Karnabas ondo page 0001txiki<<Gorde ezazu otsailaren 11ko arratsaldea (19:00-21:00) eta etor zaitez Basauriko Social Antzokira gurekin Karnabaseko jaia ospatzera>>


ZirtZart Basaurikook gonbidatzen zaitugu otsailaren 11n Social Antzokian egingo dugun Karnabasen bigarren jaialdian parte hartzera. Gure jaia fantasiaz beterik egongo da, amets zein dantzaz josia, eta urrats bakoitza pozezko sorginkeria bihurtuko da!


Sartzeko, sarrera aurkeztu beharko duzue. Social Antzokian lor ditzakezue (leihatilan edo webgunean) eta BBKren kutxazain zerbitzuanitzetan. Sarrera 2€ kostatuko da otsailaren 11a baino lehenago erosten baduzue, eta 3€ jai egunerako utziz gero.


Arratsaldea opariz eta sorpresaz beterik egongo da, eta eguna borobiltzeko, DJ-a ariko da giroa berotzen.

Zatoz, eta ekar ezazu zure mozorro ikusgarriena! Zure zain izango gara!

 

-EROSI SARRERAK HEMEN-

01 Azala

Urtarrilaren 22tik martxoaren 22ra bitartean jasoko dituzte ZirtZarten «Hitz-Erdiko Kontaketak» euskarazko ipuin laburren lehiaketaren 2024ko ediziorako lanak

-«Haur bat bezala…» izango da abiapuntua. Esaldi horretatik hasita, gehienez ere ehun hitzeko kontakizuna idatzi beharko dute parte-hartzaileek.

-Bost sari egongo dira: «Lehen sailkatua», «Bigarren sailkatua», «Hirugarren sailkatua», «Elkar» saria eta «Basauri» saria.

Lehiaketa ZirtZart Basaurik (Basauriko Udalaren Gazteria Ataleko programa) antolatzen du, Geuria Hego Uribeko herri komunikabidearen eta Elkar Euskal Kulturgintzaren laguntzarekin. 12-35 urte bitarteko gazteei zuzendutako ekimen horren helburua da idazmenean interesa dutenen talentua aurkitzea.

Parte hartu nahi dutenek «mikrokontakizun» bat idatzi beharko dute, gehienez ere ehun hitzez osatua. Antolatzaileek hasierako esaldia emango dute (aurtengoan «Haur bat bezala…»), eta hortik abiatu beharko dira lanak. Parte-hartzaile bakoitzak hautatuko du bere kontakizunaren gaia. Euskaraz idatzitako “mikroipuinak” baino ez dira onartuko. Nahi adina kontakizun aurkeztu ahalko ditu parte-hartzaile bakoitzak, 2024ko urtarrilaren 22tik martxoaren 22ra bitartean, zirtzart.basauri.eus webgunearen bitartez.

Bost sari egongo dira: «Lehen sailkatua» (200 €-ko bonua jasoko du), «Bigarren sailkatua» (150 €-ko bonua), «Hirugarren sailkatua» (100 €-ko bonua), «Elkar» saria (150 €-ko bonua) eta «Basauri» saria (150 €-ko bonua). Elkar sarian 12-17 urte bitartekoen proposamenak baino ez dira aintzat hartuko eta Basauri sarian herrian erroldatua egon beharko da parte hartzailea. Lehen sailkatuaren eta Elkar sariaren «mikrokontakizunak» Geuria aldizkarian argitaratuko dira (Hego Uribeko Herri Komunikabidea da Geuria).

Seigarren edizioa dugu aurtengoa, eta orain arte antolakuntzak denera 866 proposamen jaso ditu (89 lehen edizioan, 83 bigarrenean, 54 hirugarrenean, 203 laugarrenean, 288 bosgarrenean eta 149 seigarrenean). 2023ko deialdiko saridunak hauek izan dira: lehen saria, Aroa Elortza Payros (Bergara); bigarren saria, Ainhoa Beldarrain Iraola (Ordizia); hirugarren saria, Sara Mantxola Akizu (Oñati); Elkar saria, Aran Goti Sanchez (Zeberio) eta Basauri Saria, Olatz Flores Corral.

Argibide gehiago:


Basauriko Udala – ZirtZart Basauri

  • Tel: 944 666 400 - 944 666 430
  • Posta elektronikoa: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
  • Webgunea: zirtzart.basauri.eus
  • Oinarriak

 

- EMAN IZENA -Cartel Horizontal Aviso Cerrado Tienda Scrapbook Colorido

 ZirtZart Basaurik berriz antolatzen du Gabonetako campus-eskaintza 12 eta 16 urte bitarteko gazteentzat: «Gabon Tekno STEAM», «Gabon Gazte», eta gainera ingelesezko «GabON!» campusa 

 

-         Gabon Tekno STEAM, abenduaren 26tik 29ra Arizko Dorretxean

-         GabonGazte, urtarrilaren 2tik 5era Basozelai Gizarte Etxean

-         GabON! campusa abenduaren 26tik 29ra eta urtarrilaren 2tik 5era Basozelai Gizarte Etxean

Basauriko Udalak, ZirtZart gazteria zerbitzuaren bitartez, 12 eta 16 urte bitarteko gazteentzako hiru jarduera eskainiko ditu, abenduaren 26tik urtarrilaren 5era bitartean. Hain zuzen ere, «Gabon Tekno STEAM», «Gabon Gazte» campusak eta «GabON!» proposamen berria izango dira.

Lehenengo campusa Arizko Dorretxean eskainiko da astelehenetik ostiralera, 10:00etatik aurrera eta egunean hiru orduko iraupena izango du. Horretan honelako jarduera nabarmenak egingo dira: Lego Mindstorms EV3ren bitartez First Lego League 2023 erronka, errealitate birtualari buruzko esperientziak eta zientzia forentsea lantzeko tailerrak. Bestalde, «Uda Gazte» campusa, Basozelai Gizarte Etxean eskainiko da, astelehenetik ostiralera, 10:00etatik aurrera eta hiru orduko iraupena izango du.Bertan, konfidantza eta trebetasun jolasak, sukaldaritza, eskulanak eta mendi irteera izango dira, besteak beste. Eta hirugarrenak, «GabON!» izenekoak, oinarrizko ingeles mailako gazteei proposatzen die Gabonetako goizak hizkuntza horretan gozatzea (jolasak, abestiak, dinamikak...). Campus hori ere Basozelaiko gizarte etxean izango da; abenduaren 26tik 29ra eta urtarrilaren 2tik 5era, 10:00etatik 13: 00etara.

Interesdunek azaroaren 17tik abenduaren 15era bitartean eman dezakete izena, telematikoki, Gazteria Zerbitzuaren web orriaren bidez (zirtzart.basauri.eus) edo Basozelai Gizarte Etxeko Gazteentzako Informazio Bulegoan bertan. Plaza kopurua mugatua denez, horiek esleitzeko orduan lehentasuna izango dute «ZirtZart Bazkide-n» alta emanda badaude.

Tarifari dagokionez, «Gabon Tekno STEAM» campusean parte hartzeko 40 € ordaindu beharko dituzte, «Gabon Gazte» campusean parte hartzeko 25 €, eta «GabON! « campusean parte hartzeko 80 €. ZirtZarteko bazkideek %40ko deskontua dute; Gazte Txartela dutenek, berriz, %20koa.                                                           

 

                                                                                                          - EMAN IZENA -

<< Lova Lois, Rockeinen 11. edizioaren sari nagusiaren irabazlea >>

 

-Sweet Rage izan da tokiko talderik onena, Islabat taldeak euskarazko artistarik onenari saria irabazi du eta Nun-ek, Eskarabilera saria

-Finala iragan larunbatean izan zen, azaroaren 18an, eta 204 gonbidapen banatu ziren

Lola González Guerricaechebarria Astrabuduako rapera, poeta eta kantautorea, Lova Lois izen artistikoa duena, izan da Rockein talde eta bakarlarien musika-lehiaketaren 11. edizioaren sari nagusiaren irabazlea. Iragan larunbatean, azaroaren 18an, izandako finalean Ben Santana eta Nun-i gailendu zitzaion. Rockeinen sari nagusiaren aurreko irabazleak Silitia (2022), Full Cab (2021), Cecilia Payne (2020), Sara Zozaya (2019), The Owl Project (2018), Los Cosméticos (2017), Albert Cavalier (2016), Grand Matter (2015), The Weapons (2014) eta Radiofunkens (2013) izan dira.

Tokiko talderik onenaren saria Sweet Rage-ek irabazi du, azken belaunaldiko metal seikote bizkaitarra, Usansolotik datorren baxu jolearekin. Euskarazko talderik onena Islabat izan da, Asier Olabarrieta elgoibartarraren rock intimista proiektua; eta Nun, Arian Herrero kantautore gasteiztarraren bakarkako proiektuak, eraman du Eskarabilera saria; azkena, gainera, Kategoria nagusiko finalista izan zen.

Social Antzokiak 204 gonbidapen banandu zituen iragan larunbateko finalerako (2022an, 170). Emanaldiak Rockeinen Youtube kanalean zuzenean emititu ziren.

Parte-hartzearen bilakaera
Rockeinen parte-hartzaile kopuruaren bilakaera honakoa izan da 2013ko lehen ediziotik:

2013: 85 parte-hartzaile
2014: 105 parte-hartzaile
2015: 95 parte-hartzaile
2016: 110 parte-hartzaile
2017: 129 parte-hartzaile
2018: 135 parte-hartzaile
2019: 146 parte-hartzaile
2020: 169 parte-hartzaile
2021: 179 parte-hartzaile
2022: 188 parte-hartzaile
2023: 191 parte-hartzaile

Nerbioi-Ibaizabalen sortutako lehiaketa erreferente da Euskal Herri mailan, parte-hartze datuek, jasotako proposamenak berritzeko gaitasunak, proposamen hauen kalitateak eta parte-hartzen duten artisten gaztetasunak erakusten dutenez.

Finaleko epai-mahai profesionala ondorengo pertsonek osatu zuten:

Álvaro Fierro
Musika kritikaria, musika dokumentalen zuzendaria eta Kultumetriako arduraduna, kulturaren eremuan inpaktua aztertzeko enpresa

Eva Ausín
Ekoizlea, konpositorea, gidoilaria eta koreografoa. Let 's Dance konpainiako zuzendaria eta Espainiako Arte Eszenikoen Akademiako kidea.

Jon Agirrezabalaga
Soinu-ekoizle eta -ingeniaria El Tigre Estudiosen (Bilbon). Musikaria eta konpositorea WAS eta Zabalan

María Larrinaga
Basauriko Udaleko Kultura zinegotzia

Iker Bárbara
MondoSonoro aldizkariaren Euskal Herriko eta Errioxako edizioaren koordinatzailea, kultur sustatzailea eta DJa

ROCKEIN 2023 SARIAK:

Talde irabazlea: Lova Lois
- EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
- EParen 500 kopia editatzea, CD euskarrian.
- Bideoklip profesional bat grabatu eta ekoiztea.
- MAZ Basauri jaialdian edo Bizkaiko areto onenetako batean kontzertua eskaintzea

Tokiko talderik onena: Sweet Rage
- MAZ Basauri jaialdian edo Bizkaiko areto onenetako batean kontzertua eskaintzea

Euskarazko talderik onena: Islabat
- Abesti bat grabatzea eta ekoiztea.
- MAZ Basauri jaialdian edo Bizkaiko areto onenetako batean kontzertua eskaintzea

Eskarabilera saria: Nun
- MAZ Basauri jaialdian edo Bizkaiko areto onenetako batean kontzertua eskaintzea

Rockein Euskal Autonomia Erkidegoko eta Nafarroako bakarlari eta taldeei zuzendutako musika-lehiaketa da. Basauriko, Arrigorriagako, Galdakaoko eta Laudioko udalek bultzatzen dute, eta Bizkaiko Foru Aldundiaren laguntza ere jasotzen du ekimenak. 2023an, zortzigarren urtez jarraian, parte-hartze markak haustea lortu du: 191 artistek eman dute izena.

Informazio gehiago:
www.facebook.com/rockein
Twitter: @rockeinrock

 

 Irabazleak

 

FB TW INSTA post<< Larunbat honetan, Rockeinen 11. edizioaren finala, doako sei kontzerturekin >>

-Ben Santana, Lova Lois eta Nun lehiatuko dira kategoria nagusian eta Empire Of Disease, Islabat eta Sweet Rage, tokiko artistarik onenaren kategorian

-Finala Basauriko Social Antzokian izango da. Publikoa zutik egongo da eta sarrera doakoa izango da, baina gonbidapenarekin

Ben Santana diziplina anitzeko artista bilbotarra (trap, rap, hip-hop); Lova Lois, Lola González Guerricaechebarria Astrabuduako rapera, poeta eta kantautorearen alter egoa; eta Nun, Arian Herrero kantautore gasteiztarraren bakarkako proiektua, dira Rockeinen hamaikagarren edizioko sari nagusia eskuratzeko hautagaiak diren hiru proposamenak.

Beste hiru talde finalistak ondokoak izango dira: Empire Of Disease metal boskotea, Arrigorriagako kide bat duena; Islabat, Asier Olabarrieta elgoibartarraren rock intimista proiektua, Andoni Alonso galdakoztarra taldean duena; eta Sweet Rage, azken belaunaldiko metal seikote bizkaitarra, Usansolotik datorren baxu jolearekin. Horiek guztiek Tokiko artistarik onenari saria lortzeko aukera izango dute, Basaurin, Arrigorriagan, Galdakaon edo Laudion erroldatutako kide bat gutxienez duten proiektuak saritzen dituena.

Gainera, Lova Loisek eta Nunek Eskarabilera saria jasotzeko aukera izango dute, eta Nunek eta Islabatek, ostera, Euskarazko Artistarik Onenari saria.

Finala datorren larunbatean, azaroak 18, izango da Basauriko Social Antzokian. Sarrera doakoa izango da, www.socialantzokia.eus webgunean erreserbatu edo antzokiko leihatiletan eskuratu ahal izango diren gonbidapenekin. Publikoa zutik egongo da.

Ohi bezala, Rockeineko 4 kategorien irabazleen izenak (Artistarik onena euskaraz eta Eskarabilera saria, barne) finalean bertan jakinaraziko ditu epaimahaiak.

Uztailaren 11n itxi zen Rockeinen 11. edizioan izena emateko epea. Lehiaketa musikala Basauriko Udalak antolatzen du, Arrigorriaga, Galdakao eta Laudioko Udalen eta Bizkaiko Foru Aldundiaren laguntzaz, eta Euskal Autonomi Erkidego eta Nafarroako bakarlari eta taldeei zuzenduta dago. 191 artistak eman dute izena, zortzigarren urtez jarraian parte hartze marka gaindituz.

Finaleko sariak erabakiko dituen epaimahai profesionala honako pertsona hauek osatuko dute:

Álvaro Fierro
Musika kritikaria, musika dokumentalen zuzendaria eta Kultumetriako arduraduna, kulturaren eremuan inpaktua aztertzeko enpresa

Eva Ausín
Ekoizlea, konpositorea, gidoilaria eta koreografoa. Let 's Dance konpainiako zuzendaria eta Espainiako Arte Eszenikoen Akademiako kidea.

Jon Agirrezabalaga
Soinu-ekoizle eta -ingeniaria El Tigre Estudiosen (Bilbon). Musikaria eta konpositorea WAS eta Zabalan

María Larrinaga
Basauriko Udaleko Kultura zinegotzia

Iker Bárbara
MondoSonoro aldizkariaren Euskal Herriko eta Errioxako edizioaren koordinatzailea, kultur sustatzailea eta DJa

Javier Jiménez
Arrigorriagako Gaztegunea

ROCKEIN FINALA 2023
Azaroak 18, larunbata
21.00 (ateen irekiera)

Tokiko artistarik onena
21.30 ISLABAT
22.00 SWEET RAGE
22.30 EMPIRE OF DISEASE

Sari nagusia
23.00 LOVA LOIS
23.30 NUN
0.00 BEN SANTANA

0.30 Irabazleen iragarpena
0.40 Bukaera

JOKOAN DAUDEN SARIAK:

Talde irabazlea
- EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
- EParen 500 kopia editatzea, CD euskarrian.
- Bideoklip profesional bat grabatu eta ekoiztea.
- MAZ Basauri jaialdian edo Bizkaiko areto onenetako batean kontzertua eskaintzea

Tokiko talderik onena
- MAZ Basauri jaialdian edo Bizkaiko areto onenetako batean kontzertua eskaintzea

Euskarazko talderik onena
- Abesti bat grabatzea eta ekoiztea.
- MAZ Basauri jaialdian edo Bizkaiko areto onenetako batean kontzertua eskaintzea

Eskarabilera saria
- MAZ Basauri jaialdian edo Bizkaiko areto onenetako batean kontzertua eskaintzea

Informazio gehiago:
www.facebook.com/rockein
Twitter: @rockeinrock

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu