<< UDA GAZTE >>

Urtero bezala, aurtengo udan ere, 12-15 urte bitarteko gazteei UDA GAZTE programa eskainiko diegu Basozelai gaztegunean, ekainaren 21tik 25era, goizeko 11:00etatik 13:00etara.

Egun horietan zenbait jarduera egingo ditugu gaztegunean eta gaztegunetik kanpo; hala nola, kirol alternatiboak, eskulanak, Escape Basauri… eta askoz gehiago. Ezin duzue galdu!!!

Plazak mugatuak dira, eta parte hartu nahi duten gazteek ekainaren 1etik 15era eman beharko dute izena.

Kirol alternatiboak: Badakizue futbol, sakibaloi eta tenisaz aparteko beste kirol ugari ere badirela? Uda Gazten hainbat kirol alternatibo aurkeztuko dizuegu.

Escape Basauri: Zuen trebetasun eta abileziak atera beharko dituzue saria lortu nahi baduzue. Azken pistara ailegatzeko Basaurin zehar proba txiki batzuk gainditu beharko dituzue.

Pop Art & Paper birziklatua: Papera arte bihurtuko dugu. Nola? Zatoz eta erakutsiko dizugu.

Ur Gynkana: Udaz gozatuko dugu hainbat ur jolas eginez.

CircusDay: Malabareak egiteko materiala sortuko dugu, eta Zirkuan egiten diren zenbait teknika landuko dira hala nola, malabarezko pilotak, kariokak, slack-line, aurpegiak margotu, etab.