Albisteak

«Festibas» musika banden jaialdiaren hamabigarren edizioa urriaren 12an izango da, San Faustoekin bat eginik

«Festibas» banden jaialdia antolatu du ZirtZart Basaurik, Basauriko Udalaren gazteria-programa integralak udalerriko musika-bandei eta Basozelai Gizarte Etxeko entsegu-lokalen erabiltzaileei eskainitako jardunaldia da «Festibas».

Urriaren 12an (astelehena) izango da hitzordua, Basaurin, San Fausto jaien ospakizunekin batera. «Festibas»en xedea da zuzenean jotzeko aukera ematea herriko musika taldeei, eta ikusleen aurrean bultzatzea proiektu bakoitza, jai-giroan.

Jaialdian parte hartu nahi duten taldeek uztailaren 20tik irailaren 4ra eman beharko dute izena. Horretarako, antolatzaileek eskatutako agiriak aurkeztu, eta ezarritako gutxieneko baldintzak bete beharko dituzte; besteak beste, taldeko kide bat, gutxienez, Basaurin bizitzea, edota azken hiru ikasturteotan (2023-2026) Basozelai Gizarte Etxeko entsegu-lokaletan aritu izana, eta taldeko kideak 12 urtetik gorakoak izan behar dute.

www.basauri.eus udal webgunean eta www.zirtzart.basauri.eus atarian daude dokumentazio guztia eta oinarriak.

Informazio gehiago hemen:

Basauriko Udala – ZirtZart Basauri Gazte Bulegoa

Tel.: 944 666 400 / 634 984 615

Helbide elektronikoa: This email address is being protected from spambots. You need JavaScript enabled to view it.

Webgunea: http://zirtzart.basauri.eus/

Sare sozialak:

Facebook: facebook.com/zirtzartbasauri
Twitter: @zirtzartbasauri
Instagram: zirtzartbasauri

OINARRIAK

INSKRIPZIO-ORRIA

Zabalik dago epea uztailaren 14tik irailaren 2ra bitartean ZirtZart Basaurik antolatzen duen aisialdirako begirale ikastaroan izena emateko

Basauriko Udalak, ZirtZart-en bitartez, aisialdirako begirale ikastaroa egiteko aukera eskainiko die Basauriko gazteei. Interesdunek, herrian erroldatua egoteaz gain, gutxienez, 18 urte izan beharko dituzte, eta 2009ko ekainaren 30a baino lehen jaiotakoak ere onartuko dira.

Atal teorikoa 2026ko irailaren 19tik 2027ko martxoaren 13ra bitartean burutuko da ZirtZart Basauriren lokalean ondorengo ordutegian: larunbatetan 10:00-18:30. Epe horren barne badago ere hiru asteburuko egonaldia La Arboledako aterpe baten (irailak 19-20, azaroak 14-15, eta otsailak 13-14. Larunbateko 10:00etatik igandeko 15:00etara). Ondoren, parte hartzaileek, era boluntarioan, aisialdi talde batean edota udaleku batean 160 ordutako praktikak egin beharko dituzte. Behin ikasturtea amaituta, ikasleek “Aisialdirako Begirale” titulua lortuko dute, Eusko Jaurlaritzak homologatzen duena.

Ikastaroa euskaraz izango da, eta gutxieneko hizkuntza gaitasuna eskatuko da ikastaroa egiteko, hau da, sesio teorikoak jarraitu eta memoria euskaraz entregatzeko gaitasuna.

Izena emateko epea uztailaren 14tik irailaren 2ra arte egongo da zabalik. ZirtZart Basauri webgunearen bitartez aukera dago izena emateko, eta horrez gain, modu presentzialean ere Autonomia 3 kalean den bulegoan abuztuan izan ezik (harrera ordutegia: 10:00-17:00 astelehenetik ostiralera).

Plaza kopuru mugatua dago, eta ikastaroan parte hartzen dutenek 170 euroko matrikula ordaindu beharko dute (% 40ko deskontua izango dute ZirtZarteko bazkideek, eta % 20koa Gazte Txartela dutenek). Plaza guztiak bete ezean, Basaurin ez erroldatuek parte hartu ahal izango dute, horientzako kuota 300 eurokoa izanik.

-EMAN IZENA-

<<Rockeinek bere parte-hartze errekorra hautsi du berriro, 199 artistak izena eman ostean>>

-33 talde eta bakarlari Hego Uribeko artistarik onenari sarira hautagai izango dira; 134, Bizkaia sarira; 52, Euskarazko talderik onenari; eta 16k, Eskarabilera saria jasotzeko aukera izango dute

-Finala azaroaren 14an izango da Basauriko Social Antzokian

Uztailaren 2an itxi zen Rockein-en 14. edizioan izena emateko epea. Musika-lehiaketa Euskal Autonomi Erkidego eta Nafarroako bakarlari eta taldeei zuzenduta dago eta Basauriko Udalak antolatzen du, Bizkaiko Foru Aldundiaren Euskara, Kultura eta Kirol Sailaren laguntzaz.

199 artistak eman dute izena, parte hartze berria ezarriz. Jasotako proposamenen artean 33 (2025ean, 30) Hego Uribe eskualdekoak dira (Basauri, Arrigorriaga, Etxebarri, Galdakao, Ugao-Miraballes, Usansolo edo Zaratamon erroldatutako kide bat, gutxienez). 134 proiektu Bizkaia Saria irabazteko hautagai izango dira (129, 2025ean);

52, euskarazko talderik onenari saria lortzeko (47, 2025ean); eta 16 (2025ean, 15) Eskarabilera saria eskuratzeko (gutxienez kideen %50 emakumeak dituzten proiektuak). Bukatzeko, 2025etik 2026ra 28 talde berrik eman dute izena.

199 proposamenak epai mahaiaren eskuetan daude azaroaren 14an Basauriko Social Antzokiko finalean nortzuk joko duten erabakitzeko. Gau horretan Hego Uribeko 3 taldek joko dute, eta horietako bat, gutxienez, Basaurikoa izango da beti. Beste hiru proiektu finalistak, berriz, kategoria nagusiko Artista Onenaren saria lortzeko lehiatuko dira. Horrek ez du baztertuko sei finalista hauek lehiaketako beste kategorietako sariak irabazteko aukera izatea, beti ere lehiaketaren oinarrian jasotzen diren baldintzak betetzen badituzte eta kontutan hartuta ezin direla sariak metatu.

Parte-hartzearen bilakaera

Rockeinen parte-hartzaile kopuruak hurrengo bilakaera izan du 2013ko lehen ediziotik:

2013: 85 parte-hartzaile

2014: 105 parte-hartzaile

2015: 95 parte-hartzaile

2016: 110 parte-hartzaile

2017: 129 parte-hartzaile

2018: 135 parte-hartzaile

2019: 146 parte-hartzaile

2020: 169 parte-hartzaile

2021: 179 parte-hartzaile

2022: 188 parte-hartzaile

2023: 191 parte-hartzaile

2024: 195 parte-hartzaile

2025: 196 parte-hartzaile

2026: 199 parte-hartzaile

JOKOAN DAUDEN SARIAK:

Kategoria nagusiko artistarik onena

-EP profesional bat (gutxienez bost abesti) grabatzea Bilboko El Tigre estudioetan

-Bideoklip profesional bat grabatzea