<<APIRILA BASAURIKO GAZTEGUNEETAN>>

Zirt Zart Basauri Gazteria zerbitzuan, hil honetan, doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Arratsaldeko 18:00etatik 20:00etara. Ez da beharrezkoa izena aurretiaz ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

Korrika: Korrika dela eta, apirilaren lehenengo asteburuan ekimen horren inguruan arituko gara. Horretarako, kahoot bat egingo da gaztegunean bertan Korrikarekin erlazionatutako galderekin. Irabazleak sari bat izango du.

Janari osasungarria: Askari osasungarriak egiten ikasiko dugu: guakamolea, brotxetak, smoothiak…

Liburuaren eguna: Asteburu honetako tailerra bi egunetan banatuko da. Lehenengo egunean (hilaren 22an), idazketa tailerra egingo da, eta idatzitakoa hurrengo egunerako gordeko da. 23an eskaiola karpeta egingo da, non partaide bakoitzak sormena erabiliko duen bere liburua sortzeko. Bertan aurreko egunean idatzitakoa sartuko dute. Gainera papiroflexiako lorea egingo da San Jordi dela eta.