finalistas premiados<<Cecilia Payne taldeak irabazi du Rockeinen zortzigarren edizioaren sari nagusia>>

-La Tokokera izan da tokiko talderik onena; Addar, euskarazko artistarik onena, eta El viejo Chimangok irabazi du Publikoaren saria

Cecilia Payne laukoteak irabazi du Rockein talde eta bakarlarien musika-lehiaketaren zortzigarren edizioaren sari nagusia. Arrigorriaga, Gatika eta Getxotik datorren taldea, iragan azaroaren 20an izandako finalean, Airu-ri eta Wicked Wizzard-i gailendu zitzaien. Rockeinen sari nagusiaren aurreko irabazleak Sara Zozaya (2019), The Owl Project (2018), Los Cosméticos (2017), Albert Cavalier (2016), Grand Matter (2015), The Weapons (2014) eta Radiofunkens (2013) izan dira.

Tokiko talderik onenaren saria La Tokokerak irabazi du, cumbia, reggae-a, merenguea, ska eta salsa uztartzen dituen taldea —Galdakaoko kide bat duena—. Bestalde, Addar Bermeoko rock and roll laukotea izan da euskarazko proposamen onena. Eta El viejo Chimangok irabazi du Publikoaren saria, 2.187 lagunek parte hartu duten online bozketan 209 botu jasota.

Rockeinen finala iragan ostiralean, azaroaren 20an, izan zen, Basauriko Social Antzokian. 250 lagun bertaratu ziren: gonbidapen guztiak agortu ziren. Eta, nola ez, Covid-19aren protokolo guztiak bete zituzten.

Rockeinen epaimahaiak «kategoria nagusian azken erabakia hartzeko zailtasuna» azpimarratu, eta adierazi zuen azken urteotako parte-hartzaileen maila «gero eta handiagoa» dela.

Parte-hartzea
Rockeinen parte-hartzea % 98 hazi da, 2013ko lehen ediziotik. Hona hemen kopuruen bilakaera:

2013: 85 parte-hartzaile
2014: 105 parte-hartzaile
2015: 95 parte-hartzaile
2016: 110 parte-hartzaile
2017: 129 parte-hartzaile
2018: 135 parte-hartzaile
2019: 146 parte-hartzaile
2020: 169 parte-hartzaile

Nerbioi-Ibaizabalen sortutako Rockein lehiaketa, beraz, indartuz doa Euskal Herriko erreferente gisa, parte-hartze datuek, eta jasotako proposamenen berritzeko gaitasunak eta kalitateak erakusten dutenez.

 

ROCKEIN 2020KO SARIAK

Artista irabazlea: Cecilia Payne
- EP profesional bat (gutxienez bost kanta) grabatzea, ekoiztea eta masterizatzea Bilboko El Tigre estudioetan.
- EPa diseinatzea eta editatzea: 500 kopia, CD euskarrian.
- Bideoklip profesional bat grabatu eta ekoiztea.
- Bizkaiko areto nagusienetako batean edo MAZ Basauri jaialdiaren barnean kontzertua (antolatzaileek zehaztuko dute).

Tokiko artistarik onena: La Tokokera
- Bizkaiko areto nagusienetako batean edo MAZ Basauri jaialdiaren barnean kontzertua (antolatzaileek zehaztuko dute).

Euskarazko talderik onena: Addar
- Abesti bat grabatu eta ekoiztea.
-Bizkaiko areto nagusienetako batean edo MAZ Basauri jaialdiaren barnean kontzertua (antolatzaileek zehaztuko dute).

Publikoaren saria: El viejo Chimango
- Bizkaiko areto nagusienetako batean edo MAZ Basauri jaialdiaren barnean kontzertua (antolatzaileek zehaztuko dute).

Rockein Euskal Autonomia Erkidegoko eta Nafarroako bakarlari eta taldeei zuzendutako musika-lehiaketa da. Basauriko, Arrigorriagako, Galdakaoko eta Laudioko udalek bultzatzen dute, eta Bizkaiko Foru Aldundiaren laguntza ere jasotzen du ekimenak. 2020an, bosgarren urtez jarraian, parte-hartze markak haustea lortu du: 169 artistek eman dute izena.

Informazio gehiago:
www.facebook.com/rockein
Twitter: @rockeinrock

ROCKEIN 2020 post facebook final 1200x1200 2<<Agortu dira Rockeineko finalerako gonbidapenak>>

- 250 gonbidapen banatu dira Basauriko Social Antzokian, eta, azkenean, «Beteta» kartela jarri behar izan dute

-Finala streaming bidez emango da, Rockeinen YouTuberen kanalean

Bukatu dira Rockeinen finalera joateko gonbidapenak. Atzo arratsaldean, Basauriko Social Antzokian, bihar izango den hitzordurako bi egunen faltan, eskuragarri zeuden 250 gonbidapenetako azkena eraman zuten.

Edukiera-murrizketak eta murrizketa geografikoak indarrean egonda ere (Basauriko eta herri mugakideetako biztanleak soilik joan daitezke finalera), aurtengo zifra Rockeinen aurreko finaletako marka onenetik hurbil geratu da (270 lagun, 2019an).

Gogoratu zortzigarren edizio honetako sari nagusia eskuratzeko hautagaiak Airu, Cecilia Payne eta Wicked Wizzard direla; eta Keniama, Koiu eta La Tokokera direla Tokiko artistarik onenaren sarirako hautagaiak. Cecilia Paynen kasuan, kide bat Arrigorriagakoa denez, sari nagusia eskuratuko ez balute, Tokiko artistarik onenaren saria irabazteko hautagai izateko kontuan hartuko lituzke epaimahaiak.

Rockeinen zortzigarren edizioaren finala bihar izango da, azaroaren 20an, Basauriko Social Antzokian. Indarrean dagoen araudia betetzeko, ateak 17:30etan ireki, kontzertuak 18:00etan hasi (ezin izango da finalera sartu 19:00etatik aurrera) eta ekitaldia 21:00etan bukatuko da.

Ekitaldia streaming bidez emango da, Rockeinen YouTuberen kanalean, indarrean dauden murrizketen ondorioz etortzeko aukera izango ez duten pertsonek ere ikusi ahal izan dezaten.

Rockein Basauriko Udalak antolatzen du, Arrigorriaga, Galdakao eta Laudioko Udalen eta Bizkaiko Foru Aldundiaren laguntzaz. Eta Euskal Autonomia Erkidegoko eta Nafarroako bakarlari eta taldeei zuzendutako musika-lehiaketa da.

ROCKEIN 2020 FINALA
Azaroak 20, ostirala
Social Antzokia, Basauri

17:30 Ateak irekitzea
18:00 La Tokokera
18:30 Keniama
19:00 Koiu
19:30 Cecilia Payne
20:00 Airu
20:30 Wicked Wizzard
20:45 Sariak banatzea
20:55 Amaiera

* Artista bakoitzak 15 minutu inguru joko du

JOKOAN DAUDEN SARIAK:

Artista irabazlea
- EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
- EParen 500 kopia diseinatu eta editatzea, CD euskarrian.
- Bideoklip profesional bat grabatu eta ekoiztea.
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Tokiko artistarik onena
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Artistarik onena euskaraz
- Abesti bat grabatzea eta ekoiztea.
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Publikoaren saria
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Informazio gehiago:
www.facebook.com/rockein
Twitter: @rockeinrock
www.basauri.eus

ROCKEIN 2020 post facebook final 1200x1200 2

<<Keniamak La última bala ordezkatuko du Rockeinen finalean>>

-La última balak ezin izango du finalean egon, taldekide batek lan istripua izan duelako

-Hurrengo ostiraleko (azaroak 20) emanaldien ordutegia zehaztu da

Arrigorriagako eta Bilboko kideak dituen Keniama taldeak ordezkatuko du La última bala, Rockeinen zortzigarren edizioaren finalista moduan, Tokiko artistarik onenaren kategorian. Keniamakoek reggaea egiten dute, hip-hop, funk, ska edo hardcorearekin uztartuta, eta 2019an ere kategoria bereko finalista izan ziren. La última balak ezin izango du finalean egon, taldekide batek lan istripua izan duelako. Lehenbailehen sendatzea opa diogu.

Tokiko artistarik onenaren saria eskuratzeko beste bi hautagaiak dira Koiu (punk-rocka euskaraz, Galdakao-Usansolo) eta La Tokokera (cumbia, reggaea, merenguea, ska eta saltsa, Galdakaoko taldekide batekin).

Bestalde, Airu, Berangoko Irune Vega abeslari eta konpositore gaztearen proiektu musikala, Cecilia Payne, 80-90 hamarkadetako indie-rocka egiten duen laukote bizkaitarra, eta Mungiako Wicked Wizzard stoner-rock hirukotea dira Rockeinen zortzigarren edizioaren sari nagusia irabazteko hiru hautagaiak. Cecilia Paynen kasuan, zeinak Arrigorriagako kide bat baitauka, sari nagusia eskuratuko ez balu, Tokiko artistarik onenaren saria irabazteko hautagai izateko kontuan hartuko luke epaimahaiak, lehiaketaren oinarriek ezartzen dutenari jarraituz.

Rockeinen zortzigarren edizioaren finala azaroaren 20an izango da, Basauriko Social Antzokian. Indarrean dagoen araudia betetzeko, ateak 17:30ean ireki, kontzertuak 18:00etan hasi eta ekitaldia 21:00etan bukatuko da. Rockeinen finalerako gonbidapenak socialantzokia.eus webgunean erreserbatu daitezke, oraindik ere. Ekitaldira Basauriko eta mugakideak diren herrietako biztanleak joan ahal izango dira (Bilbao, Etxebarri, Galdakao, Arrigorriaga eta Zaratamo), eta, horretarako, gonbidapena bera erabili ahalko dute ziurtagiri moduan.

Rockeinen finalean murriztutako edukiera egongo da, eserlekuekin eta Covid-19aren araudi guztiak betez (distantzia soziala, maskara nahitaez erabiltzea, leku komunak garbitzea, barrarik gabe…). Finalera ateak irekitzen direnetik (17:30) 19:00etara bitartean sartu ahal izango da. Sartu eta gero, aukera izango da edozein unetan antzokitik ateratzeko, baina ezin izango da berriz sartu.

Ekitaldia streaming bidez emango da, Rockeinen YouTuberen kanalean, indarrean dauden murrizketen ondorioz etortzeko aukera izango ez duten pertsonek ere ikusi ahal izan dezaten —Laudioko biztanleek, adibidez: bertako Udala lehiaketaren erakunde laguntzaile izan arren, laudioarrek ezingo dute etorri—.

Rockein Basauriko Udalak antolatzen du, Arrigorriaga, Galdakao eta Laudioko Udalen eta Bizkaiko Foru Aldundiaren laguntzaz. Eta Euskal Autonomia Erkidegoko eta Nafarroako bakarlari eta taldeei zuzendutako musika-lehiaketa da.

ROCKEIN 2020 FINALA
Azaroak 20, ostirala
Social Antzokia, Basauri

17:30 Ateak irekitzea
18:00 La Tokokera
18:30 Keniama
19:00 Koiu
19:30 Cecilia Payne
20:00 Airu
20:30 Wicked Wizzard
20:45 Sariak banatzea
20:55 Amaiera

* Artista bakoitzak 15 minutu inguru joko du

JOKOAN DAUDEN SARIAK:

Artista irabazlea
- EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
- EParen 500 kopia diseinatu eta editatzea, CD euskarrian.
- Bideoklip profesional bat grabatu eta ekoiztea.
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Tokiko artistarik onena
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Artistarik onena euskaraz
- Abesti bat grabatzea eta ekoiztea.
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Publikoaren saria
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Informazio gehiago:
www.facebook.com/rockein
Twitter: @rockeinrock
www.basauri.eus

ROCKEIN 2020 post facebook final 1200x1200<<Rockeinen finala azaroaren 20an izango da Basauriko Social Antzokian>>

-Gonbidapenak socialantzokia.eus webgunean erreserbatu daitezke

-Finala streaming bidez emango da, besteak beste, Laudioko biztanleek ezin izango direlako bertaratu ( Laudioko Udala lehiaketaren erakunde laguntzailea da).

-Airu, Cecilia Payne eta Wicked Wizzard izango dira sari nagusia irabazteko hautagaiak eta Koiu, La Tokokera eta La última bala, Tokiko artistarik onena kategoriako finalistak

Rockeinen zortzigarren edizioaren finala azaroaren 20an izango da Basauriko Social Antzokian. Indarrean dagoen araudia betetzeko, ateak 17:30ean ireki, kontzertuak 18:00etan hasi eta ekitaldia 21:00etan bukatuko da. Rockeinen finalerako gonbidapenak socialantzokia.eus webgunean erreserbatu daitezke. Ekitaldira Basauriko eta mugakideak diren herrietako (Bilbao, Etxebarri, Galdakao, Arrigorriaga eta Zaratamo) biztanleak joan ahal izango dira, eta gonbidapena ziurtagiri moduan erabili ahal izango da.

Rockeinen finala murriztutako edukierarekin egingo da, eserlekuekin, eta Covid-19aren araudi guztiak betez (distantzia soziala, maskara nahitaez erabiltzea, leku komunak garbitzea, barrarik gabe…). Finalera ateak irekitzen direnetik (17:30) 19:00etara bitartean sartu ahal izango da. Sartu eta gero, aukera izango da edozein unetan antzokitik ateratzeko, baina ezin izango da berriz sartu.

Ekitaldia streaming bidez emango da Rockeinen Youtube kanalean, indarrean dauden murrizketen ondorioz etortzeko aukera izango ez duten pertsonek ikusteko aukera izan dezaten. Laudioko biztanleen kasua izango da, bertako Udala lehiaketaren erakunde laguntzaile izan arren.

Airu, Berangoko Irune Vega abeslari eta konpositore gaztearen proiektu musikala; Cecilia Payne, 80-90 hamarkadetako indie-rocka egiten duen laukote bizkaitarra; eta Mungiako Wicked Wizzard stoner-rock hirukotea. Horiek dira Rockeinen zortzigarren edizioaren sari nagusia irabazteko hiru hautagaiak.

Finalean joko duten beste hiru taldeak dira Koiu (punk-rocka euskaraz, Galdakao-Usansolo), La Tokokera (cumbia, reggae, merengue, ska, salsa; Galdakaoko taldekide batekin) eta La última bala (rock klasikoa egiten duen hirukotea, Basauriko kide batekin). Talde horiek aukera izango dute Tokiko artistarik onenari saria irabazteko, Basauri, Arrigorriaga, Galdakao edo Laudion erroldatutako kide bat gutxienez daukaten proiektuak saritzen dituen kategorian. Dena den, kategoria nagusiko Cecilia Payne taldea, Arrigorriagako kide bat izanda, sari nagusia eskuratuko ez balu, Tokiko artistarik onenari saria irabazteko hautagai izateko kontuan hartuko luke epaimahaiak, lehiaketaren oinarriek ezartzen dutenari jarraituz.

Ohi bezala, Euskarazko artistarik onenaren eta Publikoaren sariaren irabazlearen izenak finalean bertan jakinaraziko ditu epaimahaiak.

Rockein Basauriko Udalak antolatzen du, Arrigorriaga, Galdakao eta Laudioko Udalen eta Bizkaiko Foru Aldundiaren laguntzaz. Eta Euskal Autonomi Erkidego eta Nafarroako bakarlari eta taldeei zuzendutako lehiaketa musikala da.

ROCKEIN 2020 FINALA
Ostirala, azaroak 20
Basauriko Social Antzokia

17:30 Ateak irekitzea
18.00-19:15 Koiu, La Tokokera eta La última bala (emanaldien ordena, zehazteke)
19:30-20:45 Airu, Cecilia Payne eta Wicked Wizzard (emanaldien ordena, zehazteke)
20:45 Sari banaketa
20:55 Amaiera

 

JOKOAN DAUDEN SARIAK:

Artista irabazlea
-EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
-EParen 500 kopia diseinatu eta editatzea, CD euskarrian.
-Bideoklip profesional bat grabatu eta ekoiztea.
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Tokiko artistarik onena
-Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Artistarik onena euskaraz
-Abesti bat grabatzea eta ekoiztea.
-Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Publikoaren saria
-Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Informazio gehiago:
www.facebook.com/rockein
Twitter: @rockeinrock
www.basauri.eus

rockein finalistas horizontal reducido

<<Airu, Cecilia Payne eta Wicked Wizzard, Rockeinen zortzigarren edizioaren kategoria nagusiko finalistak>>

-Koiu, La Tokokera eta La última bala izango dira Tokiko artistarik onenari saria irabazteko hautagaiak. Sari nagusia irabaziko ez balu, Cecilia Payne-ek ere tokikoa irabazteko aukera izango luke.

-Azaroaren 20rako Basauriko Social Antzokian iragarrita dago finala. Dataren inguruan erabaki bat hartuko da, indarrean dauden Eusko Jaurlaritzaren neurriak azaroaren 10ean luzatzen badira.

Airu, Berangoko Irune Vega abeslari eta konpositore gaztearen proiektu musikala; Cecilia Payne, 80-90 hamarkadetako indie-rocka egiten duen laukote bizkaitarra; eta Mungiako Wicked Wizzard stoner-rock hirukotea. Horiek dira Rockeinen zortzigarren edizioaren sari nagusia irabazteko hiru hautagaiak.

Finalean joko duten beste hiru taldeak dira Koiu (punk-rocka euskaraz, Galdakao-Usansolo), La Tokokera (cumbia, reggae, merengue, ska, salsa; Galdakaoko taldekide batekin) eta La última bala (rock klasikoa egiten duen hirukotea, Basauriko kide batekin). Talde horiek aukera izango dute Tokiko artistarik onenari saria irabazteko, Basauri, Arrigorriaga, Galdakao edo Laudion erroldatutako kide bat gutxienez daukaten proiektuak saritzen dituen kategorian. Dena den, kategoria nagusiko Cecilia Payne taldeak ere, Arrigorriagako kide bat izanda, sari nagusia eskuratuko ez balu, Tokiko artistarik onenari saria irabazteko hautagai izateko kontutan hartuko luke epaimahaiak, lehiaketaren oinarriek ezartzen dutenari jarraituz.

Finala azaroaren 20rako iragarrita dago, ostiralez, Basauriko Social Antzokian. Baina finalaren inguruan erabaki bat hartzeko, kultura ekitaldiei dagokienez egungo Eusko Jaurlaritzaren neurriak azaroaren 10ean luzatzen diren ala ez jakin arte itxarongo da. Indarrean dagoen dekretuak Basauriko edo mugakideak diren herrietako bizilagunei bakarrik baimentzen die Rockeineko finalera joatea. Horrek Laudioko herritarrak baztertuko lituzke, nahiz eta euren Udalak lehiaketaren antolakuntzan lagundu.

Ohi bezala, Euskarazko artistarik onenaren eta Publikoaren sariaren irabazlearen izenak finalean bertan jakinaraziko ditu epaimahaiak. Azken kategoria horretarako bozketak iragan uztailaren 25ean itxi ziren eta 2.187 lagunek hartu zuten parte.

Rockeinen zortzigarren edizioak parte-hartze marka gainditu du bosgarren urtez jarraian, 169 artistak izena eman ostean. Azken urteetan Rockeinen antzeko helburuak dituzten beste lehiaketa batzuen sorrerak ekarri duen albiste pozgarriaren ondoren, Nerbioi-Ibaizabalen jaiotako lehiaketa Euskal Herri mailan erreferentzia bezala indartu da, parte-hartze datuei eta jasotako proposamenak berritzeko erakutsitako gaitasunari erreparatuz gero. Rockeinek jarraitzen du amateurismotik alor profesionalerako pausua ematen saiatzen ari diren proiektu berriei laguntzeko hasierako izpirituarekin.

Parte-hartzearen bilakaera
2013: 85 parte-hartzaile
2014: 105 parte-hartzaile
2015: 95 parte-hartzaile
2016: 110 parte-hartzaile
2017: 129 parte-hartzaile
2018: 135 parte-hartzaile
2019: 146 parte-hartzaile
2020: 169 parte-hartzaile

Rockein Basauriko Udalak antolatzen du, Arrigorriaga, Galdakao eta Laudioko Udalen eta Bizkaiko Foru Aldundiaren laguntzaz. Eta Euskal Autonomi Erkidego eta Nafarroako bakarlari eta taldeei zuzendutako lehiaketa musikala da.

JOKOAN DAUDEN SARIAK:

Artista irabazlea
-EP profesional bat (gutxienez bost abesti) grabatzea, ekoiztea eta masterizatzea Bilboko El Tigre estudioetan.
-EParen 500 kopia diseinatu eta editatzea, CD euskarrian.
-Bideoklip profesional bat grabatu eta ekoiztea.
- Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Tokiko artistarik onena
-Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Artistarik onena euskaraz
-Abesti bat grabatzea eta ekoiztea.
-Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Publikoaren saria
-Bizkaiko areto nagusienetako batean edo MAZ Basauri jaialdian kontzertua eskaintzea (antolatzaileek zehaztuko dute).

Informazio gehiago:
www.facebook.com/rockein
Twitter: @rockeinrock
www.basauri.eus

<<Bazkide Txartela>

  • ZirtZart Basauriko Udalaren Gazteria Zerbitzuak «Bazkide Txartela» aurkeztu du, zeinak gazteentzako zerbitzu eta programetan deskontuak eta bestelako abantaila batzuk aurreikusten baititu.
  • Datozen egunotan eskainiko dituzten jardueren berri ere eman dute. Halloween tailerrak eta «Ezagutu Korea» kulturarteko topaketa nabarmentzen dira, besteak beste

Basauriko Udalaren Gazteria Zerbitzuak, ZirtZartek, «Bazkide Txartela» bere ekimen berria aurkeztu du gaur. Horren xedea da, besteak, beste, udalerrian erroldatutako 12-35 urteko gazteek deskontuak jaso eta lehentasuna izatea eskainitako zerbitzu eta programetan.Horrekin batera, datozen egunetan eskainiko dituzten aisialdi eta astialdiko jardueren eta prestakuntza-ikastaroen berri eman dute.

«Bazkide Txartela»ri dagokionez, udalerrian erroldatuta egon eta 1985-2008 bitartean jaiotakoek eskatu ahalko dute. Horretarako, eskatutako datuak eman beharko dituztezirtzart.basauri.eusGazteria Zerbitzuaren webgunean, «Egin zaitez bazkide» erlaitzean.Bestela, aukeran, izena eman ahalko dute Gazteentzako Informazio Bulegoan (Basozelai Gizarte Etxean dago).«Bazkide Txartela» doakoa, pertsonala eta besterenezina da.

Programatutako jarduerei dagokienez, urriaren 31n (larunbata), COVID-19a dela-eta ezin izan denez Halloween jaia antolatu, Ibaigane Kultur Etxeak tailer sorta bat eskainiko die 12-17 urteko gazteei, ospakizun horren inguruan.Toki kopurua mugatua izango da, eta, beraz, interesa dutenek izena eman beharko dute, urriaren 28a baino lehenago.Era berean, Halloweeneninguruko mozorro-lehiaketa antolatu dute, udalerrian bizi diren 12-35 urteko gazteei zuzenduta, batez ere.Parte hartzeko, nahikoa izango da oraingo argazki bat bidaltzea, jantzi «beldurgarriarekin».Norbanakoek zein taldeek hartu ahalko dute parte (taldeen kasuan, gehienez ere 10 lagun bildu ahalko dira).Boto gehien jasotzen dituzten proposamenek udalerriko establezimenduetan gastatzeko kontsumo-bonuak irabaziko dituzte.ZirtZarten webgunean (zirtzart.basauri.eus) daude deialdiaren oinarriak.

Bestalde, azaroaren 7an (larunbata), Koreako kulturaren inguruko «Ezagutu Korea» topaketaren beste edizio bat egongo da Ibaigane Kultur Etxean.Aurtengoan, K-pop dantzaren jatorria eta koreografia-lehiaketa izango dira eskaintzaren ardatz.Aurtengo edizioa (laugarrena), gazteei zuzenduta dago, batez ere. Antolatzaileek, dena dela, ohiko jarduerak moldatu dituzte, topaketan parte hartu nahi dutenen osasunaren babesa bermatuta egon dadin.Hori dela eta, Ibaigane Kultur Etxera bakar-bakarrik sartu ahalko dira, mailaz maila sartu ere, koreografia-lehiaketan parte hartuko dutenak eta epaimahaia osatuko dutenak —zeinek dantza-lehiaketetan eskarmentu handia duten pertsonak izango baitira—.Ikus-entzuleek sare sozialetan jarraitu ahalko dute ekimena, eta zuzenean parte hartu ahalko dute: dantzariak animatu, haiek dantzan ikusi…ZirtZarten webgunean (zirtzart.basauri.eus) daude lehiaketaren oinarriak.

Jesung dantzari eta koreografo profesional ospetsuak hartuko du parte ekimenean: K-pop estiloari buruzko doako lineako workshopa egingo du.Edonork jarraitu ahalko du bere masterclassa, birtualki, Zoom plataformaren bitartez, 12:00etatik aurrera.Horretarako, interesdunek antolatzaileekin harremanetan jarri beharko dute, sarbiderako lotura eskuratzeko. Gehienez ere 100 lagun egon ahalko dira, eta tokiak beteko dira izena emateko hurrenkeran.

Prestakuntzaren alorrekoa gehiago izango den eskaintza ere egongo da: «jolasaren pedagogia» eta «scrapbooking» ikastaroak egingo dituzte, azaroan hasita.Lehenengoa, «jolasaren pedagogia», jolasak hezteko eta eraldatzeko duen gaitasuna ikertu nahi duen edonorri zuzenduta dago: gurasoak, gizarte-eragileak, astialdiko monitoreak eta abar.Jolasaren alorreko heziketa-metodologia eta -joera berriei lotutako edukia landuko dute, jolasean oinarritutako jardueren plangintza egingo dute eta jolas-jarduerak zuzenduko dituzte.Hori guztia, gainera, modu praktikoan egingo dute.Bigarren ikastaroan, «scrapbooking»eko horretan, kartoiaren erabilpenari eta koadernaketari lotutako teknikak landu eta praktikan jarriko dituzte.Ikastarootako toki kopurua mugatua izango da. Zerbitzuaren webgunean daude argibide guztiak.

Jardueren egitarauaz gain, Gazteria Zerbitzuak Gazteentzako Informazio Bulegoa, entsegu-gelak (musikarientzat) eta Basozelai eta San Migeleko gazteguneak kudeatzen ditu.ZirtZart zerbitzu horiek berraktibatzen ari da, apurka-apurka, dagozkion osasun-neurri prebentiboak bermatzen joan ahala.Horrela, bada, Gazteentzako Informazio Bulegoa eta entsegu-gelak martxan daude ja, erabiltzaileen eta langileen segurtasuna bermatzeko beharrezko neurriak ezarri eta gero.Gaztegune zerbitzuak, aldiz, itxita jarraitzen du; baina dagoeneko lanean ari dira, berme guztiak bete eta berriro zabaldu ahal izateko.Horretarako aukera dagoenean, baina, edukiera mugatuta egongo da, eta beharrezkoa izango da «Bazkide Txartela» edukitzea instalazioetara sartu ahal izateko.

Argibide gehiago, hemen:

Basauriko Udala – ZirtZart Basauri 

- Tel.:944 666 430 – 634 984 615
- Helbide elektronikoa:Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
- WEBGUNEA: zirtzart.basauri.eus • basauri.eus

<< Halloween egunean mozorrotuko zara? >>

ZirtZart Basaurik aurtengo mozorro lehiaketa aurkezten dizue, 12-35 urte bitarteko gazteei bereziki zuzendua; hala ere, adin horretatik en diren senide eta lagunek zuekin batera esku hartzeko aukera izango dute. Parte hartzeko, zuen argazki beldurgarrienak bidali beharko dizkiguzue urriaren 26tik eta azaroaren 6ra bitartean, zein kategoriatan parte hartzen duzuen azalduz.

Parte-hartzaileen argazki guztiak behin jasota, gure sare sozialetan partekatuko dugu bozketa; horrela, azaroaren 7tik 15era bitartean zeuek izango zarete irabazleak aukeratzeko arduradunak.

¿Zer irabazi dezakezu?
• Categoría bakarlari:
o Lehen sailkatua: 200 € -ko BONUA, herriko saltokietako produktuetan gastatzeko.
o Bigarren sailkatua: 100 € -ko BONUA, herriko saltokietako produktuetan gastatzeko.

• Talde categoría:
o Lehen sailkatuak: 350 € -ko BONUA, herriko saltokietako produktuetan gastatzeko.
o Bigarren sailkatuak: 250 € -ko BONUA, herriko saltokietako produktuetan gastatzeko.

Parte har dezaket?
Lehiaketan izena emateko, honako baldintza hauek bete beharko dira:
1. Lehiaketan parte hartzeko derrigorrezkoa izango da Basaurin erroldatua egotea.
2. Bakarlari kategorian parte hartzeko, aurten 12 urteak beteak izan beharko ditu hautagaiak eta 35ak ez gainditzea.
3. Talde kategorian parte hartzeko, argazkian gutxienez 2 pertsona agertu beharko dira, eta 10 gehienez.
4. 12 urtetik beherako eta 35etik gorakoek aukera dute talde kategorian parte hartzeko, betiere adin tarte ofiziala (12-35) duen pertsona bat taldekide duten bitartean.
5. Pertsonako eskaintza bakarra onartuko da kategoria bakarrean.
6. Argazkia egungoa izan behar da.
* Antolatzaileek lehiaketatik kanpo utziko dituzte oinarrietan ezarritako baldintzak betetzen ez dituzten proposamenak.

Zelan hartu parte?
Lehiaketan parte hartu nahi dutenek argazki bakarra bidali beharko dute Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera, kategoria (Bakarlari / talde kategoria) eta parte-hartzaileen izen abizenak eta adina adieraziz.
Behin argazkia eta datuak jasota, antolatzaileek horren berri emango diote lehiakideari, posta elektroniko bidez, eta horrela parte hartzea konfirmatuta geratuko da.
* Lehiaketatik kanpo geratuko dira edukiagatik edo mezuagatik sexu diskriminazioa bultzatu, iraingarriak izan, sentsibilitatea zauritu edo hirugarren pertsonen eskubideak bortxa ditzaketen argazkiak.

Nork aukeratuko ditu irabazleak?
Zeuek izango zarete epaimahaia. Azaroaren 7tik aurrera bozketa aurkeztuko dugu gure sare sozialetan (Facebook eta Instagram), eta horrela aukera izango duzue kategoria bakoitzean gustukoen duzuen argazkia bozkatzeko.

Jabetza intelektualeko eskubideak eta baimentzeak
Parte-hartzaileek ZirtZart Basauri gazteria zerbitzuari ematen diote baimena lehiaketan parte hartzearren sortutako irudiak, helburu komertzialik gabe, zabaltzeko. Era berean, # jailloween2020 traola sortuko da jasotako argazkiak sare sozialetan publikatzeko helburuarekin.
Lehiaketan parte hartzeak oinarri guztiak bere osotasunean onartzea dakar izena emandako kide bakoitzarentzat.

FACEBOOK LOTURA · INSTAGRAM LOTURA

<<Eskaintza berezia urriaren 31n. Izena eman! Plaza kopuru mugatua dago>>

Prest zaudete urteko egunik beldurgarrienerako? Halloween eguna hurbil daukagu eta ZirtZart Basauritik, aurten ere, zeozer berezia eskaini nahi dizuegu, nahiz eta aurten ezin izango dugun ospatu urteroko jai handia .

Gorde ezazu urriaren 31ko arratsaldea, 18:00etatik 20:00etara, eta etor zaitez Ibaigane Kultur Etxera, gurekin Halloween eguna ospatzera. (Adi!* aurten lekua aldatu dugu, segurtasun neurri guztiak gordetzeko).

Plazak mugatuak dira, eta izena emateko azken eguna urriaren 28a izango da ZirtZart bulegoan edo ZirtZarteko web orrialdean. Inskripzio kopurua gaindituz gero, zozketa bidez banatuko ditugu plazak. Bazkide Txartela dutenek lehentasuna dute.

Zatoz, eta ekar ezazu zure mozorrorik ikaragarriena! Ez ahaztu zure musukoa! Zure zain izango gara!

<<Azaroaren 7an “Ezagutu Korea” ekimenaren laugarren edizioa izango dugu Basaurin, streaming bidez eskainia>>

“Ezagutu Korea” topaketa izango da Ibaigane Kultur Etxean, azaroaren 7an, Basauriko Udalak antolatua, ZirtZart Gazteria Atalaren bitartez, eta Han-A Association elkartearekin batera. Kultura korearra ardatz duen ekimena K-pop dantzan eta koreografia lehiaketan oinarrituko da.

Laugarren edizio honetako programazioan, bereziki gazteei zuzendua, aldaketa sakonak gauzatu dituzte antolatzaileek profesional, parte hartzaile nahiz publikoaren segurtasuna bermatu nahian. Hori dela eta, koreografia lehiaketan arituko diren gazteek eta epaimahaiak baino ez dute Kultur Etxean sartzeko aukera izango, bakoitzak dagokion txandan. Eskaintza zuzenean jarraitzeko aukera edonork izango du streaming bidez zabalduko baita; horretarako ZirtZart Gazteria Atalaren (@zirtzartbasauri) edo Han-A elkartearen (@hanassociationeus) sareetara baino ez da konektatu beharko.

K-pop koreografia lehiaketan parte hartu nahi dutenek INSKRIPZIO ORRIA bete (zirtzart.basauri.eus webgunean eskuragarri), eta urriaren 9tik azaroaren 4ra bitartean Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikora bidali beharko dute koreografiarako aukeratu den abestiarekin batera (.mp3 formatuan). Inskripzio guztien artetik, antolatzaileek, gehienez ere hamabost proposamen hautatuko dituzte azaroaren 7an Ibaigane Kultur Etxean zuzenean aritzeko. LEHIAKETAREN OINARRIAK HEMEN

Bestalde, Jesung dantzari eta koreografo profesionalak gidatuko duen Workshop Online formakuntza-saioa ere izango du edizio honek. Masterclass honetan, K-pop estiloa jorratuko da, eta birtualki jarraitzeko aukera dute interesdunek Zoom plataformaren bitartez. Lotura jaso eta saioan sartu ahal izateko derrigorrezkoa izango da aldez aurretik antolakuntzarekin harremanetan jartzea sarrera kopurua ehun lagunera mugatua baitago. Eskaintza doakoa da.

Ordutegia eta loturak (streaming)
→Workshop Online ↔ 12:00 – 13:15
→Koreografia lehiaketa ↔ 18:00 – 20:00
      ♦https://www.instagram.com/zirtzartbasauri/
      ♦https://www.instagram.com/hanassociationeus/

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu