<<Skatea eta zuzeneko musika ekainaren 10ean Basauriko San Migelen>>

Ekainaren 10ean, larunbat arratsaldean, skate txapelketa egingo da bigarren urtez jarraian Basauriko San Migel auzoko Castilnovo plazan. Ekitaldia ZirtZartek eta Kultur Basaurik antolatu dute Basauriko Skate Elkartearekin batera. Kirol horren inguruko jardunaldian zuzeneko musika ere izango da.

Txapelketa arratsaldeko 16:00etan hasiko da eta bi kategoria egongo dira: lehenengoa hamalau urte baino gazteago direnek osatuko dute, eta bigarrena, aldiz, adin hori gainditzen dutenek.

Sariei dagokienez, 14 urtetik beherako parte hartzaileen artean banatuko den materialaz gain, Open kategoriako irabazleek dirua jasotzeko aukera izango dute. Izen-emateak egunean bertan egingo dira eta hamalau urtetik beherako gazteek nahitaez kaskoa eta babesak erabili beharko dute.

Musika emanaldia Wicked Wizzard talde gazteak eskainiko du.

Programazioa:
- Sub14 // 16:00 – 17:30
- Open // 17:30 – 19:30
- Wicked Wizzard // 19:30 – 20:30