GEOSANMI copia txikia<<GEOSANMI>>


"ZirtZart Basaurik makro altxorraren bila jarduera antolatu du irailaren 22an Basauriko San Migelen taldeka jokatzeko, Geocaching jarduera ezagunean oinarrituta"

“Altxorraren bila” jarduera irailaren 22an, igandea, egingo da San Migel auzo osoan zehar. Horretarako, taldeka parte hartuko dute, eta mugikor aplikazio bat erabili beharko dute jasotako koordenatuak bilatzeko. Goiz osoa musikaz girotua egongo da eta amaieran bazkaria eskainiko zaie parte-hartzaile guztiei.

Jarduerak hurrengo ordutegia eta planteamendua jarraituko du:
- 10:00: San Migeleko frontoian parte hartuko duten guztiekin elkartuko gara, bertan taldeak osatuko dira (gutxienez 2 eta gehienez 5 pertsona) eta jokoa azalduko da.
o San Migeleko frontoia "kanpamendu nagusia" izango da. Horra itzuli beharko dute altxorretako bat aurkitzen duten bakoitzean.
o Altxor bakoitzean hauxe egongo da:
     - Plastikozko kutxa bat.
     - Agenda 1 (taldearen izena idazteko aurkitutakoan).
     - Zigilu 1.

Aholkularitza PsikologikoaAholkularitza psikologikoko zerbitzua eskainiko die erabiltzaileei Zirt Zart zerbitzuak

Batzuetan, pertsonek eragin psikologiko eta emozional handiko bizi-gertaera pertsonalak eta/edo kolektiboak izaten dituzte Bizitzan zehar egoera batzuei egin behar diegu aurre, eta ez ditugu beti behar bezala kudeatzeko behar diren baliabideak eta tresnak izaten. Hortik dator eskaintza hau.

Norentzat?
Basauriko 12 urtetik 30 urtera bitarteko gazteei zuzenduta

Zertarako?
Psikologia-aholkularitzaren helburua da behar duten pertsonek psikologiako profesional batekin kontsultaren bat izateko aukera izatea, une horretan kezkatzen dituzten edo ezinegona sortzen dieten gauzei buruz hitz egiteko, eta bien artean kezka eta/edo egoera hori behar bezala kudeatzeko modu bat bilatzea. Besteak beste, bikotean dituzten zailtasunak, antsietatea, autoestimuarekin erlazionatutako gaiak, besteekin harremanetan jartzeko zailtasunak eta segurtasunik ezak, sexualitateari buruz izan ditzaketen zalantzak edo kezkak landu ahal dira aholkularitza-psikologikoan.

Aholkularitza pertsona bakoitzaren eskariari egokitutako zerbitzu pertsonalizatua da. Gainera, zerbitzu horretan, arreta ematen dion profesionalarekin partekatzen den informazioaren konfidentzialtasuna gordetzen da.

Gehienez ere 60 minutu inguruko 3 saio egingo dira, eta orientatzen saiatuko gara, zure baliabide pertsonalak mugiaraziz edo zure ondoezak konpontzen lagunduko dizuten zerbitzu espezializatuen berri emanez.
Saioa on-line edo aurrez aurre egin daiteke.

Gaztegune berriak herri osora zabalduko du jarduna, auzoetan gazteentzako jarduerak antolatuta

• Aisialdiko begirale izateko ikastaro berri bat eta erabiltzaileentzako aholkularitza psikologikoko zerbitzua ere eskainiko ditu

Basauriko Udalaren Gazteria Zerbitzu berria (Zirt Zart), Autonomia kaleko 3. zenbakian dagoena, bihar –irailak 7, larunbata– irekiko da larunbata, ekitaldiz betetako inaugurazio-ekitaldi bategaz. Ibilbide berri honetan, Gazte Informazio Bulegoaren ordutegia luzatu da eta Gaztegunea herri osora zabalduko da; izan ere, asteburu bakoitzean auzo batean antolatuko baitira gazteentzako jarduerak. Gainera, aisialdiko begirale izateko ikastaro berri bat eta erabiltzaileentzako aholkularitza psikologikoko zerbitzua ere eskainiko ditu.

300 m2 inguruko lokala izanik, udal-zerbitzu berriak bi solairu eta kanpoko patio bat izango ditu, gazteei zuzeneko arreta eta informazioa eskainiko zaie, eta askotariko jarduerak antolatuko ditu, halan zelan programa eta jarduera ludikoak eta kultura-arlokoak, ikastaroak, ikuskizunak, tailerrak eta abar. Lehenengo solairuan, Gazte Informazio Bulegoa eta Gaztegunea bera kokatuko dira, baita erabilera anitzeko areto berri bat ere, “Coworking Gunea”, gazte basauriarrek talde-lanak, bilerak, bestelako gizarte-ekimenak edo coworkingeko jarduerak egiteko erabili ahal izango dute, betiere aurrez erreserba eginda.

Gaztegunea hainbat gunetan antolatuta dago: ordenagailuak, bideojokoak eta telebistak egongo dira gune batean, beste txoko batean sofak, eta mahaiak eta aulkiak ere bai, hainbat jarduera egiteko. Bigarren solairuan, areto batean mahaiak eta aulkiak egongo dira, baita arbel interaktibo handi bat ere, ikastaroak, prestakuntza-saioak... egin ahal izateko. Eta, kanpoaldean, patio bat dagoenez, Gazteguneak askotariko jarduerak antolatzeko aukera gehiago izango ditu, kasu honetan aire zabalean.

Festibas 2024 OficialFestibas jaialdiaren hamargarren edizioa urriaren 12an ospatuko da, Sare, Niere eta Kaïa taldeen emanaldiekin

- 18:30etik aurrera Basauriko Mojaparte plazan

Sare, Niere eta Kaïa talde basauriarrak izango dira aurtengo musika zikloan, urriaren 12an, larunbatez, Basauriko Mojaparte plazan, San Faustoko jaien ospakizunekin bat eginez. «Festibas» jaialdiak helburu du herriko bandei zuzenean jotzeko aukera ematea, formatu profesionalean, eta proiektu bakoitza ikusleen aurrean sustatzea jai-giroan. Jaialdia ZirtZart Basaurik antolatzen du (Basauriko Udalaren gazte zerbitzua).
Jaialdia arratsaldeko 18:30ean hasiko da eta talde bakoitzak 45 minutu izango ditu oholtzan aritzeko.

- Sare: bi emakumek sortutako euskarazko pop-elektronikoko musika taldea da. Brasildik eta Euskal Herritik datorren pop elektronikoko musika estiloa nahasten du. Osagai bakoitzaren herrialdetik datorren nahasketa musikal kulturala da.
- Niere: 2021ean sortua. Hastapenean balada lasaigarriak oinarri izanda egun genero musikala birmoldatu eta soinu astunetara jo dute distortsioz beteriko rock-metal abestiak konposatuz.
- Kaïa: garapen bidean dagoen pop-rock taldea, euskaraz zein gazteleraz abesten duena. Sorkuntza-prozesu betean dago, hazkunde propioko prozesu batean, eta pop-rock estilo eguneratu bateko abesti berrien konposizioari ematen zaio lehentasuna, instrumentuak eta oinarri elektronikoak nahastuz, oinarrizko instrumentuak, gitarra, baxua, bateria eta teklatua ordezkatu gabe.

ZirtZart Basaurik zortzi inskripzio jaso ditu zuzeneko musika jaialdian parte hartzeko, eta horien artetik hiru aukeratu dira kartela osatzeko.

MTE 2024Urriaren 24an abian jarriko du ZirtZart Basaurik «Musika Taldeak Eratzea» izeneko programaren 2024/25 ikasturtea, musika taldeen sorkuntza sustatzeko asmoz

- Eskaintza lau diziplinak osatzen dute: kantua, gitarra, baxua eta bateria.
- Jotzeko teknika eta gaitasuna hobetzeaz gain, hartu-emana dago beste diziplinetako ikasleekin.

Urriaren 24an jarriko dira abian Basauriko Udalak, ZirtZart Gazte Zerbitzuaren bitartez, urtero eskaintzen dituen musika-tresnen formakuntza ikastaroak. Aurreko urteetako eskaria eta ibilbidea kontuan hartuta, lau diziplina eskaintzen dira dira: kantua, gitarra, baxua eta bateria. Eskaintza osoaren ikuspuntua musika-taldeak sortzera bideratuta dago, beraz, musika-tresna bakoitzaren diziplina indibidualak izateaz gain, taldeko gainerako musika-tresnekiko elkarreragina ere landuko da.

Ikastaroak 2024ko urriaren 24an hasita, 2025eko maiatzaren 22ra arte luzatuko dira, Gabonetan eta Aste Santuan izan ezik, orduan, ostegunetako arratsaldeak finkatuta daude Basauriko Basozelai Gizarte Etxean, 20:15etik 21:15era. Musika-irakaskuntzan eta ibilbidean esperientzia handia duten irakasleek gidatuko dute trebakuntza-sorta hau.

Izena emateko epea irekita egongo da 2024ko irailaren 9tik urriaren 9ra bitartean; orduan interesdunek inskripzioa egiteko aukera izango dute ZirtZart gazte zerbitzuaren webgunearen bitartez, modu telematikoan edota zuzenean Autonomia 3 lokaleko Gazte Informazio Bulegoan. Nagusiki 12-35 urte bitarteko plaza banaketari dagokionez lehentasuna dute «ZirtZart Bazkide Txartela» sisteman altan direnek. Ikasturteko formakuntza prezioa 144€ da; 12-35 urte bitartekoen artean Gazte txartela dutenei %20eko deskontua aplikatuko zaie, eta %40koa ZirtZart Basauriko bazkideei.