<<Bueltan da «Ezagutu Korea» topaketa kulturala: urriaren 26an, Basauriko Ibaigane Kultur Etxean>>

Urriaren 26an, egun osoan zehar, Koreako kultura ardatz duen jardunaldia egingo da Basauriko Ibaigane Kultur Etxean. Batez ere gazteei zuzenduta dagoen eskaintza horretan, tailer, joko eta dantza-lehiaketaz gozatzeko aukera izango dute parte-hartzaileek besteak beste. Topaketa Basauriko Udalak antolatu du, Gazteria Atalaren bitartez, Han-A Association elkartearekin batera.

Goizeko hamaiketan hasi, eta gaueko bederatziak arte luzatuko da ekimena. Antolatutako ekintzetan parte hartzeko plaza-kopuru mugatua dago. Sarrera doakoa da.

Han-A Association Espainiako estatuko zenbait kolektibok osaturiko irabazi-asmorik gabeko elkartea da, eta eremu horretan korear kultura sustatzea du helburu –hain zuzen ere, Hego Koreako kultura–. Euskadin zenbait ekintza eta tailer antolatzen dituzte, joko tradizionalak eta «KPOP» dantzaren erakusketak, besteak beste. Musika mota hori «Hallyu» izeneko moda korearraren gako da eta Hego Koreako kultura mundura hedatzearen korronteari lotua dago.

Egitaraua:
• «Kpop» joko eta tailerrak → 11:00 – 18:00
• Dantza-lehiaketa → 18:00 – 20:00
• Random «Kpop» → 20:00 – 21:00

Non Gaude

GIB, Entsegu Gelak eta Basozelaiko Gaztegunea
 Basozelai Kalea 11 zk. 48970 Basauri Bizkaia
Telefonoa: (+ 94 466 64 00)
WhatsApp: (+ 634 984 615)
 zirtzart@basauri.eus
San Migeleko Gaztegunea
 Gernika 60 zk. 48970 Basauri Bizkaia
Telefonoa: (+ 94 466 64 71)
 zirtzart@basauri.eus

 Basauriko Udala TTII | Pribatutasun politika

Bilatu