ZirtZart Basauri

<<Abenduaren 16an, Basauriko Ibaigane Kultur Etxean, «Asian Dance Contest» dantza lehiaketaren beste edizio bat egingo da>>

12-35 urte bitarteko gazteei zuzendutako dantza lehiaketa abenduaren 16an arratsaldeko 18:30etik aurrera egingo da Basauriko Ibaigane Kultur Etxean, Basauriko Udalaren ZirtZart gazte Zerbitzuak antolatua Spicy Ramen elkartearekin batera.
Parte-hartzaileek nahitaez Asiako egileen jatorrizko koreografiak (japoniarrak, txinatarrak, korearrak,…) erabili beharko dituzte abestietan eta dantzetan. Lehiaketan kategoria bi bereizi dira: lehena, bakarlari moduan oholtza gainean dantzatzea, “backdancer”en laguntzarik gabe, eta bigarrena, taldekako koreografia lanak osatzea.
Dantza lehiaketan parte hartzeko aldez aurretik izena eman eta amaierako koreografiaren bideoa bidali beharko dute. Horretarako, ZirtZart gazte zerbitzuaren webgunean eskura izango dituzte bai oinarriak, bai bete eta aurkeztu beharreko dokumentuak. Dokumentu horiek zuzenean emateko aukera ere badago Basozelai Gizarte Etxeko Gazte Informazio Bulegoan. Inskripzio epea urriaren 5etik (08:00) urriaren 29ra (23:59) bitartean egongo da zabalik. Epaimahaiak azaroaren 12ra arte denbora izango du ebazteko eta egun horretatik aurrera finalistekin harremanetan jarriko da. Lehiaketaren sariak:
o Taldekako lehen sailkatua: 400 €
o Taldekako bigarren sailkatua: 200 €
o Bakarkako lehen sailkatua: 125 €
o Bakarkako bigarren sailkatua: 75 €
Publikoari dagokionez, sarrera doakoa da areto nagusia bete arte. Ateak 18:15ean irekiko dira.
Izena emateko lotura, HEMEN
Lehiaketaren oinarriak, HEMEN
Argibide gehiago;
Basauriko Udala – ZirtZart Gazte Informazio Bulegoa
- Telf.: 944 666 430
- Helbide elektronikoa: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
- Webgunea: zirtzart.basauri.eus
- Sare sozialak:
o Facebook: facebook.com/zirtzartbasauri
o Twitter: @zirtzartbasauri
o Instagram: @zirtzartbasauri

<<Gazteguneetako urriko programazioa>>

Zirt Zart Basauri Gazteria Zerbitzukook hilabete honetan ekintza batzuk eskainiko dizkiegu 12-17 urte bitarteko gazteei. Urrian zehar, pelikula zein sukaldaritza tailerrak gozatuko ditugu, baita Jailloween festa ospatu ere.

Pelikula eta sukaldaritailloween festa, aldiz, Basauriko Sozial Antzokian.

Gazteguneetan egingo diren ekintzetarako ez da beharrezkoa izena aurretiaz ematea. Hala ere, Jailloween festarako sarrerak eskuratzea beharrezkoa da, pertsona kopurua mugatua izango baita.

Jarraian, gure egitarauaren laburpentxoa erakutsiko dizuegu:

Janlloween: jarduera honetan, errezeta orijinalak prestatuko ditugu, Halloweeneko gaia kontuan izanda. Ordutegia: 18:00-20:00.

Pelikula: ekintza honetan, beldurrezko film bat ikusiko dugu. Ordutegia: 18:00-20:00.

Jailloween festa: jaialdi hau Basauriko Sozial Antzokian ospatuko dugu. Janaria, edaria, makillajea, DJ-ak, mozorroak… egongo dira. Ordutegia: 19:00-21:00.

Azaroaren 2an abian jarriko du ZirtZart Basaurik «Musika Taldeak Eratzea» izeneko programaren 2023/24 ikasturtea, musika taldeen sorkuntza sustatzeko asmoz

Eskaintza bost diziplinak osatzen dute: kantua, gitarra, baxua, bateria eta haize taldea.
Jotzeko teknika eta gaitasuna hobetzeaz gain, hartu-emana dago beste diziplinetako ikasleekin.

Azaroaren 2an jarriko dira abian Basauriko Udalak, ZirtZart Gazte Zerbitzuaren bitartez, urtero eskaintzen dituen musika-tresnen formakuntza ikastaroak. Aurreko urteetako eskaria eta ibilbidea kontuan hartuta, prestakuntza osatzen duten bost diziplinak mantentzen dira: kantua, gitarra, baxua, bateria eta haizea. Eskaintza osoaren ikuspuntua musika-taldeak sortzera bideratuta dago, beraz, musika-tresna bakoitzaren diziplina indibidualak izateaz gain, taldeko gainerako musika-tresnekiko elkarreragina ere landuko da.

Ikastaroak 2023ko azaroaren 2an hasita, 2024ko apirilaren 25ra arte luzatuko dira, Gabonetan eta Aste Santuan izan ezik, orduan, ostegunetako arratsaldeak finkatuta daude Basauriko Basozelai Gizarte Etxean, 20:15etik 21:30era. Maiatzaren 2an ikasturte amaierako entzunaldia izango da Ibaigane Kultur Etxean, eta bertan ikasturtean zehar ikasitakoa publikoaren aurrean aurkezteko aukera izango dute ikasleek. Musika-irakaskuntzan eta ibilbidean esperientzia handia duten irakasleek gidatuko dute trebakuntza-sorta hau.

Izena emateko epea irekita egongo da 2023ko irailaren 25tik urriaren 19ra bitartean; orduan interesdunek inskripzioa egiteko aukera izango dute ZirtZart gazte zerbitzuaren webgunearen bitartez, modu telematikoan edota zuzenean Basozelai Gizarte Etxeko Gazte Informazio Bulegoan. Nagusiki 12-35 urte bitarteko plaza banaketari dagokionez lehentasuna dute «ZirtZart Bazkide Txartela» sisteman altan direnek. Ikasturteko formakuntza prezioa 140€ da; 12-35 urte bitartekoen artean Gazte txartela dutenei %20eko deskontua aplikatuko zaie, eta %40koa ZirtZart Basauriko bazkideei.

Eman izena hurrengo FITXA Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. emailera bidaliz.

«Urriaren 12an “Txiki Open” txapelketa egingo da Basauriko skate parkean 12-18 urte bitarteko gazteentzat»

- Goizean skate eskola izango da
- Arratsaldean haur eta gazteentzako txapelketa

Urriaren 12an, osteguna, Basauriko Udalak patinari buruzko jardunaldia antolatu du ZirtZart gazte zerbitzuaren bidez eta Basauriko Skate Erakundearen laguntzaz. Jardunaldi hori Basozelai auzoko skate parkean egingo dute eta bertan txapelketa jokatzeaz gain skate eskola ere izango da.

Antolatzaileek goizeko hamaiketan hasiera emango diote ekimenari skate eskolaren bitartez eta bertan interesdunek, haurrek zein nagusiek, skatearen erabileran hastapen mailako edo hobetze teknikako klaseak jasotzeko aukera izango dute. Bi ordu eta erdiko saio hori diziplina honetako aditu profesionalek gidatuko dute.

Arratsaldeko lauretan haur eta gazte txapelketa abian jarriko da eta bertan material andana banatuko dute sarietan.

Ekitaldiaren egunean bertan eman ahal da izena, skate eskolan nahiz txapelketan parte hartzeko. Bestalde, 12 urtetik beherakoek nahitaez erabili beharko dituzte kaskoa eta babesak.

«Basauri Open Rubik txapelketaren hamairugarren edizioa Basozelai Gizarte Etxean, azaroaren 3tik 5ra»

Berriz dago gurekin «Basauri Open Rubik» txapelketa internazionala Euskal Cubing Elkarteak antolatua eta Basauriko Udalaren laguntzarekin ZirtZart Gazte Zerbitzuaren bitartez. Hamairugarren edizio hau azaroaren 3tik 5ra bitartean izango da Basozelaiko Gizarte Etxean. Kuboaren Mundu Elkarteak (WCA) araututako txapelketa honetan adituak, zaleak eta jakin-mina dutenak batuko dira, berriro ere.

Txapelketan parte hartzeko interesatuek aukera dute aldez aurretik izena emateko, Kuboaren Mundu Elkartearen (WCA) webgunearen bitartez. Parte hartzaileek inkripzioa zabalik izango dute irailaren 29tik aurrera (20:00). Lehiatzeko plaza kopuru mugatua dago. Beraz, baldin eta plaza guztiak betetzen ez badira, azaroaren 3an bertan inkripzioa egin ahalko dute, lehen orduan eta txapelketa hasi aurretik, Ibaigane Kultur Etxean bertan.

Publikoari dagokionez, sarrera doakoa da areto nagusia bete arte.

Lehiaketaren ordutegia:

Ostirala:
- 16:30-20:45
Larunbata:
- 09:00-14:00
- 15:00-21:00
Igandea:
- 09:00-14:00
- 15:00-18:00

"INGELESEZKO MINTZA-SAIOEN PROGRAMA”

Aurrez aurreko eta taldekako saioen programa ingelesez hitz egiteko.

3maila: hastapena, B2 eta C1

Helburuak:

- Azterketen ahozko adierazpenaren probak prestatzea
- Mintzamen eta entzumen arloak hobetzea.
- Hitz-jario handiagoa lortzea
- Herriko gazteen arteko gizarte-harremanak sustatzea, ikasten ari den hizkuntzaren bidez, hau da, ingelesaren bidez.
- Norberaren segurtasuna areagotzea ezagutza sendotuz.

Datak: urriaren 3. astetik abenduaren 3.astera (guztira 9 saioa maila bakoitzeko)

Ordutegia: 19:00-20:00

Lekua: Pozokoetxe Kultur etxea

Formatzailea: Basauriko “Academia Británica”

Prezioa: 75 € (Zirtzart-eko bazkideak: %40eko deskontua / gazte txartela dakatenak: %40eko deskontua)

Aurre-inskripzioa: urriaren 10era arte

- EMAN IZENA -

“ZEINU HIZKUNTZA TAILERRA”

cartel ULERTUZ page 0001 TXIKI ZirtZartBasauri Udalaren gazteria zerbitzuak, "Ulertuz" elkartearekin lankidetzan, gorren mundua hobeto ezagutzen lagunduko digun doako tailerra antolatu du, 16 eta 35 urte bitarteko gazteentzat.

Urriaren 25ean, azteazkena, arratsaldeko 18.00etatik 20:00etara egingo dugu tailerra, Basozelai Gizarte Etxean.

Zeintzuk izango dira edukiak?

1. atala: gorreriari buruzko azalpena, ondorioak, gaiaz zer dakigun egiaztatzeko jolasak.
2. atala: Zeinu Hizkuntza tailerra
3. atala: galderak eta argibideak

Landutako gaien materialak eta baliabideak emango dizkiegu parte-hartzaileei.

- EMAN IZENA -

rockein txiki <<Rockeinek bere parte hartze marka gainditu du zortzigarren urtez jarraian, 191 proiektuk izena eman ostean>>

-31 proiektu Tokiko talderik onenari sarira hautagai izango dira; 40, Euskarazko talderik onenari; eta 19k, Eskarabilera saria jasotzeko aukera izango dute

-Finala azaroaren 18an izango da Basauriko Social Antzokian

Iragan asteartean, uztailaren 11n, itxi zen Rockein-en 11. edizioan izena emateko epea. Lehiaketa musikala Basauriko Udalak antolatzen du, Arrigorriaga, Galdakao eta Laudioko Udalen eta Bizkaiko Foru Aldundiaren laguntzaz, eta Euskal Autonomi Erkidego eta Nafarroako bakarlari eta taldeei zuzenduta dago.

191 artistak eman dute izena, zortzigarren urtez jarraian parte hartze marka gaindituz. Jasotako proposamenen artean 31 (2022an, 38) tokikoak dira (Basauri, Galdakao, Arrigorriaga edo Laudion erroldatutako kide bat, gutxienez); 40 euskarazko talderik onenari saria lortzeko hautagai dira (2022an, 42); eta 19k (2022an, 15) Eskarabilera saria eskuratzeko aukera izango dute (gutxienez kideen %50 emakumeak dituzten proiektuak).

191 proposamenak epai mahaiaren eskuetan daude azaroaren 18an Basauriko Social Antzokiko finalean nortzuk joko duten erabakitzeko.

Parte-hartzearen bilakaera
Rockeinen parte-hartzaile kopuruak hurrengo bilakaera izan du 2013ko lehen ediziotik:

2013: 85 parte-hartzaile
2014: 105 parte-hartzaile
2015: 95 parte-hartzaile
2016: 110 parte-hartzaile
2017: 129 parte-hartzaile
2018: 135 parte-hartzaile
2019: 146 parte-hartzaile
2020: 169 parte-hartzaile
2021: 179 parte-hartzaile
2022: 188 parte-hartzaile
2023: 191 parte-hartzaile

SARIAK:

Talde irabazlea
- EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
- EParen 500 kopia editatzea, CD euskarrian.
- Bideoklip profesional bat grabatu eta ekoiztea.
- MAZ Basauri jaialdian edo Bizkaiko areto onenetako batean kontzertua eskaintzea

Tokiko talderik onena
- MAZ Basauri jaialdian edo Bizkaiko areto onenetako batean kontzertua eskaintzea

Euskarazko talderik onena
- Abesti bat grabatzea eta ekoiztea.
- MAZ Basauri jaialdian edo Bizkaiko areto onenetako batean kontzertua eskaintzea

Eskarabilera saria
- MAZ Basauri jaialdian edo Bizkaiko areto onenetako batean kontzertua eskaintzea

Informazio gehiago:
www.facebook.com/rockein
Twitter: @rockeinrock

«Open BSZ 2023» skate txapelketa bik osatzen dute, eta lehenengoa ekainaren 24an, larunbatean, egingo da.

- Bigarren jarduera urriaren 12an izango da, Basauriko San Fausto jaietan.
- Sarietan bi mila eta bostehun euro baino gehiago banatuko da.

Ekainaren 24an, larunbata, itzuliko da urtero bezala Basozelaiko pistetako skate txapelketa, San Juan egunarekin batera. Antolaketan Basauriko Udala dabil ZirtZart Gazteria Zerbitzuaren bitartez eta Basauriko Skate Elkartearekin elkarlanean.
Aurten bi txapelketa izango dira Basozelaiko skatepark aldean: lehenengoa 18 urtetik gorakoentzat soilik izango da eta San Juan jaiarekin bat egingo du. Bigarrena, berriz, adingabeentzat izango da eta San Fausto jaiekin bat etorriko da. Txapelketaren antolakuntzak bi mila eta bostehun euro baino gehiago bideratu ditu «Open BSZ 2023» saria emateko.
Lehenengo jardunaldia ekainaren 24an 12:00etan hasiko da eta lau kategoria izango ditu:
• Emakumezkoak. 12:00
• Masterrak. 13:00
• Open + Best Trick. 16:00
• Half Pipe. 18:00
Izen-emateak ekitaldiaren egunean bertan egingo dira.
Azkenik, bigarren txapelketari dagokionez, irailaren hasieran formatua eta informazioa aurkeztea aurreikusten du antolakuntzak.
Informaziorik nahi baduzu:
Basauriko Udala – ZirtZart Gazte Informazio Bulegoa
- Telf.: 944 666 430
- Helbide elektronikoa: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
- Webgune: zirtzart.basauri.eus
- Sare sozialak:
o Facebook: facebook.com/zirtzartbasauri
o Twitter: @zirtzartbasauri
o Instagram: @zirtzartbasauri

2 orria 27 orritik

Berriak

<<Gazteguneetako urriko programazioa>>

Bilatu