Gaztegune berriak herri osora zabalduko du jarduna, auzoetan gazteentzako jarduerak antolatuta

• Aisialdiko begirale izateko ikastaro berri bat eta erabiltzaileentzako aholkularitza psikologikoko zerbitzua ere eskainiko ditu

Basauriko Udalaren Gazteria Zerbitzu berria (Zirt Zart), Autonomia kaleko 3. zenbakian dagoena, bihar –irailak 7, larunbata– irekiko da larunbata, ekitaldiz betetako inaugurazio-ekitaldi bategaz. Ibilbide berri honetan, Gazte Informazio Bulegoaren ordutegia luzatu da eta Gaztegunea herri osora zabalduko da; izan ere, asteburu bakoitzean auzo batean antolatuko baitira gazteentzako jarduerak. Gainera, aisialdiko begirale izateko ikastaro berri bat eta erabiltzaileentzako aholkularitza psikologikoko zerbitzua ere eskainiko ditu.

300 m2 inguruko lokala izanik, udal-zerbitzu berriak bi solairu eta kanpoko patio bat izango ditu, gazteei zuzeneko arreta eta informazioa eskainiko zaie, eta askotariko jarduerak antolatuko ditu, halan zelan programa eta jarduera ludikoak eta kultura-arlokoak, ikastaroak, ikuskizunak, tailerrak eta abar. Lehenengo solairuan, Gazte Informazio Bulegoa eta Gaztegunea bera kokatuko dira, baita erabilera anitzeko areto berri bat ere, “Coworking Gunea”, gazte basauriarrek talde-lanak, bilerak, bestelako gizarte-ekimenak edo coworkingeko jarduerak egiteko erabili ahal izango dute, betiere aurrez erreserba eginda.

Gaztegunea hainbat gunetan antolatuta dago: ordenagailuak, bideojokoak eta telebistak egongo dira gune batean, beste txoko batean sofak, eta mahaiak eta aulkiak ere bai, hainbat jarduera egiteko. Bigarren solairuan, areto batean mahaiak eta aulkiak egongo dira, baita arbel interaktibo handi bat ere, ikastaroak, prestakuntza-saioak... egin ahal izateko. Eta, kanpoaldean, patio bat dagoenez, Gazteguneak askotariko jarduerak antolatzeko aukera gehiago izango ditu, kasu honetan aire zabalean.

Festibas 2024 OficialFestibas jaialdiaren hamargarren edizioa urriaren 12an ospatuko da, Sare, Niere eta Kaïa taldeen emanaldiekin

- 18:30etik aurrera Basauriko Mojaparte plazan

Sare, Niere eta Kaïa talde basauriarrak izango dira aurtengo musika zikloan, urriaren 12an, larunbatez, Basauriko Mojaparte plazan, San Faustoko jaien ospakizunekin bat eginez. «Festibas» jaialdiak helburu du herriko bandei zuzenean jotzeko aukera ematea, formatu profesionalean, eta proiektu bakoitza ikusleen aurrean sustatzea jai-giroan. Jaialdia ZirtZart Basaurik antolatzen du (Basauriko Udalaren gazte zerbitzua).
Jaialdia arratsaldeko 18:30ean hasiko da eta talde bakoitzak 45 minutu izango ditu oholtzan aritzeko.

- Sare: bi emakumek sortutako euskarazko pop-elektronikoko musika taldea da. Brasildik eta Euskal Herritik datorren pop elektronikoko musika estiloa nahasten du. Osagai bakoitzaren herrialdetik datorren nahasketa musikal kulturala da.
- Niere: 2021ean sortua. Hastapenean balada lasaigarriak oinarri izanda egun genero musikala birmoldatu eta soinu astunetara jo dute distortsioz beteriko rock-metal abestiak konposatuz.
- Kaïa: garapen bidean dagoen pop-rock taldea, euskaraz zein gazteleraz abesten duena. Sorkuntza-prozesu betean dago, hazkunde propioko prozesu batean, eta pop-rock estilo eguneratu bateko abesti berrien konposizioari ematen zaio lehentasuna, instrumentuak eta oinarri elektronikoak nahastuz, oinarrizko instrumentuak, gitarra, baxua, bateria eta teklatua ordezkatu gabe.

ZirtZart Basaurik zortzi inskripzio jaso ditu zuzeneko musika jaialdian parte hartzeko, eta horien artetik hiru aukeratu dira kartela osatzeko.

MTE 2024Urriaren 24an abian jarriko du ZirtZart Basaurik «Musika Taldeak Eratzea» izeneko programaren 2024/25 ikasturtea, musika taldeen sorkuntza sustatzeko asmoz

- Eskaintza lau diziplinak osatzen dute: kantua, gitarra, baxua eta bateria.
- Jotzeko teknika eta gaitasuna hobetzeaz gain, hartu-emana dago beste diziplinetako ikasleekin.

Urriaren 24an jarriko dira abian Basauriko Udalak, ZirtZart Gazte Zerbitzuaren bitartez, urtero eskaintzen dituen musika-tresnen formakuntza ikastaroak. Aurreko urteetako eskaria eta ibilbidea kontuan hartuta, lau diziplina eskaintzen dira dira: kantua, gitarra, baxua eta bateria. Eskaintza osoaren ikuspuntua musika-taldeak sortzera bideratuta dago, beraz, musika-tresna bakoitzaren diziplina indibidualak izateaz gain, taldeko gainerako musika-tresnekiko elkarreragina ere landuko da.

Ikastaroak 2024ko urriaren 24an hasita, 2025eko maiatzaren 22ra arte luzatuko dira, Gabonetan eta Aste Santuan izan ezik, orduan, ostegunetako arratsaldeak finkatuta daude Basauriko Basozelai Gizarte Etxean, 20:15etik 21:15era. Musika-irakaskuntzan eta ibilbidean esperientzia handia duten irakasleek gidatuko dute trebakuntza-sorta hau.

Izena emateko epea irekita egongo da 2024ko irailaren 9tik urriaren 9ra bitartean; orduan interesdunek inskripzioa egiteko aukera izango dute ZirtZart gazte zerbitzuaren webgunearen bitartez, modu telematikoan edota zuzenean Autonomia 3 lokaleko Gazte Informazio Bulegoan. Nagusiki 12-35 urte bitarteko plaza banaketari dagokionez lehentasuna dute «ZirtZart Bazkide Txartela» sisteman altan direnek. Ikasturteko formakuntza prezioa 144€ da; 12-35 urte bitartekoen artean Gazte txartela dutenei %20eko deskontua aplikatuko zaie, eta %40koa ZirtZart Basauriko bazkideei.

Aisialdiko Begirale Ikastaroa konpZabalik dago epea irailaren 9tik urriaren 9ra bitartean ZirtZart Basaurik antolatzen duen aisialdirako begirale ikastaroan izena emateko

Basauriko Udalak, ZirtZart-en bitartez, aisialdirako begirale ikastaroa egiteko aukera eskainiko die Basauriko gazteei. Interesdunek, herrian erroldatua egoteaz gain, gutxienez, 18 urte izan beharko dituzte, eta 2006ko ekainaren 30a baino lehen jaiotakoak ere onartuko dira.

Atal teorikoa 2024ko urriaren 26tik 2025eko otsailaren 8ra bitartean burutuko da ZirtZart Basauriren lokal berrian ondorengo ordutegian: ostiraletan 18:30-21:00 eta larunbatetan 10:00-18:30. Epe horren barne badago ere hiru asteburuko egonaldia aterpe baten. Ondoren, parte hartzaileek, era boluntarioan, aisialdi talde batean edota udaleku batean 160 ordutako praktikak egin beharko dituzte. Behin ikasturtea amaituta, ikasleek “Aisialdirako Begirale” titulua lortuko dute, Eusko Jaurlaritzak homologatzen duena.

Ikastaroa euskaraz izango da, eta gutxieneko hizkuntza gaitasuna eskatuko da ikastaroa egiteko, hau da, sesio teorikoak jarraitu eta memoria euskaraz entregatzeko gaitasuna.

Izena emateko epea irailaren 9tik urriaren 9ra arte egongo da zabalik. ZirtZart Basauri webgunearen bitartez aukera dago izena emateko, eta horrez gain, modu presentzialean ere Autonomia 3 kalean den bulegoan (harrera ordutegia: 10:00-19:00 astelehenetik ostegunera, eta 9:00-17:00 ostiraletan.

Plaza kopuru mugatua dago, eta ikastaroan parte hartzen dutenek 100 euroko matrikula ordaindu beharko dute. Plaza guztiak bete ezean, Basaurin ez erroldatuek parte hartu ahal izango dute, horientzako kuota 250 eurokoa izanik.

ZirtZart Basauriren «Gaztegune» zerbitzua udalerriko beste auzo batzuetara hurbilduko da «Gaztegune Ibiltaria» programaren bidez

 

Basauriko Udalak, ZirtZart gazteria zerbitzuaren bitartez eta Kultur Basaurirekin lankidetzan, 12 eta 17 urte bitarteko Basauriko gazteei «Gaztegune» zerbitzua hurbilduko die San Migel (Taberna Na-gusia), Basozelai (Basozelaiko Gizarte Etxea), El Calero (Kareagako Gizarte Etxea) eta Ariz (Ariz Dorretxea) auzoetara.

 

Irailaren 21etik aurrera, San Migeleko auzotik hasita, «Gaztegune Ibiltaria» programari hasiera emango zaio. Programa horrek seihileko bakoitzean ildo tematiko bati eutsiko dio, euskaraz eman-dako hainbat tailerren bidez. Jarduerak edo tailerrak larunbat goizetan aurrera eramango dira, 11:00etatik 13:00etara, eta aipatutako auzoetan txandakatuko dira.

 

Lehenengo blokerako aukeratutako gaia «Misterioa Basaurin» da. Hainbat esperimentu, escape room, logika- eta ikerketa-jokoak, zuzeneko kluedoa... izango ditu. Amaiera, 2025eko apirilaren 5ean egingo dugu elkarrekin jarduera bat eginez Autonomia kaleko 5 zenbakiko lokalean.