nireleihotikkartela bueno#NIRELEIHOTIK Challenge

Igarotzen ari garen egoera dela eta, denboraldi batez etxean geratu behar garenez, leihotik ikusten dugun irudia marraztea proposatzen dizuegu. Horrekin, momentu atsegin bat sortu nahi dugu etxean gauden bitartean, eta guztion artean, besteen kaleetako irudiak ikustea eta ez bakarrik gure egunerokoak. Jasotzen ditugun marrazki guztiekin, hau guztia pasa ostean, erakusketa bat sortuko dugu Basauriko gazteguneetan.

Erronka: argazki bat atera zure leihotik, hori eginda marrazkia egin, eta ostean, #NireLeihotik traola jarri eta gurekin partekatu (@zirtzartbasauri). Hori egiteko folio eta arkatz bakar bat nahikoak dira, baina nahi duzun materiala erabil dezakezu (kartulinak, mihisea, errotulkiak, margoak, ordenagailua...).

Laguntzarik bai? Argazkia ateratzean, ordenagailura pasatu edo tabletara. Gero gainean folioa jarri eta kalkoa egin. Edonork parte hartu dezake!

#ZIRTZARTETXEANGERATU

Ez dakigu zenbat luzatuko den koarentena hau, horregatik, gazteak ezin badira gaztegunera etorri, gaztegunea haien etxeetara eramango dugu. Larunbatero 18:00etan (betiko ordutegian) jarduera bat egingo dugu zuekin batera instagram aplikazioaren bitartez.
Jarduera bakoitza astean zehar aurkeztuko dugu sare sozialen bitartez.

• Martxoak 28: “MEZU POSITIBOAK” erabiliz.
Gela apaintzeko irudi politak sortuko ditugu etxean daukagun materialarekin. Egon adi instagramera, eta denok batera sortuko dugu!

• Apirilak 4: zineforum-a “Cadena de favores”.
Hemen daukazue LINKA filma ikusi ahal izateko; horrez gain, astean zehar linka aurkituko duzue gure sare sozialetan eta web orrialdean. Bukatzeko, apirilaren 4an, jarduerakegingo ditugu filma komentatzeko eta lantzeko guztion artean.

• Apirilak 11: “real fooding” errezeta.
Astean zehar materialak prestatzeko eskatuko dizuegu eta apirilaren 11n, errezeta goxo eta osasuntsu bat egingo dugu zuekin batera instagram aplikazioa bitartez.

• Apirilak 18: Zirtzarteko 2. Kahoot lehiaketa.
Lehenengo kahoot lehiaketaren harrera ona ikusita, bigarren zatia egingo dugu. Martxoaren 24tik 31ra, aukera izango duzue galderak proposatzeko eta gure kahoot-a sortzeko. Hau behin eginda, apirilaren 16 arte denbora izango duzue parte hartzeko, sare sozialetan ematen ditugun pausuak jarraituz. Eta 18an, Instagram live bitartez, kahoot-aren irabazlea aurkeztuko dugu (sari bat izango du).

<<Basauriko gazteguneetan martxoan eskainiko diren ekintzak>>

Zirt Zart Basauri Gazteria Zerbitzutik, hil honetan «EMAKUMEEN HILABETEA» gaiarekin lotutako doako zenbait jarduera eskainiko dizkiegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Ez da beharrezkoa izena aurretiaz ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

  • Emakumeen (Nazioarteko) Eguna: M8a elkarrekin ospatuko dugu, berdintasunaren bidea elkarrekin sortuz.
  • Lettering feminista: Teknika berri hori erabilita, akuarelekin mezu feministak sortzen ikasiko dugu.
  • Barreterapia: Aurten poztasunaren eguna behar den moduan ospatuko dugu. Nola? Barre eginez.
  • City jump irteera: City Jump aisialdiko parkera joango gara, eta, bertan, salto egiteko aukera izango duzue, inoiz imajinatu ez bezala.

<<Gorde ezazu otsailaren 23ko arratsaldea, 19:30etik 21:30era, eta etor zaitez Basauriko Social Antzokira gurekin Karnabas jaia ospatzera>>

Sabela hutsik etortzea gomendatzen dizuegu; izan ere, arratsaldean zehar jatekoa eta edatekoa izango dugu. ZirtZart-etik konpromiso ekologikoarekin jarrera arduratsua izateko nahian, hondakin plastikodunak saihestuko ditugu edalontzi eta ontzi organikoak erabiliz, aurreko jaietan bezala.

Sartzeko, sarrera edo flyer-a aurkeztu beharko duzue. Hori lortzeko, pasa zaitezte Basozelai Gizarte Etxetik edo Social Antzokitik otsailaren 2tik aurrera. Sarrerak 2€-ko salneurria izango du otsailak 20a baino lehenago erosten baduzue, eta 3€-koa jai egunerako utziz gero.

Arratsaldea opariz eta sorpresaz beterik egongo da eta eguna borobiltzeko, DJ Jaikide ariko da giroa animatuz. Zatoz, eta ekar ezazu zure mozorro ikaragarriena! Ez ahaztu aurtengo tematika Stranger Things jaia izango dela! Zure zain izango gara!

<<Rockein musika lehiaketak artista berriak bilatuko ditu Euskadin eta Nafarroan zortzigarren urtez jarraian>>

  • Izena emateko epea apirilaren 6ra arte egongo da zabalik eta finala maiatzaren 22an ospatuko da Basauriko Social Antzokian.
  • 2019an kategoria nagusiko irabazle izan zen Sara Zozayak prentsaurrekoan aurkeztu ditu sariari esker argitaratutako EPa eta bideoklipa.
  • 2013an ospatu zen lehen edizioaz geroztik Rockeinen parte-hartze datuak %70 igo dira, eta iaz 146 artistek eman zuten izena.

Zortzigarren urtez jarraian, Basauriko Udalak Rockein musika lehiaketa iragarri du, Euskal Autonomia Erkidegoko eta Nafarroako bakarlari zein taldeei zuzendua. Basauriko Udalak Arrigorriagako, Galdakaoko eta Laudioko Udalekin eta Bizkaiko Foru Aldundiarekin elkarlanean antolatzen du sariketa hau.

“Parte-hartze datuek ez dute azalpen handirik behar: Rockein erreferente moduan kokatzen dute Euskal Herri mailako gisa honetako lehiaketen panoraman. Baina, horrekin batera, parte hartzen duten proiektuek gero eta maila hobea dutela ere nabarmendu nahi genuke. Sara Zozayarena dugu horren adibiderik garbiena: etorkizun handiko artista, dagoeneko zeresana eman duena. Rockeinek MAZ Basaurirekin, grabaketa estudioekin, komunikabideekin eta beste hainbat erakunderekin dituen aliantzei esker, talentua duten artistei profesionalizazioranzko bidea irekitzen laguntzen die", azaldu du prentsaurrekoan Asier Iragorrik, Basauriko alkateak.

Rockein sariketan izena emateko epea apirilaren 6ra arte egongo da zabalik. Jasotako proposamen guztien artetik sei finalista hautatuko ditu sektoreko profesionalek osaturiko epaimahai batek, eta finalista horiek Basauriko Social Antzokian joko dute maiatzaren 22an. Epaimahaiak gau horretan bertan hartuko du erabakia eta 2020ko edizioko irabazleak zein diren jakinaraziko du.

Sariak honakoak izango dira, besteak beste: EP baten (gutxienez bost abesti) grabaketa, ekoizpena, masterizazioa eta diseinu grafikoa; bideoklip baten produkzioa eta MAZ Basauri jaialdian jotzeko aukera.

Laugarren urtez jarraian, 2019an parte-hartze markak hautsi zituen Rockeinek: 146 parte-hartzailek eman zuten izena (horietatik 25ek gutxienez taldekide bat Basaurin, Galdakaon, Arrigorriagan edo Laudion erroldatua zuten) eta Social Antzokiko finala ikustera 270 lagun gerturatu ziren. 2013an ospatu zen lehen edizioaz geroztik, sariketa honen parte-hartze datuak %70 igo dira.

Iazko edizioaren irabazleak, Sara Zozaya donostiarrak, gaurko prentsaurrekoan aurkeztu ditu sariari esker argitaratutako lanak: bost abestiz osatutako '(I)' EPa eta 'Bat' abestiaren bideoklipa, Rockeinen sare sozialetan dagoeneko ikusgai dagoena. Sara Zozayak zein 2019ko edizioko beste irabazleek (Dukkha, Cäctus eta Samoah -azken horiek Meridianen ordez, agenda arazoengatik bertan izaterik ez dutelako) 2020ko MAZ Basauri jaialdian joko dute.

OINARRIAK - IZENA EMATEKO ORRIA

<<«Festibas»ek zazpigarren edizioa izango du maiatzaren 9an (larunbata), eta, horren kariaz, bertan parte hartzera gonbidatzen ditu herriko musika taldeak>>

Zazpigarren urtez jarraian, «Festibas» banden jaialdia antolatu du ZirtZart Basauri Basauriko Udalaren gazteria-programa integralak, Kultur Basauriren eta Txantxangorri Bentako Auzo Lagunak Kultur Elkartearen laguntzarekin. Udalerriko musika taldeei eta Basozelai Gizarte Etxean dauden entsegu-gelak erabiltzen dituzten bandei eskainitako jaialdia da «Festibas».

Maiatzaren 9an (larunbata) izango da hitzordua, Bentako Jaien egitarau barruan, Basauriko San Isidro plazan. «Festibas»en xedea da zuzenean jotzeko aukera ematea herriko musika taldeei, eta ikusleen aurrean bultzatzea proiektu bakoitza, jai-giroan.

Jaialdian parte hartu nahi duten taldeek martxoaren 31 baino lehenago eman beharko dute izena. Horretarako, antolatzaileek eskatutako agiriak aurkeztu, eta finkatutako gutxieneko baldintzak bete beharko dituzte, besteak beste: taldeko kide bat, gutxienez, Basaurin bizitzea, edota azken bi ikasturteotan (2018-2019) Basozelai Gizarte Etxeko entsegu-lokaletan aritu izana; eta taldeko kide guztiak 16 urtetik gorakoak izatea.

OINARRIAK

IZENA-EMATEKO ORRIA

<<Basauriko gazteguneetan otsailean eskainiko diren ekintzak>>

Zirt Zart Basauri Gazteria zerbitzutik, hil honetan, “KARNABAS” gaiarekin lotutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Ez da beharrezkoa izena aurretiaz ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

Bideo-joko txapelketa: gustuko dituzu bideo-jokoak?. Orduan ezin duzu txapelketa hau galdu.

Karnabas dekorazioa: Urteko jairik ospetsuena hurbil daukagu; lagunduko al diguzue ahaztuko ez dugun jaia antolatzen?

Maskarak: Tailer honetan maskarak sortuko ditugu hutsetik hasita, ondoren zuen gustura kustomizatzeko.
Pancake eguna: Pancake eguna ospatuko dugu, mota guztietako opiltxoak eginez. Etorri nahi?

KARNABAS: Prest zaudete urteko jairik famatuenerako? Urtero bezala KARNABAS festa ospatuko dugu Zirt Zart Basaurin, SOCIAL ANTZOKIAN 19:30-21:30 ordutegian.

<<«Festibas»ek zazpigarren edizioa izango du maiatzaren 9an (larunbata), eta, horren kariaz, bertan parte hartzera gonbidatzen ditu herriko musika taldeak>>

Zazpigarren urtez jarraian, «Festibas» banden jaialdia antolatu du ZirtZart Basauri Basauriko Udalaren gazteria-programa integralak, Kultur Basauriren eta Txantxangorri Bentako Auzo Lagunak Kultur Elkartearen laguntzarekin. Udalerriko musika taldeei eta Basozelai Gizarte Etxean dauden entsegu-gelak erabiltzen dituzten bandei eskainitako jaialdia da «Festibas».

Maiatzaren 9an (larunbata) izango da hitzordua, Bentako Jaien egitarau barruan, Basauriko San Isidro plazan. «Festibas»en xedea da zuzenean jotzeko aukera ematea herriko musika taldeei, eta ikusleen aurrean bultzatzea proiektu bakoitza, jai-giroan.

Jaialdian parte hartu nahi duten taldeek martxoaren 31 baino lehenago eman beharko dute izena. Horretarako, antolatzaileek eskatutako agiriak aurkeztu, eta finkatutako gutxieneko baldintzak bete beharko dituzte, besteak beste: taldeko kide bat, gutxienez, Basaurin bizitzea, edota azken bi ikasturteotan (2018-2019) Basozelai Gizarte Etxeko entsegu-lokaletan aritu izana; eta taldeko kide guztiak 16 urtetik gorakoak izatea.

OINARRIAK

IZENA EMATEKO ORRIAIZENA EMATEKO ORRIA

<<Basauriko gazteguneetan urtarrilean eskainiko diren ekintzak>>

Zirt Zart Basauri Gazteria zerbitzutik, hil honetan, “urte berri txinatarra” gaiarekin lotutako doako zenbait jarduera eskainiko diegu 12-17 urte bitarteko gazteei. Tailerrak Basozelaiko eta San Migeleko gazteguneetan izango dira. Ez da beharrezkoa izena aurretiaz ematea, baina toki kopurua mugatua izango da. Izena eman ahala sortuko dira taldeak. Jarraian, gure egitarauaren laburpentxoa:

Billar lehiaketa: Batu zaitez txapelketara eta lehiatu zure kideekin Basozelaiko gazteguneko billar berrian.

Filmania: Hileko gaiarekin bat datorren filma ikusiko dugu elkarrekin San Migeleko gaztegunean.

STEAM TAILERRAK: “Etxeak diseinatzeko tailerra eta txispak ateratzeko esperimentuak” tailerrekin jarraituko dugu.
Zorte oneko gailetak: Aurten zer-nolako zortea izango duzun jakin nahi? Etor zaitez urteko gailetarik berezienak prestatzera.

Dekorazio txinatarra: Urte berri txinatarra hurbil dagoenez, nahiko genuke zuek jai honen parte izatea.

Urte berri txinatarra: Etor zaitez urte berri txinatarra ospatzera eta kultura txundigarri horretaz gozatzera.

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu