<<BASAURe-Games, martxoaren 13an Basauriko Artunduaga kiroldegian>>

Basauri izango da, lehen aldiz, BASAURe-Games ekimenaren agertokia, Basauriko Udaleko gazteria sailak Funkomekin elkarlanean sortutako eGames ekitaldia. Martxoaren 13an Basauriko eta inguruetako 12-30 urte bitarteko jokalariak elkarren artean lehiatuko dira, bideo-jokoen lehen txapelketa hau irabazteko asmoz, 16:00–21:00 ordutegian (Basauriko Artunduaga kiroldegian).

Lehiakideek egun berean antolatuko diren bi kategorietako batean parte hartu ahal izango dute. Alde batetik, FIFA21 txapelketa jokatuko da PlayStation 4 plataforman, eta bestetik, Brawl Stars jokalari anitzeko txapelketa antolatuko da mugikorrekin jokatzeko.

Txapelketez gain, zuzeneko kaster bat ere izango dugu, jokaldiak komentatuz eta saioa girotuz joango dena. Horrez gain, zozketa batzuk ere izango ditugu arratsaldean zehar. Bertan, jokalari guztiok parte hartu ahal izango duzue, eta azkenik, VR stand bat izango dugu guztiontzat.

BASAURe-Games ekitaldiaren arautegia, izen-emateak eta informazio orokorra ZirtZart Basauri-ko web orrialdean egongo dira eskegita.

OINARRIAK · IZENA EMAN

gaztedi2021<<Zientzia- eta teknologia-tailerrak eskainiko dira eskualdeko gazteguneetan>>

Bizkaiko Foru Aldundiak eta Nerbioi-Ibaizabaleko udalerrietako gazteria-sailek, Elhuyarrekin elkarlanean, 10 zientzia- eta teknologia-tailer antolatu dituzte. Arrigorriaga, Basauri, Etxebarri, Galdakao, Orozko, Ugao-Miraballes, Urduña eta Zeberioko gazteguneetan eskainiko dituzte tailerrak gaian espezializatutako ikertzaileek. Gainera, onlineko bi tailer ere eskainiko dira eskualde osorako.

COVID-19aren pandemiaren kontrako neurriek ahalbidetzen badute, tailerren azken saioan eskualdeko enpresa bat bisitatuko dute gazteek. Horri esker, aukera izango dute eskualdeko lan-jarduera gertutik ikusteko eta zientzia- eta teknologia- arloetan diharduten profesionalak ezagutzeko. Era berean, enpresa horietan lan egiten duten emakume profesionalen jarduna ezagutzera emateko asmoz, hainbat horma-irudi egingo dira, eta herrietako gazteguneetan, udal-guneetan edota sare sozialetan zabalduko dira.

Hauek dira Nerbioi-Ibaizabaleko gazteguneetan eta online eskainiko diren tailerrak:
• CSI tailerra: misteriozko istorio bat argituko dugu bakterioei eta genetikari lotutako esperimentuak eginez.
• Sukalde-zientzia: zientzia erabiliz, sukaldean arituko gara.
• Kriptografia eta kode sekretuak: kriptografia eta kode sekretuen teknikak ikasiko ditugu, eta escape room bat eraikiko dugu.
• Steam Challenge: denetariko zientzia- eta teknologia-esperimentu eta -ekintzak egingo ditugu.
• Onlineko tailerrak:
          o Sukalde-zientzia: zientzia erabiliz, zuzeneko onlineko saioen bidez, sukaldean arituko gara.
          o Steam Challenge: denetariko zientzia- eta teknologia-esperimentu eta -ekintzak egingo ditugu.

 Izen-emateak
Tailerrak doan izango dira, eta gune bakoitzaren COVID protokoloak zehaztuko du parte hartzeko toki-kopuruaren muga. Tailerretako izen-ematea herriko Gaztegunean bertan edota beheko taulan zehaztutako helbide elektronikora idatziz egingo da. Onlineko tailerren kasuan, izena emateko formularioa bete beharko da. Kasu guztietan, izen-ematea tailerra hasi aurreko astean amaituko da.

Basauri (Basozelai Gizarte Etxea)

  • Tailerra: CSI
  • Datak: Apirilak 16, 23 eta 30. Maiatzak 7 eta 14.
  • Ordutegia: 18:00 - 20:00
  • Nori zuzendua: 14-17 urte bitarteko gazteei.
  • Izen-emateak (martxoaren 30era arte): https://zirtzart.basauri.eus/index.php/eu/ikastaro-guztiak
  • Info.+: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. 944 666 430 · 634 984 615 · https://www.nerbioiibaizabalgaztedi.eus/

*Aste Santuko on line tailerren daten berri aurrerago emango da, herri horietako gazteguneetan eta Bizilaberen eta Nerbioi-Ibaizabal Gaztediren webguneetan.

mozorro lehiaketa 2021<<Mozorro lehiaketa 2021>>

Aurtengo mozorro lehiaketan parte hartzera animatuko zara?
ZirtZart Basauritik aurtengo mozorro lehiaketa aurkezten dizuegu, 12-35 urte bitarteko gazteei bereziki zuzendua; hala ere, adin horretatik at diren senide eta lagunek zuekin batera esku hartzeko aukera izango dute. Parte hartzeko, argazki bat bidali beharko diguzue zuen mozorroa erakusten otsailaren 12tik 21era, zein kategoriatan parte hartzen duzuen azalduz.
Parte-hartzaileen argazki guztiak behin jasota, gure sare sozialetan partekatuko dugu bozketa; horrela, otsailaren 22tik 24ra bitartean zeuek izango zarete irabazleak aukeratzeko arduradunak.

Zer irabazi dezaket?

• Bakarlari kategoria:
o Lehen sailkatua: 250€-ko BONUA, herriko saltokietako produktuetan gastatzeko.
o Bigarren sailkatua: 150€-ko BONUA, herriko saltokietako produktuetan gastatzeko.

• Talde kategoria:
o Lehen sailkatuak: 100€-ko BONUA, herriko saltokietako produktuetan gastatzeko.
o Bigarren sailkatuak: 50€-ko BONUA, herriko saltokietako produktuetan gastatzeko.

• ZirtZart Kategoria:
o Sari bakarra: 300€-ko BONUA, herriko saltokietako produktuetan gastatzeko.

LEHIAKETAREN OINARRIAK HEMEN!

amongusok<<Otsailaren 13an Among Us ZirtZart jolasa iritsiko da Basozelaiko Gaztegunera. Doako jarduera. Har ezazu parte! Plaza kopuru mugatua>>

Ezagutzen duzue modako Among Us jolasa? Oraindik ez dakizue zein den edo nola jolasten den? Among Us ordenagailu, tablet edo sakeleko telefonoetarako doako jolasa da. Espazio-ontzi baten barruan kokatzen da. Kartetan inoiz jokatu dugun "hiltzailea" joko klasikoaren oso antzekoa da. Espaziontzi batean zaude, eta "gure artean" (hortik titulua) dauden iruzurtiek beste tripulatzaileak hil behar dituzte azken hauek iruzurtia nor den jakin baino lehen. Parte-hartzaileen helburua espazio-ontzia konpontzea da, eta ezkutuko iruzurgileek jolasetik ez kanporatzea.

ZirtZart-en bideojokoaren gamifikazio bat sortu dugu, hau da, jolasaren ideia nagusia hartu eta birtual izatetik benetako bihurtu dugu. Nola? “Among Us ZirtZart” gynkana sortuz.

Gorde ezazu otsailaren 13ko arratsaldea, 17:30etik 19:30era, eta etor zaitez Basozelai Gizarte Etxera larunbat arratsaldea igarotzera.

Parte hartzeko izen-ematea otsailaren 10a baino lehen egin beharko duzue ZirtZart bulegoan (Basozelai 11 kalea, Basozelai Gizarte Etxea), edo gure webgunean ZirtZart Basauri.

Gogoratu plaza mugatuak direla, eta inskripzio kopurua gaindituz gero, zozketa bidez banatuko ditugula. Bazkide Txartela dutenek lehentasuna izango dute.

Zatoz, eta jolas ezazu modako bideojokoaren gynkanara! Ez ahaztu zure musukoa! Zure zain izango gara!

·IZENA EMAN·

<<ZirtZart Bazkideen artean Basauri Kiroletako urteko abonu bi zozketatzen ditugu>>

▶Nola eskuratu?
1. ZirtZart Bazkide izan (informazio gehiago, hemen: https://zirtzart.basauri.eus/index.php/eu/bazkide-txartela-eu)
2. Jarrai iezaguzu "ZirtZartBasauri" FACEBOOK-en edo INSTAGRAM-en.
3. Sare sozial horietan eskaintza honen inguruan sortutako albistean iruzkin bat egin zure ZirtZart Bazkide-zenbakia adieraziz eta kirola egitera norekin joan nahiko zenukeen pertsona lotu.
4. Albiste hori partekatu.

*Zozketaren emaitza: otsailaren 1ean
**Zozketan “ZirtZart Bazkide Txartela” duen edozein basauriarrek har dezake parte. Zozketari dagokionez, antolakuntzak urtarrilaren 29ra arte (12:00) erregistratutako bazkideak baino ez ditu aintzat hartuko. Gainera, parte-hartzaileek ordurako karneta jasoa beharko dute izan. Antolakuntzak zozketatik at utziko ditu baldintza hauek betetzen ez dituztenak.

Zorte on !!?

<<Basauriko Udalak, ZirtZart Gazte Zerbitzuaren bitartez, musika tresnen ikastaroak abiaraziko otsailean. Gitarra eta bateriaz gain, baxua, kantua eta haize-metalak gehitu ditu eskaintzan.>>

Otsailean jarriko dira abian Basauriko Udalak ZirtZart Gazte Zerbitzuaren bitartez urtero eskaintzen dituen musika-tresnen prestakuntza-ikastaroak. 2021ean, gitarra eta bateriaz gain, baxua, kantua eta haize-metalak ere eskainiko dituzte. Dinamikari dagokionez, ikasleek jasoko dituzten praktikak ez dira aukeratutako instrumentura mugatuko: beste taldeetako kideekin ere ariko dira, musika taldeak eratzea sustatzeko. Eskaintzak, beraz, hautatutako tresnaren erabileran sakontzeaz gain, musika talde bateko kide izatearen sentimendua bultzatzea bilatzen du. Bost modalitateetan, urte askotako eskarmentua duten irakasle eta musikariak daude.

Otsailaren 4tik ekainaren 24ra bitartean izango dira klaseak: ostegunetan, 18:45etatik 20:45etara, Basozelai Gizarte Etxean (gitarra, bateria, baxua eta kantua) eta Ibaigane Kultur Etxean (haize metalak). Aste Santuan ez da eskolarik egongo. Ekainaren 26an, berriz, ikasturte amaierako entzunaldia eskainiko dute Ibaigane Kultur Etxean, eta ikasleek aukera izango dute hilabeteetan zehar ikasitakoa publiko aurrean jotzeko.

Izena emateko epea zabalik egongo da 2021eko urtarrilaren 25era arte. Interesdunek inskripzioa egiteko aukera izango dute ZirtZart Gazte Zerbitzuaren webgunean, modu telematikoan, edo presentzialki, Basozelai Gizarte Etxeko Gazte Informazio Bulegoan. 12-35 urte bitarteko basauriarrei zuzenduriko formakuntza da, nagusiki. Modalitate bakoitzak plaza kopuru mugatua du, eta, tokiak banatzeari dagokionez, «ZirtZart Bazkide Txartela» sisteman alta emanda daudenek lehentasuna izango dute. Ikasturtearen kuota 102,30 €-koa da, baina ikasleek eta langabetuek % 50eko deskontua izango dute, eta DSBEa jasotzen dutenek, berriz, % 75ekoa.

<<Egin zaitez ZirtZart-eko BAZKIDE eta zozketan parte hartu>>

       0. ZOZKETAREN DESKRIPZIOA
«ZirtZart Gabonetako Bingoa» ekimena abenduaren 23an egingo den zozketa da, Basauriko Udalak antolatua, ZirtZart Gazteria Ataleko programaren bitartez. ZirtZart Bazkide Txartela duten pertsonei zuzendutako ekintza da, eta helburu du herritar gazte horiek gazte zerbitzuan jarritako konfiantza osoa eskertu eta saritzea.

Bazkideek zozketa zuzenean jarraitzeko aukera izango dute ZirtZart Basauriren Instagram kontuaren bitartez. Irabazle bakoitzak herriko saltokietako produktuetan gastatuko den 100€-ko bonua lortuko du.

       1. SARIAK
«ZirtZart Gabonetako Bingoa»-k eskaintzen dituen sariak honako hauek dira:

- Herriko saltokietan erabiltzeko 100€-ko balioa duten 9 bonu. Pertsonala eta besterenezina izateaz gain, irabazle bakoitzak ezingo du bat baino gehiago lortu.

       2. BALDINTZAK
Zozketan “ZirtZart Bazkide Txartela” duen edozein basauriarrek har dezake parte. «Bazkide Txartela»ri dagokionez, udalerrian erroldatuta egon eta 1985-2008 bitartean jaiotakoek eskatu ahalko dute. Horretarako, eskatutako datuak eman beharko dituzte zirtzart.basauri.eus Gazteria Zerbitzuaren webgunean, «Egin zaitez bazkide» erlaitzean. Bestela, aukeran, izena eman ahalko dute Gazte Informazio Bulegoan (Basozelai Gizarte Etxean dago). «Bazkide Txartela» doakoa, pertsonala eta besterenezina da.

Zozketari dagokionez, antolakuntzak abenduaren 21era arte (12:00) erregistratutako bazkideak baino ez ditu aintzat hartuko. Gainera, parte-hartzaileek ordurako karneta jasoa beharko dute izan.

Antolakuntzak zozketatik at utziko ditu baldintza hauek betetzen ez dituztenak.

        3. ZOZKETA
Abenduaren 23an, arratsaldeko seietan egingo da zozketa, eta Instagram-en (ZirtZartBasauri) jarraitzeko aukera izango dute interesdunek. Antolakuntzak loteria-ontzitik BEDERATZI ZENBAKI aterako ditu eta horiek izango dira bazkide sarituak. Irabazle bakoitzak 72 orduko tartea izango du antolakuntzarekin harremanetan jartzeko, eta behin tarte hori pasata kontakturik izan ez bada, saria irabazteko eskubidea galduko luke horrek. Bederatzi zenbaki horietatik aparte antolakuntzak beste bederatzi aterako ditu ordezko moduan .

Saria irabazleak baino ezin izango du jaso, eta horretarako “ZirtZart Bazkide Txartela”-z gain NANa ere aurkeztu beharko du. Sari-banaketari dagokionez, antolakuntzak irabazleei jakitera emango die informazio hori (eguna, ordua eta tokia), behin izapideak burututakoan.

       4. ANTOLATZAILEEI BURUZ
Antolatzaileek beren gain hartzen dute, lehiaketa hobeto garatzeko helburuz, oinarriak aldatzeko eskubidea.

       5. OINARRIAK ONARTZEA
Zozketan parte hartzeak oinarri guztiak bere osotasunean onartzea dakar. Antolakuntzak bere gain hartzen du, ekimena hobeto garatzeko helburuz, oinarriak aldatzeko eskubidea. Oinarrietan ezarrietako baldintzak betetzen ez dituzten pertsonak kanpo utziko ditu antolakuntzak.

minimi<<Hilaren 5etik aurrera, Basozelai Gizarte Etxeko entsegu gelen zerbitzuak ordutegi-eskaintza zabalduko du, muga eta neurri bereziak aplikatuz>>

 - Irekialdi mugatua: zerbitzua goizez baino ez da eskainiko.
- Gehienez, lagun bat aretoan.

 Baldintza orokorrek erabiltzaile nahiz langileen erabateko segurtasun-bermea ziurtatzen dutela egiaztatu ondoren, abenduaren 5etik aurrera ordutegia zabalduko du Basauriko Udalak kudeaturiko entsegu gelen zerbitzuak (Basauriko nahiz kanpoko musika-taldeentzat entseguak egiteko bereziki egokitutako lokalak, hain zuzen). Irekialdi mugatua izango da, asteburuetan arratsaldez soilik , eta astelehenetik ostiralera bi txandatan; 11:00-13:00 eta 17:00-19:00

Aretoan sartu ahal izateko maskara erabili beharko da, eta, gehienez, hiru lagun batu daitezke. Anplifikazio-ekipoen biltegia itxita egongo da; beraz ez da aukerarik egongo tresnak gordetzeko.

 Entsegu gelak erabili ahal izateko beharrezkoa izango da erreserba egitea 24 orduko aurrerapenarekin. Horretarako, ohiko moduan egitea aholkatzen da: Gazte Informazio Bulegoaren bitartez (944 666 430, whatsapp-a 634984615, edo korreo elektronikoz Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.).

Ezagutu Corea 2020 Kartela TXIKIA<< Abenduaren 12an “Ezagutu Korea” ekimenaren laugarren edizioa izango dugu, streaming bidez eskainia >>

 

Egungo osasun-egoera dela eta, aldaketak egitera behartuta gaude ZirtZart Basaurik eta Han-a eta Ramen picante elkarteek antolatutako Ezagutu Corea lehiaketan. Azaroaren 7an egitekoa zen program, abenduaren 12ra aldatuko dugu eta online izango da guztiz. Horretarako, lehiaketa Twitch aplikazioaren bitartez gidatuko duen aurkezle bat izango dugu, eta horrek emango ditu ezagutzera lehiakideek aurretik bidalitako bideoak.
Beste aldetik, udalerrien arteko mugikortasuna ezinezkoa denez, talde kategoria bertan behera utziko dugu. Irtenbide module, kategoria horretan izena eman duten partaide guztiei bakarlari kategorian parte hartzeko aukera emango diegu INSKRIPZIO ORRIAbetez. Partaide guztiek euren koreografiaren bideoa prestatu, grabatu eta bidali dezaten, abenduaren 6ra arteko epea utziko diegu. Gainera, kategoria indibidualean izena eman duten parte-hartzaileek berriz bete beharko dute izena emateko inprimakia, eta lehiaketaren data berriak onartu. LEHIAKETAREN OINARRIAK HEMEN .

Bideo guztiak behin jasota, abenduaren 12ko zuzeneko saioa prestatzeari ekingo diogu, aurkezlearekin batera. Horrez ganancia, aldez aurretik iragarriko dugu jendea lehiaketan sartzeko erabili beharreko esteka.
Lehiaketa ikusi ondoren, epaimahai espezializatuak denbora-tarte bat hartuko du eztabaidatzeko eta irabazleen izenak aukeratzeko. Horiek sare sozialen bitartez iragarriko ditugu, eta era pribatuan jarriko gara haiekin harremanetan.
Ganancia de Lehiaketaz, taller de Jesung dantzari eta koreografoaren-a ere izango dugu goizean. Jende guztiarentzat da, eta aurretik izena eman behar da, edukiera bete arte.

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu