<<«Etxetik Oholtzara» lehiaketak, Basaurin erroldaturiko gazteentzako dantza ekimenak, 15 koreografia jaso ditu>>

• Basauriko Udalak ZirtZart Gazteria Ataleko programaren bitartez antolaturiko lehiaketa honetan 24 gaztek hartu dute parte denera.
• Bakarlari moduan aurkeztutakoen artean Ariane Simarro, Maialen Elorriaga eta Nerea Martínez basauriarren proposamenak saritu dira.
• Talde formatuan aurkeztutakoen artean Ikaroa Chee, Uxue Castiñeira eta Ruben Villar buru zuten proposamenak saritu dira

Lehiaketa honek dantza alorreko adierazpen artistikoak herrian zehar bultzatzea izan du helburu; Basauriko Udalak ZirtZart Gazteria Ataleko programaren bitartez antolatu du, Kultur Basaurirekin eta Basauriko Merkataritza Atalarekin lankidetzan. Denera hamabost koreografia jaso dira, eta horien artetik epai-mahaiak, kultura alorreko profesionalez eta antolatzaileen ordezkariez osatua, ondorengoak saritu ditu:

- “BANAKAKO” kategoria
o 1. saria: Ariane Simarro Francisco
o 2. saria: Maialen Elorriaga Esquivel
o 3. saria: Nerea Martínez Alonso

- “TALDEKAKO” kategoria
o 1. saria: Ikaroa Chee Sánchez, Eider Trigueros Bullón, Maider Bilbao Prieto, Lorea Rojo Uriarte eta Itsasne Álvarez Cerdeño
o 2. saria: Uxue Castiñeira Sánchez, Elixane Godoy Calonge eta Nekane García Vande Meirssche
o 3. saria: Ruben Villar Rodriguez eta Janire Fernandez Periañez

Saridunek 30 eta 200 euro bitarteko bonoak jasoko dituzte herriko saltokietako produktuetan gastatzeko, Basauriko merkataritza bultzatzeko asmoz. Aldi berean, basauriarren konfinamendua girotzea helburu zuen lehiaketaren epai-mahaiak, dantzarien maila teknikoari dagokionez, horien guztien lana goraipatu du.

Zirtzartetxeangeratu 3<<#ZIRTZARTETXEANGERATU#3>>

#ZIRTZARTETXEANGERATU 3. edizioa zuentzat! Ez dakigunez zenbat luzatuko den berrogeialdi hau, gazteak ezin badira gaztegunera etorri, gaztegunea eramango dugu haien etxeetara, orain arte egin dugun moduan. Larunbatero 18:00etan jarduera bat egingo dugu zuekin batera instagram aplikazioaren bitartez. Jarduera bakoitza astean zehar aurkeztuko dugu sare sozialen bidez, eta horiek etxean eduki ahal dituzuen materialekin sortzeko pentsatuta daude.

• Maiatzak 23: “Crayon Art”.

Etxean dauzkazuen argizariekin ez badakizue zer egin, ez kezkatu! Horiek berrerabiltzeko bizpahiru ideia emango dizuegu! Ezin duzue galdu!

• Maiatzak 30: “TRAPILLO”.

Trapillloa ezagutzen duzue? Oihal birziklatuekin egindako materiala da; horrez gain, erabilera anitzekoa da eta horrekin hainbat eskulan egin ahal izango duzu. Gure kasuan, hormetako dekorazioa egingo dugu

 • Ekainak 6: “CubeeCraft”. 

Tailer honen bidez, hiru dimentsioko paperezko figurak eraikiko ditugu. Origamiren antzekoa da, baina artaziak eta kola erabiliz. CubeeCraft eredu ezberdinak egingo ditugu!

 • Ekainak 13:“Meme ZirtZart”. 

Zure memea sortzea gustatuko litzaizuke eta horregatik sari bat irabaztea? Gazteguneetatik aukera paregabea aurkezten dizuegu zuen gaitasuna guztiokin partekatzeko, eta aldi berean Basauri alaitzeko. Maiatzaren amaieran #MemeZirtZart lehiaketan parte hartzeko oinarriak aurkeztuko dizuegu!

HEK2020 Irabazleak«Hitz-Erdiko Kontaketak», euskarazko ipuin laburren lehiaketak, 54 proposamen jaso ditu 2020an ospaturiko edizioan

• Hirugarren edizio honetan 54 proposamen jaso dira. Nagore Atorrasagasti Magaña leioarra izan da garailea, eta Martina Villate Martinez bilbotarrak irabazi du Elkar Saria.

“Serendipia itxaropenari lotua…”. Antolatzaileek emandako esaldi hori abiapuntutzat hartu, eta gehienez ere, ehun hitzeko kontakizuna euskara hutsean idaztea zuten erronka partaideek. Urtarrila eta martxoa bitartean ospaturiko edizio honetan antolatzaileek (Basauriko Udala ZirtZart Gazte Zerbitzuaren bitartez, Geuria Hego Uribeko herri komunikabidearen eta Elkar Euskal Kulturgintzaren laguntzarekin) 54 kontakizun jaso dituzte.

Kontakizun bi saritu dira: «Kontakizun onena», laurehun euroko sariarekin (400 €); eta «Elkar saria» —alegia, gazteenen arteko testurik onena—, ehun eta berrogeita hamar euroko sariarekin (150 €). Gainera, saritutako kontakizunak Geuria aldizkarian argitaratu dira. Nagore Atorrasagasti Magaña izan da garailea. Bestalde, Martina Villate Martinez gazte bilbotarrak, 12-17 urte bitarteko parte hartzailerik bozkatuenak, eskuratu du “Elkar saria”. Hona hemen sarituriko kontakizunak:

- Nagore Atorrasagasti Magaña
Serendipia itxaropenari lotua. Han aurkitzen zen nire burua. Atlantikoaren olatuetan murgilduta; ni, eta nire pentsamenduak bakarrik ginen gau ilun horretan. Soka batekin lotuta nengoen lemari, segurtasuna zela eta. Itsasontzia zanpateko izugarriak ematen zituen ur gainean. Hodei beltzak zetozen urrunetik; tximistargiak zerua argiztatzen zuen itsasoa. Nire helburu bakarra zen lurra zeruertzean ikustea, baina bazirudien amets hori heltzeko oraindik zenbait ordu geratzen zirela. Begiak ireki nituenean, malkoz bete zitzaizkidan, tupustean, zerbait begiztatu nuelako urrunean. Egun eta erdi eman nuen hara heltzeko; lortu nuenean, ezin sinetsi ikusten ari nintzana. Uretan sartu, eta lurrera heldu nintzenean, nire lekua zela pentsatu nuen. Zoragarria, besterik ez.

- Martina Villate Martinez
Serendipia itxaropenari lotua izan zen papera aurkitzean bizi izan nuena. Urteak igaro ziren mutikoak niri kuaderno orri hori eman zidanetik. Hogei bat hitz irakurtzen ziren bertan: bere helbidea eta “inoiz ez dut zurekin pasatutako uda ahaztuko.” Nahiz eta estimuz gorde nire egunerokoaren barruan, oporretatik etxera bueltatzean desagertua zen papera. Horren arrastorik ez zegoen. Orain arte. Aspaldiko gauzak ikusten ari nintzela topatu nuen. Birritan pentsatu gabe, autoko giltzak hartu, oroimen batek nagusituta: hura eta biok hondartzan etzanda, eguzkiak besarkatzen gintuela. Nire lehenengo amodioa. Ez nekien mutilak bertan bizitzen jarraituko zuen, baina saiatzeko prest nengoen.

Laugarren edizioa 2021ean abian jartzea helburu dute antolatzaileek, proiektuari segida emanez, idazmenean interesa dutenen talentua aurkitu eta sustatzeko ideiarekin.

Corregido<<#ZIRTZARTETXEANGERATU 2>>

#ZIRTZARTETXEANGERATU 2. edizioa zuentzat ! Ez dakigunez zenbat luzatuko den koarentena hau, gazteak ezin badira gaztegunera etorri, gaztegunea eramango dugu haien etxeetara. Larunbatero 18:00etan (betiko ordutegian) jarduera bat egingo dugu zuekin batera instagram aplikazioaren bitartez. Jarduera bakoitza astean zehar aurkeztuko dugu sare sozialen bidez, eta horiek etxean daukazuen materialekin sortzeko pentsatuta daude.

• Apirilak 25: “LIXIBA TIE DYE”.

Tie dye teknika ezagutzen duzue? Oraingoan denok etxean daukagun material batekin egingo dugu: LIXIBA!!! Armairuan dauzkazun kamiseta edo praka zahar horiei buelta bat emango diegu!

• Maiatzak 2: “AMAREN EGUNA”.
Amaren eguna ospatzeko aukera paregabea daukagu aurten. Hainbat ideia emango dizkizuegu “opari berezia” sor dezazuen.

• Maiatzak 9: “ZER ESATEN DIO?”. 

Sare sozialetan eta kartelean agertzen den irudiko elkarrizketa asmatu behar duzue eta gurekin konpartitu. Ondoren, maiatzaren 4tik 8ra izango duzue elkarrizketarik hoberena bozkatzeko. Irabazleak sari bat izango du!

• Maiatzak 16: “EUSKAL ASTEA”. 

Aurten ere euskal astea ospatuko dugu. Adi egon zirtzarteko sare sozialetara maiatzaren 11-16ra bitarteko astean, jarduera desberdinak proposatuko dizkizuegu eta!

Etxetik Oholtzara berriak<<ETXETIK OHOLTZARA: Oharra>>

Etxetik Oholtzara lehiaketaren gainean jasotako ekarpenen ondorioz, eta berau hobeto garatzeko helburuz, honako aldaketa hauek gauzatu izan dira:

1. Adin-tartea zabaldu: “bakarlaririk onena” kategorian 12-35 urte bitartekoek hartu dezakete parte.

2. “Talderik onena” kategorian bikoteak ere onartuko dira.

3. Izena emateko epea maiatzaren 9ra arte luzatu da.

OINARRIAK - IZENA EMATEKO ORRIA

ETXETIK OHOLTZARA-k eskaintzen dituen sariak honako hauek dira:
BAKARLARIRIK ONENA
- Lehen sailkatua: 100 €-ko bonua, herriko saltokietako produktuetan gastatzeko.
- Bigarren sailkatua: 60 €-ko bonua, herriko saltokietako produktuetan gastatzeko.
- Hirugarren sailkatua: 30 €-ko bonua, herriko saltokietako produktuetan gastatzeko.
TALDERIK ONENA
- Lehen sailkatua: 200 €-ko bonua, herriko saltokietako produktuetan gastatzeko.
- Bigarren sailkatua: 150 €-ko bonua, herriko saltokietako produktuetan gastatzeko.
- Hirugarren sailkatua: 60 €-ko bonua, herriko saltokietako produktuetan gastatzeko.

Festibas Oharra Aviso<<Festibas, Basauriko musika taldeen jaialdia, atzeratuta COVID-19aren eraginez>>

• Maiatzaren 9an ospatzekoa zen, baina alarma-egoera dela eta atzeratu egin da.
• Antolakuntzak, denera, jaialdian parte hartzeko hamar inskripzio jaso ditu.

Bentako Jaien egitarauan finkaturiko musika jaialdi hau, maiatzaren 9an eskaintzekoa zena gaueko bederatzietatik aurrera, atzeratzea adostu dute antolatzaileek (ZirtZart Basauri, Basauriko Udalaren gazteria-programa eta Txantxangorri Bentako Auzo Lagunak Kultur Elkartea, hurrenez hurren). Horiek, egungo konfinamendu-neurrien eta ekitaldi jendetsuak antolatzearen inguruko ezintasunaren eraginez hartu dute erabakia. Egun, eta krisialdiaren eboluzioaren arabera, 2020an jaialdia ospatzeko data berria finkatu eta iragartzeko lanetan dabiltza antolatzaileek, kontuan izanik erabateko segurtasun-bermea mantentzea izan behar dela oinarri.

Denera musika jaialdian parte hartzeko hamar inskripzio jaso ditu antolakuntzak, eta horien artetik hautatuko dituzte programatu nahi den egitarau berrian. Aurtengoa zazpigarren edizioa da (Bentako jaien barneko seigarrrena), eta helburu nagusi du herriko taldeei zuzenean jotzeko aukera ematea, eta jai-giroan proiektu bakoitza ikusleen aurrean sustatzea.

Oharra Aviso<<Rockeinek bere parte-hartze marka gainditu du bosgarren urtez jarraian, eta finala atzeratu du Covid-19a dela eta>>

  • Behin alarma egoera bukatuta, izena emateko epea zabalduko dute berriz ere antolatzaileek. 24 egunez luzatuko da, eta orain arte jasotakoei erantsiko zaizkie izangai berriak
  • Publikoaren saria hautatzeko online bozketak izen-ematearen bigarren txanda itxitakoan hasiko dira

Basauriko Udalak Arrigorriagako, Galdakaoko eta Laudioko Udalen laguntzarekin antolatzen duen Rockein musika lehiaketak bere parte-hartze marka gainditu du, bosgarren urtez jarraian: oraingoz, 156 artistak eman dute izena. Horietako 21ek, gutxienez, taldekideetako bat aipaturiko lau udalerrietako batean erroldatuta dute; eta 18 dira euskarazko artista onenaren saria irabazteko hautagaiak. Gogora dezagun Rockein Euskal Autonomia Erkidegoko eta Nafarroako talde zein bakarlariei zuzenduriko musika lehiaketa dela.

Dena dela, antza, zifra horiek ez dira behin betikoak izango. Izan ere, joan den martxoaren 14tik indarrean dagoen alarma-egoera amaitzen denean, antolatzaileek izena emateko bigarren epe bat zabalduko dute: 24 egunez luzatuko da, eta orain arte jasotakoei erantsiko zaizkie hautagai berriak. Epe berria martxoaren 14tik apirilaren 6ra egongo da zabalik (berez, hilaren 6an amaitzen zen epea), eta salbuespenezko alditzat hartuko da, lehiaketaren zortzigarren edizioan izena eman nahi duen artistaren batek eragozpenak izan baditu.

Izena emateko bigarren epe horren eraginez, ikus-entzuleen saria hautatzeko online bozketak epe horren amaierara arte atzeratuko dira, baita finalera igaroko diren proposamenak izendatzeko epaimahaiaren erabakia ere.

Alarma-egoeraren ondorioz eta Covid-19aren hedapena geldiarazteko prebentzio-neurri gisa hartutako beste erabaki bat izan da Rockeinen finala atzeratzea —maiatzaren 22an egin behar zen, Basauriko Social Antzokian—. Behin alarma-egoera amaituta eta baldintza orokorrek publikoarentzat, artistentzat eta langileentzat erabateko segurtasun-bermea eskaintzen duenean iragarriko du antolakuntzak finalerako data berria.

Azala 2 2020<<ZirtZart Basauriren agenda berria, 2020ko apirila eta uztaila arteko programa zerbitzuekin, dagoeneko kalean da>>

Urteko bigarren agenda (apirila-uztaila) eskuragarri duzu dagoeneko. Bertan ondorengo ekintzen inguruko informazioa topatuko duzu: Festibas musika jaialdia, Rockein! talde lehiaketaren finala, skate txapelketak, Urban Festa, irteerak, gazteguneetan 12-17 urte bitarteko gazteei zuzenduriko tailerrak,... Bizi ari garen egoera medio posiblea da eskaintzear ditugun programetan modifikazioak egotea, beraz, adi egon. Aldaketak baldin badira, jakinaren gainean jarriko zaituztegu, informaturik egon zaitezen! 

Indarra eta kemena, #EtxeanGeratu

Ikusgai honako LOTURA-n

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu