rockein largo BAJA cartel cartel<<Rockein! Euskadi eta Nafarroako talde eta bakarlariei zuzendutako lehiaketa musikalaren seigarren edizioan izena emateko epea, irekita>>

  • Martxoaren 24rarte proposamenak jasoko dira eta finala maiatzaren 12an izango da Basauriko Social Antzokian
  • Aurreko bost edizioetan guztira 524 proiektuk parte hartu dute
  • 2017ko irabazleak, Los Cosméticos taldeak, ‘Puro plástico’ EPa eta ‘Úsame’ abestiaren bideoklipa aurkeztu ditu prentsa aurrean, iazko edizioaren sariaren ondorioz ekoiztutako lanak

Seigarren urtez jarraian, Basauriko Udalak, Arrigorriaga, Galdakao eta Laudioko Udalen laguntzaz, Euskal Autonomi Erkidego eta Nafarroako bakarlari eta taldeei zuzendutako Rockein! lehiaketa musikala iragarri du.

“Aurkeztea erabakitzen duten proiektu musikalei oihartzuna emateaz gain, irabazleei mundu profesionalean sartzen laguntzen die. Bai disko edo bideoklip bat grabatzerako orduan, zein MAZ Basauriren mailako jaialdi batean edo Social Antzokiko finalean komunikabide berezituen aurrean jotzerako orduan”, esan du prentsa aurrean Andoni Busquet Basauriko Alkateak.

Rockein!-en izena emateko epea martxoaren 24rarte egongo da irekita. Sektoreko profesionalek osatutako epai mahaiak maiatzaren 12an, larunbatez, Basauriko Social Antzokian joko duten sei finalistak aukeratuko ditu jasotako proposamen guztien artean. Gau horretan bertan epai mahaiak erabaki eta jakinaraziko du 2018ko edizioaren irabazleak zeintzuk izango diren.

Jokoan dauden sarien artean EP (gutxienez bost abesti) baten grabazio, ekoizpen, masterizazio eta diseinu grafikoa, bideoklip baten ekoizpena eta Bizkaiko areto nagusienetako batean edo MAZ Basauri jaialdiaren barnean jotzea daude. Seigarren edizio honetan FNAC eta Metro Bilbao Rockein!-eko laguntzaile berriak izango dira.

2017an Rockein!-ek parte hartze errekorra ezarri zuen, 129 parte hartzailerekin. Azken edizioko irabazleak, Los Cosméticos taldeak, sariaren ondorioz ekoiztutako lanak aurkeztu ditu: ‘Puro plástico’ bost abestidun EPa eta ‘Úsame’ abestiaren bideoklipa. Gazteleraz abestutako bost abesti berri dira, oinarri erritmiko sendoagoetatik abiatuta eremu ilunagoetara doazenak, taldearen unibertsoa nolabaiteko arrisku eta dotoretasunez bustiz. Lan honetan Los Cosméticos-en garapena ikusten da, alde garageroa atzean utzita noise ukitua duen indie distortsionatu baten murgiltzeko.

Informazio gehiago:
www.facebook.com/rockein
Twitter: @rockeinrock

makillatzea 2018<<Azala Zaintzea eta Makillatzea Ikastaroa Basozelai Gizarte Etxean>>

Gure nezeserrari eta makillajeari etekin handiena ateratzeko trikimailuak eta aholkuak: azala eta zaintzak, oinarrizko makillajea eta begiak beltzez pintatzea.

Datak; Martxoak 3, 10 eta 17.

Ordutegia: 10:00 - 12:00

Izena ematea: Otsailaren 26ra arte.

Prezioa: 5 €, langabetuak 2,5 €.

lehen laguntzak zuzenketa<<Lehen Laguntzen Ikastaroa Basozelai Gizarte Etxean>>

Lehen laguntzen gaineko ikastaro bat eskainiko dugu Salbamendu eta Sorospen Zentroaren laguntzarekin, larrialdi edo urgentzia egoera baten aurrean lehenengo sorospena eman ahal izateko beharrezko jakintzak interesb¡dunei aditzera emateko helburuarekin.

Datak; Martxoak 2 eta 3.

Ordutegia;

  • Martxoak 3: 16:00-20:00 (Teoria)
  • Martxoak 4: 10:00-14:00 (Teoria) + 15:00-19:00 (Praktika)

Izena ematea: Otsailaren 26ra arte.

Prezioa: 20 €, langabetuak 10 €.

<<ZirtZart Basauriren agenda berria dagoeneko kalean da>>

2018an kaleratu berri dugun agenda (urtarrila-martxoa) eskuragarri duzu dagoeneko. Bertan ondorengo ekintzen inguruko informazioa topatuko duzu: Hitz-Erdiko Kontaketak lehiaketa berria, Rockein Talde lehiaketa, Hashtag lehiaketa, ikastaroak (Lehen Laguntzak, azala zaintzea eta makillatzea), irteerak (Lasergune), gazteguneetan 12-17 urte bitarteko gazteei zuzenduriko tailerrak,...

Eskuragarri Gazte Informazio Bulegoan nahiz Gazteguneetan!

<<Hitz-erdiko kontaketak: euskarazko ipuin laburren lehiaketa berria, idazteko talentua duten gazteak aurkitzeko>>

  • Lehiaketak hiru deialdi izango ditu. Lehenengoa urtarrilaren 8an izango da. «Askotan gertatzen den bezala…» esaldia izango da abiapuntua.
  • Kontakizunak, gehienez ere, ehun hitz izango ditu. Euskaraz idatzitako testuak baino ez dira onartuko.
  • Deialdi bakoitzean kontakizun bi sarituko dira.

Idazteko talentua duten gazteak aurkitzeko proposamen berria aurkezten du Basauriko Udalak, ZirtZart eta Kultur Basauriren bitartez, Geuria Hego Uribeko herri komunikabidearen eta Elkar Euskal Kulturgintzaren laguntzarekin: «Hitz-erdiko Kontaketak», 12 eta 35 urte bitarteko gazteentzako lehiaketa.

«Askotan gertatzen den bezala…». Antolatzaileek emandako esaldi hori abiapuntutzat hartu, eta, gehienez ere, ehun hitzeko kontakizuna idatzi beharko dute lehiaketan parte hartu nahi dutenek. Bakar-bakarrik onartuko dira euskaraz idatzitako testuak. Basauriko Udalaren Gazteria Zerbitzuaren webgunean (zirtzart.basauri.eus) dago deialdian izena emateko plataforma. Parte hartzeko, bertako eremu guztiak bete beharko dira.

Guztira, hiru deialdi izango ditu lehiaketak. Urtarrilaren 8an izango da lehenengoa. Deialdi bakoitzean kontakizun bi sarituko dira: «kontakizunik onena», berrehun euroko sariarekin (200 €); eta «Elkar saria» —alegia, gazteenen arteko testurik onena—, hirurogeita hamabost euroko sariarekin (75 €). Gainera, saritutako kontakizunak Geuria aldizkarian argitaratuko dira.

PARTE HARTU   /   OINARRIAK               

<<Basauriko Gazteguneetan urtarrilean eskainiko den programa>>

Hilabete honetan, ARABIAR BAS ekimenari lotutako doako jarduera sorta oparoa eskainiko die ZirtZart Basauri Gazteria Zerbitzuak 12-17 urte bitarteko gazteei. Horrela, bada, tailerrak egingo ditugu Basozelaiko eta San Migeleko gazteguneetan. Ez da beharrezkoa aurretiaz izena ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa.

Arabiera tailerra: arabiera ikasi nahi duten gazteentzat. Laburra izango da, ordu bi ingurukoa. Latifa irakasleak ahozko eta idatzizko arabieraren oinarriak irakatsiko dizkie parte hartzen dutenei.

Kebab tailerra: kebab-a prestatzen ikasiko dute.

Sabel-dantza: dantzari profesionala etorriko da, eta sabel-dantzaren oinarrizko pausoak ikasiko dizkie gazteei.

Irratigintza tailerra: urtarriletik aurrera, hilero, irratigintza tailerra egongo da, Kolonbia-Euskadiren eta Radio Prismaren eskutik.

Filmania: hileko gaiari lotutako filma eskainiko dugu, krispetekin.

<<Gabonetako programazio berezia>>

Gabonetan zenbait tailer egingo ditugu ZirtZart egitarau barruan, 12-15 urteko gazteentzat. Basozelaiko eta San Migeleko gazteguneetan izango dira, abenduaren 26tik urtarrilaren 4ra, 11:00etatik 13:00etara. Hiru aukera izango dira tailerretan izena emateko:

Lehen astea → abenduaren 26tik 29ra. 5 €.
Bigarren astea → urtarrilaren 2tik 4ra. 5 €.
Aste biak → abenduaren 26tik urtarrilaren 4ra. 10 €.

Jarraian, jardueren laburpentxo bat:
Irratigintza tailerra: irratsaioa egingo dugu Emakumeak Aniztasunean elkartearen eskutik. Komunitaterako irratigintzaren oinarriak jorratuko ditugu, nahaste-mahaia arakatuko dugu, eta generoari, zurrumurruen aurkako ekimenari eta elkarbizitzari lotutako gidoi txikiak egingo ditugu.

Arbel itxurako xaflak diseinatzeko tailerra: arbelak diseinatu eta dekoratuko ditugu.

GHPra irteera: egun pasa BECen, Gabonetako Haur-parkean.

Mahai-jolasak: zenbait jolasetan ariko gara, goizean zehar.

Txurro eta txokolate tailerra: txurroak eta txokolatea prestatzen ikasiko dugu.

Antzerkigintza tailerra: antzerkigintzako zenbait teknika irakatsiko dizkigu Nerea Larrazabal aktoreak.

Turroi eta Gabonetako apaindura tailerra: Gabonak datozela eta, turroia eta Gabonetako apaindurak egiten irakatsiko diegu gazteei.

Gazteguneak Web abendua<<Basauriko Gazteguneetan abenduan eskainiko den programa>>

Aurreko hilabeteetan egin bezalaxe, hil honetan ere doako zenbait jarduera eskainiko dizkie ZirtZart Basaurik 12-17 urte bitarteko gazteei. Oraingo honetan, «IRAKUR BAS» ekimenaren ingurukoak izango dira jarduerok. Horrela, bada, tailerrak egingo dituzte Basozelaiko eta San Migeleko gazteguneetan. Ez da beharrezkoa aurretiaz izena ematea, baina tokien kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa.

HitzaPasa jolasa, sariekin: abenduaren 3an Euskararen Eguna izango dela ospatzeko, HitzaPasa jolasean ariko gara. Euskal kulturari buruzko galderei erantzungo diegu. Azken erroska irabazten duenak saria jasoko du.

Durangoko Azoka: autobusoean joango gara Basauritik eta San Migeletik. Abenduaren 3ra arteko epea egongo da izena emateko.

Gazteentzako ipuin-kontalaria: Nerea Larrazabalek irakurketan murgilduko gaitu, eta tarte atsegina igaroko dugu.

GHPra irteera: aurreko urteetako arrakasta ikusita, errepikatu egingo dugu. Irteeraren pezioa 3 €-koa da Basaurin erroldatutakoentzat, eta 5 €-koa gainerakoentzat. Abenduaren 22ra arteko epea egongo da izena emateko.

Orri-markatzaile tailerra: irakurketaz gozatuko dugu, eta, horretarako, orri-markatzaile dibertigarri eta politak egingo ditugu.

<<Abanduaren 22an, Ibaigane Kultur Etxean, entzunaldia>>

Basozelai Gizarte Etxean urtean zehar izan den haize instrumentuen combo tailerreko parte hartzaileek entzunaldia eskainiko dute Ibaigane Kultur Etxean Javier Alzola saxofonistaren gidaritzapean.

Arratsaldeko zazpi t´erdietatik aurrera, doako ikuskizuna edukiera bete arte.

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu