«Gaztegune Ibiltaria» programaren jarduerak

Basauriko Udalak, ZirtZart Gazteria Zerbitzuaren bidez eta Kultur Basaurirekin elkarlanean, 12 eta 17 urte bitarteko gazteei topagune eta aisialdi hezitzaileko espazioak eskaintzen jarraitzen du.

Ildo horretan, «Gaztegune Ibiltaria» programak Basauriko auzo desberdinetara hurbilduko ditu bere jarduerak, gazteek euren ingurunean bertan aisialdirako eta parte hartzeko guneak izan ditzaten.

Programaren hasierako helburuari eutsiz, Gaztegune auzoetara hurbiltzea izango da ekimenaren ardatz nagusietako bat. Horrez gain, kalean egingo diren jardueren bidez, Basauriko auzoak ezagutu, haiekin harremanetan jarri eta bertako ingurunea beste ikuspegi batetik bizitzeko aukera izango dute parte-hartzaileek.

Jardueren ezaugarrien arabera, bi espazio-mota erabiliko dira:

Sormen-jarduerak eta eskulanak, hala nola tailer artistikoak eta eskulanak, Basozelai Gizarte Etxean eta San Migeleko Taberna Nagusian egingo dira.
Gainerako jarduerak kalean eta Basauriko auzo desberdinetan egingo dira, parte-hartzaileak auzoarekin eta bertako espazioekin harremanetan jartzeko.

Jarduera guztiak euskaraz egingo dira, eta sormena, parte-hartzea, talde-lana eta ingurunearekiko harremana sustatuko dituzte.

Kalean egingo diren jardueren kasuan, eguraldiaren arabera, jarduera bera edo kokalekua aldatu ahal izango dira, ahalik eta baldintza egokienetan jardun ahal izateko.

Parte hartzeko, beharrezkoa izango da ZirtZart Basauriko bazkide izatea. Izena emateko epea 5 egunekoa izango da, eta jarduera egin aurreko asteazkenean amaituko da.

Gazteek izena eman ahal izango dute programatutako edozein jardueratan, ZirtZart webgunearen bidez edo aurrez aurre, Gazte Informazio Bulegoan (Autonomia kalea 3; astelehenetik ostegunera, 10:00-19:00, eta, ostiraletan, 09:00-17:00).

<<Asian Dance Contest dantza lehiaketaren beste edizio bat, abenduaren 12an, Basauriko Ibaigane Kultur Etxean>>

12-35 urte bitarteko gazteei zuzendutako dantza-lehiaketa 2026ko abenduaren 12an, larunbata, arratsaldeko 18:30etik aurrera egingo da Basauriko Ibaigane Kultur Etxean, Basauriko Udalaren ZirtZart Gazte Zerbitzuak antolatua.

Parte-hartzaileek, nahitaez, Asiako egileen jatorrizko koreografiak (japoniarrak, txinatarrak, korearrak,…) erabili beharko dituzte abestietan eta dantzetan. Lehiaketan, kategoria bi bereizi dira: lehena, bakarlari moduan oholtza gainean dantzatzea, “backdancer”-en laguntzarik gabe, eta bigarrena, taldekako koreografia lanak osatzea.

Dantza lehiaketan parte hartzeko, aldez aurretik izena eman eta amaierako koreografiaren bideoa bidali beharko dute dantzariek. Horretarako, ZirtZart gazte zerbitzuaren webgunean eskura izango dituzte, bai oinarriak, bai bete eta aurkeztu beharreko dokumentuak. Dokumentu horiek aurrez aurre emateko aukera ere badago, Basauriko Autonomia kaleko Gazte Informazio Bulegoan. Inskripzio epea urriaren 12tik (12:00) azaroaren 2ra (23:59) bitartean egongo da zabalik. Epaimahaiak azaroaren 10era arte izango du ebazteko denbora, eta egun horretatik aurrera finalistekin jarriko da harremanetan. Lehiaketaren sariak:

- Taldekako lehen sailkatua: 300 €

- Taldekako bigarren sailkatua: 200 €

- Bakarkako lehen sailkatua: 100 €

- Bakarkako bigarren sailkatua: 75 €

Saritu horiez gain, publikoak aukeratuko du saritzeko beste talde eta beste bakarlari bat. Horiek, hurrenez-hurren, 100 eta 25 euroko saria jasoko dute.

Publikoari dagokionez, sarrera doakoa da areto nagusia bete arte. Ateak 18:15ean irekiko dira.

Izena emateko lotura, https://docs.google.com/forms/d/e/1FAIpQLSeSFmJ4GwyqJB4j6LHPQ8u-p9puDQWCuDGJp5su2rKBXEVD8w/viewform?usp=publish-editor

Lehiaketaren oinarriak, https://drive.google.com/file/d/1Vh3b5T61G5Slthph52jnHxoa3C8IfeyZ/view?usp=sharing

Argibide gehiago:

Basauriko Udala – ZirtZart Gazte Informazio Bulegoa

: 944 666 430
Helbide elektronikoa: This email address is being protected from spambots. You need JavaScript enabled to view it.
Webgunea: zirtzart.basauri.eus
Sare sozialak:
- Facebook: facebook.com/zirtzartbasauri
- Twitter: @zirtzartbasauri
- Instagram: @zirtzartbasauri

<<Del Val, Malforta eta Monday Potions, Rockeinen 14. edizioko kategoria nagusiko finalistak>>

-La Nevera Vacía, Niere eta The Al Style dira Hego Uribeko artistarik onenari saria jasotzeko hautagaiak

-Finala azaroaren 14an, larunbatez, izango da, Basauriko Social Antzokian. Publikoa zutik egongo da eta sarrera doakoa izango da, gonbidapena erreserbatuz

Rockeinen 14. edizioak baditu finalistak. Sari nagusia irabazteko hiru hautagaiak ondokoak dira: Del Val bikote arrasatearra, Marta Ugartek eta Jon García Del Valek osatutakoa (pop, indie, punk, elektronika); Malforta indie-rock boskote irundarra; eta Monday Potions, art-rock retro-garaikidea egiten duen laukotea, Bilbo, Etxebarri eta Santurtziko kideekin.

Beste hiru talde finalistak, Hego Uribeko artistarik onenari saria irabazteko hautagaiak, hauek izango dira: La Nevera Vacía (rock alternatibo boskotea, Etxebarriko kide batekin); Niere, stoner, pop eta rock boskote euskalduna, Basauri, Arrigorriaga eta Bilboko musikariekin; eta The Al Style, elektronika eta pop atmosferikoa egiten duen bikotea, Basauriko taldekide batekin.

Monday Potionsek Hego Uribeko artista onenari saria irabazi zuen 2024ko Rockeinen. Horregatik, lehiaketaren oinarriak aplikatuz, nahiz eta sari nagusia ez irabazi, ez da tokiko sarirako hautagai izango, taldekideen artean Etxebarriko musikari bat izan arren. Arrazoia da artista batek ezin duela kategoria bereko saria bi aldiz irabazi.

Finala azaroaren 14an izango da, larunbatez, Basauriko Social Antzokian. Sarrera doakoa izango da (eskuratu gonbidapena socialantzokia.eus webgunean edo Social Antzokiko txarteldegian) eta publikoa zutik egongo da.

Ohi bezala, Rockeineko 5 kategorien irabazleen izenak (Bizkaia saria, Artistarik onena euskaraz eta Eskarabilera saria, barne) finalean bertan jakinaraziko ditu epaimahaiak.

Uztailaren 2an itxi zen Rockeinen 14. edizioan izena emateko epea. Basauriko Udalak antolatzen du musika-lehiaketa, Bizkaiko Foru Aldundiaren laguntzaz, eta Euskadi eta Nafarroako bakarlari eta taldeei zuzenduta dago. 199 artistak eman dute izena, parte hartze marka berria ezarriz.

2026ko Rockeinen epaimahai profesionala hurrengo pertsonek osatzen dute:

Arantzazu Pinto ‘Nara’

Programatzailea Primavera Sound festibalean.

Jon Agirrezabalaga

Soinu-ekoizle eta -ingeniaria El Tigre Estudiosen (Bilbon). Musikaria eta konpositorea Zabalan.

Ibone Iza

Dantz Network Congress, Asociación MIM (Mujeres de la Industria de la Música).

Iker Bárbara

MondoSonoro aldizkariaren Euskal Herriko eta Errioxako edizioaren koordinatzailea, kultur sustatzailea eta DJa.

ROCKEIN FINALA 2026

Azaroak 14, larunbata

20.30 (ateen irekiera), 21.00 (kontzertuen hasiera)

Doako sarrera gonbidapenarekin (eskuratu zurea socialantzokia.eus webgunean edo Social Antzokiko txarteldegian)

Kategoria nagusia

DEL VAL · MALFORTA · MONDAY POTIONS

Hego Uribeko artistarik onena

LA NEVERA VACÍA · NIERE · THE AL STYLE

SARIAK:

Kategoria nagusiko artistarik onena

-EP profesional bat (gutxienez bost abesti) grabatzea Bilboko El Tigre estudioetan

-Bideoklip profesional bat grabatzea