<<GAZTEGUNEKO MAIATZAKO EGITARAUA>>

Zirt Zart Basauri Gazteria Zerbitzukook zenbait jarduera antolatu ditugu hilabete honetan, 12 eta 17 urte bitarteko gazteentzat. ZirtZarteko Gaztegunean egingo ditugu, eta doan izango dira denak.

Maiatzak 10: GAZTE ASANBLADA Zure iritzia entzun nahi dugu! Zatoz Gaztegunean etorkizuneko jardueren proposamenak egitera, edo hobetzeko eta aldatzeko ideiak partekatzera.

Maiatzak 17: EUSKAL ASTEA – Mahai jokoen topaketa Gaztegunean euskarazko mahai-jokoetan jolasteko aukera izango duzue taldeka. Gainera, aurreko asteetan, eskuz egindako joko batzuk prestatu ahal izango dira jardunaldian erabiltzeko.

Maiatzak 24: SUKALDARITZA Taldean errezeta bat prestatuko dugu eta ondoren elkarrekin azkalduko dugu. Zein errezeta egingo dugun maiatzaren 10eko asanbladan erabakiko dugu!

Maiatzak 31: UDABERRI JAIA Basauriko Social Antzokian ospatuko dugu jaia, 19:00etatik 21:00etara. 12-17 urte bitartekoentzat zuzenduta, sarrera 2€ kostatuko da aurretik eta 3€ egunean bertan. Bertan merienda eta hainbat tailer egongo dira.

<<Rockeinen 13. edizioak ekainaren 26ra arte ireki du izena emateko epea eta Bizkaia Saria gehitu du>>

-Bizkaiko Foru Aldundia lehiaketaren erakunde laguntzaile izatera bueltatu da eta Bizkaiko artistarik onena sarituko da, EP profesional bat grabatuta eta MAZ Basaurin kontzertu bat emanda

-Finala azaroaren 1ean izango da Basauriko Social Antzokian

-Ben Santanak, 2024ko kategoria nagusiko irabazleak, prentsaurrekoan aurkeztu ditu sariaren ondoriozko EPa eta bideoklipa

Basauriko Udalak Rockein musika lehiaketa antolatu du hamahirugarren urtez jarraian, Euskal Autonomia Erkidegoko eta Nafarroako talde eta bakarlariei zuzenduta.

Izena emateko epea gaur hasi eta ekainaren 26ra arte egongo da zabalik. Jasotako proposamen guztien artean, sektoreko profesionalek osatutako epaimahai batek sei finalista aukeratuko ditu, eta Basauriko Social Antzokian arituko dira azaroaren 1ean, larunbatez. Gau horretan bertan erabakiko eta jakinaraziko du epaimahaiak zeintzuk izango diren 2025eko edizioko artista irabazleak.

Hamahirugarren edizio honek berrikuntza bat dakar. Bizkaiko Foru Aldundia, Euskara, Kultura eta Kirol Sailaren bitartez, lehiaketaren erakunde laguntzaile izatera bueltatu da. Ondorioz, Bizkaia Saria sortu da, Bizkaiko artistarik onenak Bilboko El Tigre estudioetan EP profesional bat grabatzea eta 2026ko MAZ Basauri festibalean aritzea ekarriko duena. Gainerako sariak ez dira aldatzen 2024ko edizioarekiko.

Iazko irabazleak, Ben Santanak, ‘Prólogo’ izeneko EPa eta ‘Ay mi nena / Créditos finales’ abestiaren bideoklipa aurkeztu ditu gaurko prentsaurrekoak, jasotako sariaren ondorioz ekoiztutakoak biak.

Rockeinek 2013an ekin zion bere ibilbideari, talentu musikal berria detektatzeko eta sustatzeko Basaurin antolatutako aurreko beste lehiaketa batzuen lekukoa hartuz. Aurreko egitasmoetako sariei hilabete batzuetako laguntza profesionala gehitu zien, artistei amateurismotik sektore profesionalerako jauzia esploratzea errazteko. Urteen poderioz, Rockeinen sariak hobetzen joan dira, eta lehiaketak MAZ Basauri musika-zikloarekin duen lotura finkatu da, biak ere Basauriko Udalak sustatuak.

"Rockeinek bederatzi urte jarraian daramatza parte hartze-errekorra hausten, izena emandako proiektuen berritze-tasa %30 ingurukoa izanik. 2024an 195 artistak eman zuten izena. Lehiaketatik Sara Zozaya, Silitia, Lova Lois edo gaur gurekin dagoen Ben Santana bezalako irabazleak atera dira, eta euren karrerei proiekzio profesional handiagoa ematea lortu dute, sektore gogor eta zail batean.

Rockeinen 13 urteko ibilbidearen datuek eta parte-hartzaileen kalitateak lehiaketa erreferentziala bihurtu dute Euskal Herriko artista berrien artean.

Iaz proiektua indartu genuen, tokiko kategoriaren estaldura Hego Uribe osora zabalduz eta sari hori hobetuz. Era berean, musikaren sektorean emakumeen parte-hartzea sustatzearen aldeko apustua egin da, Marienearekin elkarlanean egindako ekitaldi baten bidez.

2025ean beste urrats bat emango dugu musika-talentu berria sustatzeko, Bizkaiko Foru Aldundiaren lankidetzari esker Bizkaia Saria gehituta”, adierazi du prentsaurrekoan Asier Iragorri Basauriko alkateak.

Bestalde, Leixuri Arrizabalagak, Bizkaiko Foru Aldundiko Euskara, Kultura eta Kirol diputatuak, honakoa nabarmendu du: "Rockeinek artista bizkaitarrak barneratzen dituzten musika-proiektuen ordezkaritza zabala du, azken urteotan parte-hartzaile guztien %60 eta %70a artean egon dena. 2024an euskarazko artistaren onenari saria irabazteko 55 hautagai izan ziren. Lehiaketak, era berean, emakumeak musika- sorkuntzara eta zuzeneko musikaren sektorera erakartzeko politikak aplikatzen ditu.

Horri lehiaketaren komunikazio-inpaktua gehitu behar zaio, urtean ehun bat agerraldi inguru lortzen baititu komunikabideetan; eta bere hurbiltasuna, doako sarbidea duen final batekin eta irabazleentzako aholkularitzarekin, mundu profesionalarekin izango duten lehen hartu-emanean laguntzeko.

Horregatik guztiagatik, Bizkaiko Foru Aldundiko Euskara, Kultura eta Kirol Sailetik beharrezkoa iruditu zaigu Rockein laguntzea, Bizkaia Saria lehiaketara gehituz".

PARTE HARTZEKO BALDINTZAK
-Euskal Autonomia Erkidegoan (EAE) edo Nafarroan jaiotako edo bertan bizi den taldekide bat izatea, gutxienez.
-Hego Uribeko artistarik onenaren saria eskuratu ahal izateko: Basaurin, Arrigorriagan, Etxebarrin, Galdakaon, Ugao-Miraballesen, Usansolon edo Zaratamon erroldatutako taldekide bat izatea, gutxienez.
-Bizkaia saria eskuratu ahal izateko: Bizkaian erroldatutako taldekide bat izatea, gutxienez.
-Eskarabilera saria eskuratu ahal izateko: taldeko kideen %50a gutxienez emakumeak izatea.
-Taldekideak 16 urtetik gorakoak izatea.
-Izena emateko unean ez izatea disko bat baino gehiago argitaratuta, kontratu diskografiko bati lotuta dagoen edo ez kontuan hartu gabe.
-Abestiak originalak izatea.

-Musika-estilo guztiak onartzen dira
-Aurretik Rockeinen izena emandako talde guztiek edizio berri honetan parte hartzeko aukera dute, baldin eta aurrez aipatutako baldintzak betetzen badituzte. Dagoeneko irabazle izan diren taldeek ez dute sarituak izan ziren kategoria berean errepikatzeko aukerarik izango.

JOKOAN DAUDEN SARIAK:

Kategoria nagusiko artistarik onena
-EP profesional bat (gutxienez bost abesti) grabatzea Bilboko El Tigre estudioetan
-Bideoklip profesional bat grabatzea
-Kontzertua MAZ Basauri festibalean

Hego Uribeko artistarik onena
-Bideoklip profesional bat grabatzea
-Kontzertua MAZ Basauri festibalean

Bizkaia saria
-EP profesional bat (gutxienez bost abesti) grabatzea Bilboko El Tigre estudioetan
-Kontzertua MAZ Basauri festibalean

Euskarazko artistarik onena
-Kontzertua MAZ Basauri festibalean

Eskarabilera saria
-Kontzertua MAZ Basauri festibalean

OINARRIAK · IZENA EMATEKO ORRIA

- EMAN IZENA -

<<MAHAI JOKOEN TOPAKETA – “Jolasean ere, ahobizi eta belarriprest”>>

12 eta 17 urte bitartean dituzu? Mahai jokoetan jolastea gustuko duzu? Maiatzaren 17an, 18:00etatik 21:00etara, ZirtZarteko Gaztegunean ospatuko dugu euskarazko mahai-jokoen topaketa handia !

- Taldeak osatuko ditugu, eta 15-20 minutuko partida laburretan, joko ezberdinetan parte hartuko duzue.

- Ez dituzue arauak zertan jakin ! Joko bakoitzean azalpenak emango dizkizuen pertsona bat egongo da.

- Taldeak jokoaren arabera mugituko dira, eta horrela arratsaldea dinamikoagoa eta dibertigarriagoa izango da.

Gainera, aurreko asteetan, zenbait joko eskuz egiteko aukera egongo da Gaztegunean, gero topaketan erabiltzeko.

Arratsaldean zehar, joko batzuk zozketatuko dira parte-hartzaileen artean.

Eta bukatzeko... Askaria guztiontzat!

Plaza mugatuak. Beharrezkoa da aurrez izena ematea.

- EMAN IZENA -

<<ZirtZart Basaurik «Tekno STEAM», «Uda Gazte»  eta «STEAM Artea»  campusak eskainiko ditu, 12 eta 16 urte bitarteko gazteentzat, 2025eko ekainaren 23tik uztailaren 18ra>>

- Tekno STEAM, ekainaren 23tik 27ra edo uztailaren 7tik 11ra

- Uda Gazte, ekainaren 30etik uztailaren 4ra

- STEAM Artea, uztailaren 14tik 18ra.

Basauriko Udalak, ZirtZart Gazteria Zerbitzuaren bitartez, 2009 eta 2013 urte bitartean jaiotako gazteentzako hiru jarduera eskainiko ditu, ekainaren 23tik uztailaren 18ra bitartean. Hain zuzen ere, «Tekno STEAM», «Uda Gazte» eta «STEAM Artea»  campusak izango dira.

Hiru eskaintzak ZirtZarten egingo dira, Autonomia kaleko 3. zenbakian. Ekainaren 23tik 27ra edo uztailaren 7tik 11ra, 10:30etik aurrera eta egunean hiru orduko iraupenarekin, jarduera teknologikoak landuko dira, eta ikasleek erronkak konpondu beharko dituzte «Tekno STEAM» campuseko robotika hezigarriaren bidez. Ekainaren 30etik uztailaren 4ra, 11:00etatik aurrera eta bi orduz, «UDA GAZTE» campusean parte hartzen duten gazteek kirol- eta ur-ginkanetan, eskulanetan edo abentura-irteera batean parte hartu ahal izango dute. Eta uztailaren 14tik 18ra, 11:00etatik aurrera eta bi orduz, talde parte-hartzaileak eskulan tailerrak egingo ditu, artea eta zientzia nahastuz, «STEAM Artea» campusean.

Interesdunek maiatzaren 12tik ekainaren 12ra bitartean eman dezakete izena, telematikoki, Gazteria Zerbitzuaren webgunearen bidez (zirtzart.basauri.eus) edo Autonomia kalean, Gazteentzako Informazio Bulegoan bertan. Plaza-kopurua mugatua denez, horiek esleitzeko orduan «ZirtZart Bazkide» txarteldunek izango dute lehentasuna.

Hiru eskaintzetan parte har daiteke. Tarifari dagokionez, «Tekno STEAM» eta  «STEAM Artea» campusak 42€ kostako dira, eta «Uda Gazte» campusa, 27€. ZirtZarteko bazkideek %40ko deskontua dute; Gazte Txartela dutenek, berriz, %20koa.

EMAN IZENA

• Informazio gehiago;

Basauriko Udala – ZirtZart Basauri, Gazte Bulegoa

• ; 944 666 430
• This email address is being protected from spambots. You need JavaScript enabled to view it.
• http://zirtzart.basauri.eus/