<<Lanbide-orientazio eta etxebizitza jardunaldiak gazteentzat martxoaren 10etik 31ra, Basauriko Udalaren Gazte Zerbitzuan>>

Basauriko Udalaren ZirtZart Gazte Zerbitzuan, martxoan zehar, aholkularitza eta orientazio saio batzuk antolatu ditugu, gazteen bizi-proiektuan laguntzen duten bi eremuri lotuta; enplegua eta emantzipazioa.

Lehenengo arloa aukera akademikoena eta lan-aukerena da, eta gazteei eta euren familiei zuzenduta dago (saio ezberdinetan). Bertan, gaur egun dauden ikasketa- eta lan-aukerak azalduko ditugu: unibertsitatea, lanbide-heziketa, modalitateak, euren arteko loturak eta bideak… Lan-merkatua aztertuko dugu: zein aukerak dauka irtenbide gehiago?, inguruko lan-merkatuan zer eskatzen ari dira?, lanerako eta bizitzarako gaitasunak ahaztu gabe, zer gustatzen zait?, zertan naiz ona?, zertarako balio dezaket, maila profesionalean?

Bi saio egongo dira talde bakoitzarentzat eta saio bakoitzean honako gai hauek jorratuko dira:

- 1. saioa (martxoak 19 eta 21): zeharkako trebetasun pertsonalak, gaitasunak, bokazio profesionala eta erabakiak hartzeko laguntzak.
          · Gazteak: 17:00 – 18:45
          · Familiak: 19:00 – 20:45
- 2. saioa (martxoak 26 eta 28): hezkuntza-eskaintza eta lan-merkatuaren egoera eskualdeko errealitatea kontuan izanik.
          · Gazteak: 17:00 – 18:45
          · Familiak: 19:00 – 20:45

Bloke hori DBHko 3. eta 4. mailetan edo Batxilergoko 1. mailan matrikulatutako gazteentzat eta haien familientzat izango da.

Bigarren arloa etxebizitzarena. Programatutako 4 saio izango dira, familiaren etxetik atera nahi duten gazteek informazio egokia izan dezaten, emantzipazio-ibilbide egokia eraikitzeko. Hona hemen programa:

- 1. saioa (martxoak 10): ALOKABIDE eta alokairuko etxebizitza.
- 2. saioa (martxoak 17): etxebizitza alokatzea eta erostea.
- 3. saioa (martxoak 24): etxeko ekonomia.
- 4. saioa (martxoak 31): hornidurak. Zer jakin behar dugu?

Bloke hori 16 eta 30 urte bitarteko gazteei zuzenduta dago. Saio guztiak 17:00etan hasteko programatuta daude, eta bakoitzak 90 minutu iraungo du.

Saio bakoitzeko plaza-kopurua mugatua denez, parte hartu nahi duen orok izena eman beharko du. Epea otsailaren 6tik martxoaren 6ra egongo da irekita. Eskaerak presentzialki egin ahalko dira Basauriko Gazte Informazio Bulegoan (Autonomia kalea, 3) edo telematikoki, Basauriko Udaleko Gazte Zerbitzuaren webgunearen bidez (zirtzart.basauri.eus).

KARNABAS txikia<<Gorde ezazu martxoaren 2ko arratsaldea, 19:00etik 21:00etara, eta zatoz Basauriko Social Antzokira gurekin Karnabaseko itsas jaia ospatzera>>

 

ZirtZart Basaurik gonbidatzen zaitu martxoaren 2an Social Antzokian egingo dugun Karnabasen itsas jaian parte hartzera.

Sartzeko, sarrera aurkeztu beharko duzu. Sarrera eskuratzeko, pasa zaitez Social Antzokitik (leihatilan edo online) edo BBKren kutxazain zerbitzuetatik . Sarrerak 2 € balioko du martxoaren 2a baino lehenago erosten baduzu, eta 3 € jaiaren egunerako utziz gero.
Arratsaldea sorpresaz beterik egongo da, eta eguna borobiltzeko, DJ Jaikide ariko da giroa berotzen. Zatoz, mozorro itzela jantzita! Ez ahaztu aurtengo gaia ”itsas jaia” izango dela! Zain izango gaituzu!

SARRERAK

Otsaila txikitxiki                    <<GAZTEGUNEKO OTSAILEKO EGITARAUA>>

Zirt Zart Basauri Gazteria Zerbitzukook zenbait jarduera antolatu ditugu hilabete honetan, 12 eta 17 urte bitarteko gazteentzat. ZirtZarteko Gaztegunean egingo ditugun jarduerak guztiz doan izango dira.

 

Hilabetean zehar – Karnabaserako dekorazioa.

Karnabas jairako dekorazioa Gaztegunean prestatuko dugu. Pasatu hemendik tartetxo bat duzunean zure aletxoa emateko.

Otsailak 9: Tik-Tok errezetak.

Tik-tokeko errezeta ospetsuenak, crumbl cookieak eta Dubaiko txokolatea, prestatuko ditugu (edo behintzat saiatuko gara).

Otsailak 15: Switch-eko lehiaketa handia.

Nintendo Switch-eko lehiaketa handia egingo dugu, parte hartu nahi baduzu ekarri zure mugikorra. Bukatzean askari bat izango dugu.

Otsailak 21-23: pantailarik gabeko asteburua.

2025ean, hilean asteburu bat emango dugu pantailarik gabe, Gaztegunea pantailarik eta bideojokorik gabeko gune bihurtzeko. Asteburu horretan, mahai-jokoak, eskulanak, arte-plastikoak eta mugimendu-jolasak sustatuko ditugu.

Martxoak 2: Karnabaseko  jaia

Martxoaren lehenengo igandean, Karnabas jaia ospatuko dugu19:00etatik 21:00etara ordutegian, Basauriko Social Antzokian.

<<Urtarrilaren 15etik martxoaren 15era bitartean jasoko dituzte ZirtZarten «Hitz-Erdiko Kontaketak» euskarazko ipuin laburren lehiaketaren 2025eko ediziorako lanak>>

• «Erabaki zuzena hartu ote nuen?» izango da abiapuntua. Esaldi horretatik hasita, gehienez ere ehun hitzeko kontakizuna idatzi beharko dute parte-hartzaileek.
• Bost sari egongo dira: «Lehen sailkatua», «Bigarren sailkatua», «Hirugarren sailkatua», «Elkar» saria eta «Basauri» saria.

Lehiaketa ZirtZart Basaurik (Basauriko Udalaren Gazteria Ataleko programa) antolatzen du, Geuria Hego Uribeko herri komunikabidearen eta Elkar Euskal Kulturgintzaren laguntzarekin. 12-35 urte bitarteko gazteei zuzendutako ekimen horren helburua da idazmenean interesa dutenen talentua aurkitzea.

Parte hartu nahi dutenek «mikrokontakizun» bat idatzi beharko dute, gehienez ere ehun hitzez osatua. Antolatzaileek hasierako esaldia emango dute (aurtengoan, hauxe: «Erabaki zuzena hartu ote nuen?»), eta hortik abiatu beharko dira lanak. Parte-hartzaile bakoitzak hautatuko du bere kontakizunaren gaia. Euskaraz idatzitako «mikroipuinak» baino ez dira onartuko. Nahi adina kontakizun aurkeztu ahalko ditu parte-hartzaile bakoitzak, 2025eko urtarrilaren 15etik martxoaren 15era bitartean, zirtzart.basauri.eus webgunearen bitartez.

Bost sari egongo dira: «Lehen sailkatua» (200 €-ko bonua jasoko du), «Bigarren sailkatua» (150 €-ko bonua), «Hirugarren sailkatua» (100 €-ko bonua), «Elkar» saria (150 €-ko bonua) eta «Basauri» saria (150 €-ko bonua). «Elkar» sarian, 12-17 urte bitartekoen proposamenak baino ez dira aintzat hartuko; eta, «Basauri» sarian, herrian erroldatua egon beharko du parte-hartzaileak. «Lehen sailkatua»ren, «Basauri» sariaren eta «Elkar» sariaren «mikrokontakizunak» Geuria aldizkarian argitaratuko dira (Hego Uribeko Herri Komunikabidea da Geuria).

Zortzigarren edizioa dugu aurtengoa, eta, orain arte, antolakuntzak, denera, 1.021 proposamen jaso ditu (89, lehen edizioan; 83, bigarrenean; 54, hirugarrenean; 203, laugarrenean; 288, bosgarrenean; 149, seigarrenean, eta 155, zazpigarrenean).

PARTE HARTU!

 

Urtarrila copiaGAZTEGUNEKO URTARRILEKO PROGRAMAZIOA

 

Zirt Zart Basauri Gazteria Zerbitzukook hainbat jarduera antolatu ditugu hilabete honetan, 12 eta 17 urte bitarteko gazteentzat. ZirtZart-eko gaztegunean egingo dira jarduerak, Autonomia kaleko lokal berrian.

Urtarrilak 11 – Zirtzarteko Asanblada.

Urteko lehenengo hilabetean gaztegunean elkartuko gara, urtarrilaren 11n arratsaldeko 18:00etan urteko aktibitateak programatzeko eta zuen ideiak, kexak eta eskaerak entzuteko. Hurbildu zaitezte gaztegunera!

Urtarrilak 18 eta 19: Blue Monday

Ba al dakizue urtarrilaren 20a urteko egunik tristeena dela? Etorri gaztegunera asteburu horretan, guztion artean irtenbide bat bilatzeko

Urtarrilak 25 eta 26: Fornite eta Just Dance txapelketa:  

Asteburu honetan Fornite eta Just Dance txapelketak eramandgoditugu. Pasa zaitezgaztegunetik izena emateko eta etorri hauetakonagusia irabaztera.