAN DAUDEN SARIAK:

Artista irabazlea
     -EP profesional bat (gutxienez bost abesti) grabatzea Bilboko El Tigre estudioetan
     -Bideoklip profesional bat grabatzea
     -Kontzertua MAZ Basauri festibalean

Tokiko artistarik onena
     -Bideoklip profesional bat grabatzea
     -Kontzertua MAZ Basauri festibalean

Euskarazko artistarik onena
     -Kontzertua MAZ Basauri festibalean

Eskarabilera saria
     -Kontzertua MAZ Basauri festibalean

Informazio gehiago:
www.facebook.com/rockein
Twitter: @rockeinrock

OINARRIAK · IZENA EMATEKO ORRIA

<<Ekainaren 15ean, larunbata, Basauriko Udalak «Urban Festa» topaketaren beste edizio bat antolatu du>>

Basozelai Gizarte Etxeko hormek diseinua eta kolorea aldatuko dituzte aurten ere, eta horretarako graffiti-erakusketan 35 lagunek parte hartuko dute. Hamahirugarren edizio honetan hautatutako artista gehienak Euskal Autonomia Erkidegokoak eta Nafarroakoak, 11:00etan hasiko dira. Aurreikusten da lanak garatzen 11:00etan hasi eta 19:00 aldean amaituko dutela. Basozelai Gizarte Etxeko patio barruko hormak egokituko dira parte-hartzaileen beharrizan teknikoak errazteko eta horiek eguna emango dute zentroa koloreztatzen.

Horrez gain, alde batetik kaleko grafismoa lantzeko Master Class-a antolatu da adingabeei zuzenduta. Bestetik, jardunaldian txapelketa txikia jokatuko da, eta edonork izango du parte hartzeko aukera. Eskaintza horietan ibiltzeko izena eman beharko da, egunean bertan, kontuan hartuta plazak mugatuak direla.

Aurten, berrikuntza gisa, Biarte Dantza Eskolak dantza urbano erakustaldia egingo du. Bertan, eskola horretan ikasten ari diren ikasleek beren trebetasunak erakutsi ahal izango dituzte ikusleen aurrean.
Jarduera guztiak Basozelai Gizarte Etxeko patioan egingo dira. Esparrura sarrera nagusitik sartuko da.

Programa hau Basauriko Udalak antolatzen du, ZirtZart Basauri Gazteria Zerbitzuaren bitartez, eta Aztarnak Muralismo-ren laguntza du.

Produkzio ordutegia:

    • Graffiti erakusketa  11:00 – 19:00
    • Master Class  12:00 – 14:00
    • Dantza erakusketa  18:00 – 19:00
    • «Batalla The Stylos» txapelketa  19:00 – 20:30

SARE SOZIALA, HEMEN

ZirtZart Basaurik «Uda Gazte» eta «Tekno STEAM» campusak eskainiko ditu, 12 eta 16 urte bitarteko gazteentzat, 2024ko ekainaren 24tik uztailaren 5era

- Uda Gazte, ekainaren 24tik 28ra Basozelai Gizarte Etxean
- Tekno STEAM, uztailaren 1etik 5era Arizko Dorretxean

Basauriko Udalak, ZirtZart gazteria zerbitzuaren bitartez, 12 eta 16 urte bitarteko gazteentzako bi jarduera eskainiko ditu, ekainaren 24tik uztailaren 5era bitartean. Hain zuzen ere, «Uda Gazte» eta «Tekno STEAM» campusak izango dira.

Lehenengo campusa Basozelai Gizarte Etxean eskainiko da, astelehenetik ostiralera, 10:00etatik aurrera eta hiru orduko iraupena izango du. Bertan, kirol eta ur ginkanak, eskulanak eta abentura irteera izango dira, besteak beste. Bestalde, «Tekno STEAM» campusa, Arizko Dorretxean eskainiko da astelehenetik ostiralera, 10:00etatik aurrera eta egunean hiru orduko iraupena izango du. Teknologia-jarduerak landuko dira eta zenbait erronka ebatzi beharko dituzke ikasleek robotika hezitzailearen bidez.

Interesdunek maiatzaren 13tik ekainaren 13ra bitartean eman dezakete izena, telematikoki, Gazteria Zerbitzuaren webgunearen bidez (zirtzart.basauri.eus) edo Basozelai Gizarte Etxeko Gazteentzako Informazio Bulegoan bertan. Plaza kopurua mugatua denez, horiek esleitzeko orduan «ZirtZart Bazkide» txarteladunek izango dute lehentasuna.

Bi eskaintzetan parte har daiteke. Tarifari dagokionez «Uda Gazte» campusa 26€ kostatuko da, eta «Tekno STEAM» campusa 41€. ZirtZarteko bazkideek %40ko deskontua dute; Gazte Txartela dutenek, berriz, %20koa.

IZENA EMAN

<<Zirt Zart Basauri Gazteria Zerbitzukook hilabete honetan jarduera batzuk antolatu ditugu 12 eta 17 urte bitarteko gazteentzat>>

maiatza San Migel txikiamaiatza Basozelain txikiaBasozelaiko eta San Migeleko gazteguneetan izango dira, hala nola, Euskal Asteko proposamena, zurrumurru negatiboen aurkako ekintza, sukaldaritza eta argazkiak transferitzeko tailerra.
Euskal Asteko Scape Room eta Euskal Talent show jardueretan parte hartzeko aurretik izena eman beharko da.


Hona hemen Basozelaiko gaztegunearen egitarauaren laburpentxoa:
Maiatzak 11 - Zurrumurruen aurkako Scape Room: Egun honetan zurrumurruen aurkako sarea elkartearekin estereotipo negatiboei aurre egingo diegu Scape Room baten bidez. Ordutegia:18:00-20:00.
Maiatzak 18 - Euskal Talent Show: Euskal Astea ospatzeko euskarazko ikuskizuna egingo dugu gazteguneetako gazteekin batera. Ordutegia: 17:00-20:00.
Maiatzak 25 - Sukaldaritza tailerra: Tailer honetan euskal sukaldaritza egingo dugu. Ordutegia: 18:00-20:00.

Hona hemen San Migeleko gaztegunearen egitarauaren laburpentxoa:
Maiatzak 11 - Sukaldaritza tailerra: Tailer honetan euskal sukaldaritza egingo dugu. Ordutegia: 18:00-20:00.
Maiatzak 18 - Euskal Talent Show: Euskal Astea ospatzeko euskarazko ikuskizuna egingo dugu gazteguneetako gazteekin batera. Ordutegia: 17:00-20:00.
Maiatzak 25 - Argazkiak egurrean: Egun honetan argazkiak egurrera transferituko ditugu teknika berezi batekin. 18:00-20:00.

1 orria 29 orritik

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu