Festibas 2022 izenaeman comp«Festibas»en zortzigarren edizioa maiatzaren 21ean (larunbata) izango da, eta, horren kariaz, bertan parte hartzera gonbidatzen ditu herriko musika taldeak

«Festibas» banden jaialdia antolatu du ZirtZart Basauri Basauriko Udalaren gazteria-programa integralak. Udalerriko musika taldeei eta Basozelai Gizarte Etxean dauden entsegu-gelak erabiltzen dituzten bandei eskainitako jaialdia da hau.

Maiatzaren 21ean (larunbata) izango da hitzordua Basaurin, eta lekua zehazteke dago oraindik. «Festibas»en xedea da zuzenean jotzeko aukera ematea herriko musika taldeei, eta ikusleen aurrean bultzatzea proiektu bakoitza, jai-giroan.

Jaialdian parte hartu nahi duten taldeek otsailaren 21etik martxoaren 31ra bitartera eman beharko dute izena. Horretarako, antolatzaileek eskatutako agiriak aurkeztu, eta finkatutako gutxieneko baldintzak bete beharko dituzte, besteak beste: taldeko kide bat, gutxienez, Basaurin bizitzea, edota azken bi ikasturteotan (2020-2022) Basozelai Gizarte Etxeko entsegu-lokaletan aritu izana; eta taldeko kide guztiak 16 urtetik gorakoak izatea.

OINARRIAK · INSKRIPZIO ORRIA

Zeinu Hizkuntza“ZEINU HIZKUNTZA TAILERRA”


ZirtZartBasauri Udalaren gazteria zerbitzuak, "Ulertuz" elkartearekin lankidetzan, gorren mundua hobeto ezagutzen lagunduko digun doako tailerra antolatu du, 16 eta 35 urte bitarteko gazteentzat.


Martxoaren 16an,azteazkena, arratsaldeko 18.00etatik 20:00etara egingo dugu tailerra, Basozelai Gizarte Etxean.


Zeintzuk izango dira edukiak?


1. atala: gorreriari buruzko azalpena, ondorioak, gaiaz zer dakigun egiaztatzeko jolasak.
2. atala: Zeinu Hizkuntza tailerra
3. atala: galderak eta argibideak


Landutako gaien materialak eta baliabideak emango dizkiegu parte-hartzaileei.

 

-EMAN IZENA-

Skate Indoor Ikastaroa 2022 comp<<Martxoan hasita, astero, skate indoor ikastaroa Basauriko gazteei zuzendua>>

Basauriko Udalaren ZirtZart gazte zerbitzuak jarraipena emango dio martxoan iaz abian jarritako skate indoor ikastaroari, horrek izandako harrera onaren ondorioz. Diziplina horretan adituak diren profesionalez gidaturiko eskaintza «Life Skate Farm» erakundearen aretoan izango da, 2400 metro karratuko aterpe egokian. Enpresa hori eskaintzaren laguntzailea da.

Bereziki Basaurin erroldaturiko gazteei zuzenduriko ikastaroa da, eta 12-35 urte bitarteko lagunentzat izango da. 2022ko martxoaren 22an hasi eta ekainaren 24an amaituko dira klaseak, eta parte-hartzaileek astero 90 minutuko saio pertsonalizatua jasoko dute (Aste Santuan izan ezik). Guztira hamabi saio izango dira. Hiru kategoria nabarmentzen dira, parte-hartzaileen adinaren eta mailaren arabera antolatuak:

Ordutegia S2022

Ikastaroan parte hartu nahi duten gazteek martxoaren 10era arte dute izena emateko epea. Telematikoki inskripzioa egiteko aukera dago ZirtZart Basauriren webgunean, eta zuzenean ere egin daiteke Basozelai Gizarte Etxeko Gazte Informazioa Bulegoaren bitartez. Plaza kopurua mugatua da, eta «ZirtZart Bazkide Txartela» duten gazteek lehentasuna izango dute. Kuotari dagokionez, bazkideek 60€ ordaindu beharko dute ikastaroan parte hartzeagatik; herrian erroldatua egon, baina bazkide ez direnek 75 €, eta azkenik, Basaurin erroldatuak ez direnek, 195 €. Inskripzioa egitearekin batera txanda ere aukeratu beharko du interesdunak.

· EMAN IZENA · 

Karnabaseko gazte feria copia<<Gorde ezazu otsailaren 27ko arratsaldea, 19:00etik 21:00era, eta etor zaitez Basauriko Social Antzokira gurekin Karnabaseko gazte feria ospatzera>>

 

 ZirtZart Basauritikgonbidatzen zaitugu otsailaren 27an Social Antzokian egingo dugun Karnabasen lehenengo gazte ferian parte hartzera. Han tiketak irabazi ahal izango dituzu jardueretan duzun trebetasuna erakutsiz. Ondoren tiket horiek trukatu ahal izango dituzu eta opari izugarriak lortu.

 Sartzeko, sarrera edo flyer-a aurkeztu beharko duzue. Social Antzokian lor ditzakezue (leihatilan edo web orrialdean) eta BBKren kutxazain zerbitzuanitzetan. Sarrerak 2€-ko salneurria izango du otsailaren 26a baino lehenago erosten baduzue, eta 3€-koa jai egunerako utziz gero.

Arratsaldea opariz eta sorpresaz beterik egongo da, eta eguna borobiltzeko, DJ Jaikide ariko da giroa berotzen. Zatoz, eta ekar ezazu zure mozorro ikaragarriena! Zure zain izango gara!

 SARERRAK HEMEN

urtarrila txikia

<<URTARRILA GAZTEGUNEAN>>

 

Zirt Zart Basauri Gazteria zerbitzutik, hil honetan, doako zenbait jarduera eskainiko diegu 12-17 urte bitarteko gazteei. Tailerrak Basozelaiko gaztegunean izango dira. Ez da beharrezkoa izena aurretiaz ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

 

          • Ping pong topaketa: Ping-pong-ean trebea al zara? Hurbildu gaztegunera lehiatzera.
  • Etxeko pizza: izugarrizko pizzak egingo ditugu elkarrekin, etor zaitez gaztegunera! Mamma mia!

Hitz Erdiko Kontaketak 2022<<Urtarrilaren 10etik martxoaren 10era bitartean jasoko dituzte ZirtZarten «Hitz-Erdiko Kontaketak» euskarazko ipuin laburren lehiaketaren 2022ko ediziorako lanak>>

     - «Zenbat gauza galtzen ditugun galtzearen beldur…» izango da abiapuntua. Esaldi horretatik hasita, gehienez ere ehun hitzeko kontakizuna idatzi beharko dute parte-hartzaileek.
     - Lau sari egongo dira: «Lehen sailkatua», «Bigarren sailkatua», «Hirugarren sailkatua» eta «Elkar» saria.

Lehiaketa ZirtZart Basaurik —Basauriko Udalaren Gazteria Ataleko programak— antolatzen du, Kultur Basaurirekin lankidetzan, eta Geuria Hego Uribeko herri komunikabidearen eta Elkar Euskal Kulturgintzaren laguntzarekin. 12-35 urte bitarteko gazteei zuzendutako ekimen horren helburua da idazmenean interesa dutenen talentua aurkitzea.

Parte hartu nahi dutenek «mikrokontakizun» bat idatzi beharko dute, gehienez ere ehun hitzez osatua. Antolatzaileek hasierako esaldia emango dute (aurtengoan «Zenbat gauza galtzen ditugun galtzearen beldur…»), eta hortik abiatu beharko dira lanak. Parte-hartzaile bakoitzak hautatuko du bere kontakizunaren gaia. Bakar-bakarrik onartuko dira euskaraz idatzitako «mikrokontakizunak». Nahi adina kontakizun aurkeztu ahalko ditu parte-hartzaile bakoitzak, 2022ko urtarrilaren 10etik martxoaren 10era bitartean, zirtzart.basauri.eus webgunearen bitartez.

Lau sari egongo dira: «Lehen sailkatua» (200 €-ko bonua jasoko du), «Bigarren sailkatua» (150 €-ko bonua), «Hirugarren sailkatua» (100 €-ko bonua) eta «Elkar» saria (150 €-ko bonua). Azken horretan 12-17 urte bitartekoen proposamenak baino ez dira aintzat hartuko. Sarituriko lau «mikrokontakizunak» Geuria aldizkarian argitaratuko dira (Hego Uribeko Herri Komunikabidea da Geuria).

Bosgarren edizioa dugu aurtengoa, eta orain arte antolakuntzak denera 429 proposamen jaso ditu -89 lehen edizioan, 83 bigarrenean, 54 hirugarrenean eta 203 laugarrenean-. Iazko deialdian Mungian bizi den Naroa Elortegi García, Bediako Karlos Aretxabaleta Ormaetxea eta Berrobiko Eneritz Alberdi Irastorza izan dira, hurrenez hurren, lehen, bigarren eta hirugarren sarien irabazleak. Malen Maruri San Juan bilbotar gazteak Elkar Saria jaso zuen.

PARTE HARTU · OINARRIAK

Musika Taldeak Eratzea 2022 comp<<Urtarrilean jarriko du abian ZirtZart Basaurik «Musika Taldeak Eratzea» programa, musika taldeen sorkuntza sustatzeko helburuarekin>>

- Eskaintza bost diziplinak osatzen dute; kantua, gitarra, baxua, bateria eta haize taldea.
- Jotzeko teknika eta gaitasuna hobetzeaz gain, hartu-emana dago beste diziplinetako ikasleekin.

Urtarrilaren 13an jarriko dira abian Basauriko Udalak, ZirtZart Gazte Zerbitzuaren bitartez, urtero eskaintzen dituen musika-tresnen formakuntza ikastaroak. Bost modalitate bereizi dira: kantua, gitarra, baxua, bateria eta haize taldea. Dinamikari dagokionez, ikasleek jasoko dituzten praktikak ez dira aukeratutako instrumentura mugatuko, hau da, beste taldeetako parte-hartzaileekin ere jardunean arituko dira, musika taldeak sortzea sustatu nahian. Horrela, eskaintza honek tresnaren erabileran sakontzeaz gain, musika talde bat eratzeko gogoa piztea du helburu.

Urtarrilaren 13tik hasita, ekainaren 9ra arte luzatuko dira ikastaroak, eta Aste Santuan izan ezik, ostegunetako arratsaldeak finkatuta daude Basauriko Basozelai Gizarte Etxean, 19:30etik 20:45era. Ekainaren 11n ikasturte amaierako entzunaldia izango da Ibaigane Kultur Etxean, eta bertan hilabeteetan zehar ikasitakoa publikoaren aurrean aurkezteko aukera izango dute ikasleek. Bost modalitateak urte askotako eskarmentua duten irakasle eta musikariez osatuak daude.

Izena emateko epea irekita dago 2021eko azaroaren 26tik abenduaren 26ra bitartean, eta interesdunek inskripzioa egiteko aukera izango dute ZirtZart gazte zerbitzuaren webgunearen bitartez, modu telematikoan edota zuzenean Basozelai Gizarte Etxeko Gazte Informazio Bulegoan. Nagusiki 12-35 urte bitarteko basauriarrei zuzenduriko formakuntza da hau. Modalitate bakoitzak plaza kopuru mugatua du, eta banaketari dagokionez lehentasuna dute «ZirtZart Bazkide Txartela» sisteman altan direnek. Ikasturtearen prezioa 133€ da; bazkideek, ikasleek eta langabetuek %50eko deskontua izango dute, eta DBEa jasotzen dutenek, %75ekoa.

· IZENA EMAN · 

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu