<<Basauriko Gazteguneetan urtarrilan eskainiko den programa>>

Zirt Zart Basauri Gazteria zerbitzutik hil honetan “OPARIAK PRESTATZEN” gaiarekin lotutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Ez da beharrezkoa izena aurretiaz ematea, baina tokien kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

• Billar lehiaketa: Gazteek billarrean dituzten gaitasunak erakusteko aukera izango dute Basozelaiko lehiaketa honetan.
• Filmania: hileko gaiarekin erlazionatuta dagoen pelikula batez gozatuko dugu.
• Gominola tailerra: badakizue nola egiten diren gominolak? Etor zaitez eta ikas ezazu zure lagunekin gure gominolak egiten.
• #antiBlueMonday: urteko egun tristeenari aurre egiteko kanpainari ekingo diogu, kartel politak eta dibertigarriak eginez.
• Vintage Kartela: mezu ezberdinetako egurrezko kartelak sortuko ditugu serigrafia estiloa erabiliz. Etor zaitez zurea egitera, eta eraman ezazu zure etxeko giroa positibatzeko.

<<Basauriko Gazteguneetan abenduan eskainiko den programa>>

Zirt Zart Basauri Gazteria zerbitzutik hil honetan “OPARIAK PRESTATZEN” gaiarekin lotutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Ez da beharrezkoa izena aurretiaz ematea, baina tokien kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

Argazkia egurrean: Argazkilaritza gustatzen al zaizu? Etor zaitez argazkiak egurrean grabatzen ikastera.

Gabonetako apaingarriak: gazteek euren etxea apaintzeko aukera izango dute tailer honetan egingo ditugun apaingarriekin

Truke azoka: badaukazu etxean erabiltzen ez duzun zeozer? Orduan, ekar ezazu gaztegunera, eta bertan aldatu ahal izango duzu opari desberdinak lortuz.

Artilezko bufandak: Negu gorri honetan artilezko bufandak josten ikasiko dugu, ez galdu aukera!

<<Musikaren alorreko emakume sortzaileen paperari oihartzuna emango dio Basozelai Gizarte Etxeak, abenduaren 5ean, argazki-erakusketa eta atzera-begirako batekin>>

Unai Endemaño argazkilariaren Rock & Roses erakusketa hartuko du Basozelai Gizarte Etxeak, abenduaren 3tik 21era (emakumeek musika-industrian izandako papera islatzen du erretratugilearen lanak). Kultur Basaurik antolatutako ekimena da, ZirtZart Basauri Zerbitzuarekin lankidetzan.

Osagarri gisa, Ainara Legardon eta Mariana Pérez artistak izango dira Basozelai Gizarte Etxean bertan, abenduaren 5ean, 19:00etatik aurrera. Hitzaldia eta masterclassa eskainiko dute, musikaren arloko emakume sortzaileen inguruan. Sarrera doakoa izango da, baina hasi aurretik etortzea gomendatzen da, toki-kopurua mugatua da eta.

25 urte baino gehiagoko eskarmentu adu Ainara Legardon kantari, gitarrista eta artistak. Lan oparoa egina du rockean, inprobisazioan eta musika esperimentalean. Horrez gain, ikertzaile eta dibulgatzaile aritu da kultura-kudeaketaren eta jabetza intelektualaren alorretan. Mariana Pérezek, bere aldetik, zenbait rock taldetan ibilitakoaren ikuspuntua jorratuko du. Hezitzailea ere bada, eta emakumeek sektorean duten presentziari buruz ere ariko da.

<<Roots Parkea reggae jaialdiaren bederatzigarren edizioa Basozelai Gizarte Etxean, Ras Ranger (EB) musikariaren parte hartzearekin>>

Abenduaren 15ean, beste urte batez, Roots Parkea reggae jaialdia hartuko du Basozelai Gizarte Etxeak. Basauriko Udalaren Gazteria Zerbitzuak, ZirtZartek, eta Arrazakeriaren Kontrako Musika kultura-elkarteak antolatu dute ekimena, Kultur Basauriren laguntzarekin. Emanaldia 20:00etan hasiko da (7 € sarrera, edaria barne), eta honako talde hauek joko dute: Ras Ranger, Thunder Clap Sound System eta Bass Herri. Sarrera jaialdiaren egunean bertan erosi ahalko da, Gizarte Etxean bertan.

Parte hartuko duten artisten biografia, labur-labur:

- Ras Ranger
Cowboy Ranger ezizenaz ezagun den musikari honek 25 urte baino gehiago daramatza zuzenekoak eskaintzen Reggae eta Jungle/Drum & Bass eszenan. Hackney auzoan hazia, egun Erresuma Batuan «Jungle» formatuan den DJ esanguratsuenetarikoa dela esan daiteke. Europan nahiz AEBetan zehar zuzenekoak eskaintzen ditu sarri.
Hamaika produktorerekin aritu izan da elkarlanean, besteak beste Mafia&Fluxy, The Sensi Crew, Potential Badboy eta aurten “Give me a vibe” diskoa kaleratu berri du Peckings zigiluan.

- Thunder Clap Sound System
Euskal Herrian eta Londresen du jatorria taldeak. Gaur egun, Roots Reggae sound system garrantzitsuenetako bat da estatu mailan, eta, neurri handi batean, soinu-sistema tradizionalaren bilakaeran eta hura ezagutarazten lagundu dute. Aitzindari dira euren ekipoak sortu eta zuzenekoetan erabiltzen.
Tarteka, Euskal Herrira etortzen dira. Horrez gain, Madrilgo, Bartzelonako, Santanderreko, Benicassimeko, Granadako... aretorik onenetan jo dute, bai eta Erresuma Batuko zenbait tokitan ere.

- Bass Herri
2016an sorturiko kolektibo bizkaitarra. Musika Jamaikarraz duten zaletasunak bultzatua, eta hori herrira zabaltzeko ideiarekin, soinu-sistema propioa sortzera heldu da taldea. Eskaintzen duten Roots Reggae zuzenekoetan biniloaren erabilpenean oinarritzen dira.

<<Gabon Gazte programa berezia, abenduaren 26tik urtarrilaren 4ra, Basauriko Gazteguneetan>>

Gabon hauetan Basozelaiko eta San Migeleko Gazteguneetan, Gabon Gazte programaren barruko jarduerak egingo ditugu, abenduaren 26tik urtarrilaren 4ra, 11:00etatik 13:00etara, eta 12-15 urte bitarteko gazteei zuzenduta. Tailerretan izena emateko, hona hemen hiru aukerak:

• Lehenengo astea: abenduaren 26tik 28ra. Prezioa: 5€
• Bigarren astea: urtarrilaren 2tik 4ra. Prezioa: 5€
• Bi asteak: abenduaren 26tik urtarrilaren 4ra. Prezioa: 10€

Ondoren, jardueren laburpen laburra:

• Serigrafia ispiluetan: Gabonetako mezuak edo irudiak ispiluetan grabatzeko aukera izango dute.
• Irteera GHPra: Gabon Haur-parkean primerako egun pasa, BECen.
• Ostadar tarta: Gabonak eztitzeko, koloretako tartarik goxoena egingo dugu.
• Trufak: Gabonetako betiko postre hau egiten ikasiko dugu.
• Errealitate birtuala: gazteak jolas birtualaren barruan sartuko dira.
• Elur poteak: elurra etxera ekartzeko modurik errazena erakutsiko dizuegu.

<<Irteera UGP/PIN-era abenduaren 27an, ZirtZart Basauriren eskutik>>

Gabonak gertu ditugu, eta aurten ere, Zirt Zart Basauri Gazteria zerbitzuak Kultur Basaurirekin elkarlanean irteera bat antolatu du UGPra (BECen) abenduaren 27an, 12 eta 17 urteen arteko gazteentzat. Joan-etorria metroz egingo dugu. Ordutegien aldetik, San Migeleko gazteek goizeko 10:00etan hartuko dute autobusa/lanzadera, BBK aurreko autobus geltokian Basaurira joateko. Buelta toki berean izango da arratsaldeko 17:00etan. Basauriko gazteak, goizeko 10:10ean Basauriko udaletxearen aurreko autobus geltokian egon beharko dira. Kasu honetan, buelta arratsaldeko 16:50ean izango da, abiatze leku berean.

Jarduera honetarako, bakoitzak bere janaria eraman beharko du (tupper, ogitartekoa…). Komenigarria izango da arropa/-oinetako erosoak eta BARIK metroko txartela eramatea.

Plazak mugatuak dira, eta apuntatzeko azken eguna abenduaren 5a izango da.

<<Basauriko Gazteguneetan azaroan eskainiko den programa>>

Zirt Zart Basauri Gazteria zerbitzutik, hil honetan, “COLOMBIA”rekin lotutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Ez da beharrezkoa izena aurretiaz ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

• Nire jaioterriko haziak: Colombiako produktu nagusietako haziak ikusi eta aztertuko ditugu tailer honetan.

• Cumbiatik Joropora: ziurrenik musika estilo hauek nonbait entzun dituzue; ezin duzue galdu hauek dantzatzen ikasteko aukera.

• Tajadak, Pataconak eta Buñueloak: askaldu nahi? egun honetan sabela hutsik etortzea gomendatzen dizuegu, Colombiako plater tipikoenak prestatu eta dastatu ditzazuen.

• “Chivas de barro” tailerra: aukera izango duzue garraiobide tradizionalen miniaturak apaindu, eta ondoren etxera eramateko.

• Kolonbiar karaokea: nork ez du inoiz abestu Shakiraren abesti bat? Hurbildu zaitez gaztegunera egun honetan, hit kolonbiar nagusiak abestera

<<Kuboaren Mundu Elkarteak (WCA) araututako «Basauri Open Rubik» Txapelketaren hamargarren edizioa Ibaigane Kultur Etxean, azaroaren 17an eta 18an>>

Aurreko bederatzi edizioak Basozelai Gizarte Etxean ospatu ondoren, hamargarren honetan «Basauri Open Rubik» txapelketak Ibaigane Kultur Etxera egin du jauz. Rubik Kuboaren Euskal Elkarteak antolatzen du txapelketa, ZirtZarten eta Kultur Basauriren laguntzarekin. Kuboaren Mundu Elkarteak (WCA) araututako txapelketa ofiziala, azaroaren 17an eta 18an (larunbata eta igandea) egingo dute, goizez eta arratsaldez. Adituak, zaleak eta jakin-mina dutenak batuko dira bertan, berriro ere.

Txapelketan parte hartzeko interesa dutenek aukera dute aldez aurretik izena emateko, WCA-ren webgunearen bitartez. Azaroaren 17an bertan ere, lehen orduan eta txapelketa hasi aurretik, inskripzioa egitekoaukera egongo da.

Aurreko edizioetan nazioarteko zenbait marka hautsi dituzte, eta, eskualdeko talentu gazteez gain, nazioarteko jendea ere etorri da gurera. Joan den urtean 45 gaztek hartu zuten parte «Basauri Open Rubik»en. Aipatzekoa da Daniel Gracia Ortizek Basauriko ordura arteko markarik onena finkatu zuela: 3 x 3 x 3ko kuboa hiru saiakerako batez bestekoarekin, 10,81 segundotan ebatzi zuen.

ARGIBIDE GEHIAGORAKO:
Basauriko Udala – ZirtZart Gazte Bulegoa
- Tel: 944 666 430
- Posta elektronikoa: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
- Webguneak:
o https://sites.google.com/site/basauriopenrubik/basauri-open-2018
o https://www.worldcubeassociation.org/